Rooma 2:29 - Nyaa Shɔɔ Ɓɔɔ Laa a Ɓɛɛ

²⁹ Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

Rooma 2:29 交叉參考

Luka 11:39

A Kpanti Yeesɔ kɔɔ wu tɔɔ, “Ɓɔɔ nɔɔ Farisi, nɔɔ sɔ̀ɔ́ dakn waka nɛɛ dakn gbanti kɔ shɛ̃ɛning, a yeti manɛ ɓi zang mulunang kɔ nɛɛ yeti lanang shɛ̃ɛning.

Luka 17:21

Zang kɔɔ ɓi kpang nɛɛ, ‘Diki bii keɓe nɛɛ diki kaɓa kpang. Ka ruu ɓɔɔ, Laa roo Kpanti ɓi kana ka teteng manɛ ɓɛɛ.’ ”

Yɔhana 12:43

Ri kasɛ ɓɔɔ shɔnzang dɔɔ ri, ɓa ɓɔɔ Laa dɔɔ ri katɔ.

Yɔhana 4:23

Diki a dòo naa, kãntang keɓe diki bìí a tɔ, zang ɓɔɔ ri bang Laa nɛɛ yeti gbete ri naa bang Laa kaa waasɛ̃, nɛɛ naa ɓɔɔ Suru Laa a ri ɓɛɛ. Daa kasɛ zang ɓɔɔ naa weɓe kɔ, nɛɛ ri bang wu.

Yɔhana 5:44

Nɔɔ kasɛ nɛɛ nɔɔ dɔ̀ɔ́ zɔɔ ka naa manɛ. Nɔɔ kasɛ kpang nɛɛ Laa ɓɔɔ wukɔ Laa gbete gãagãa, wu dɔɔ nɔɔ kpang. A nɔɔ palɛ biya nɔɔ shing danggn ka bii mɛɛ viya?

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 2:27

Ka ruu nɔngkɔ, zang ɓɔɔ ri yee shaa ɓarɛ kpang, ri naa ɓa nɔɔ ditɔ zang Yahudi, ri nɛɛ dũng nyaa ɓɔɔ Laa dang katɔ ɓɛɛ. Ka ruu ɓɔɔ, nɔkɔ zi nyaa ɓɔɔ Laa dangnɛ, a zang ti yee nɔɔ shaa katɔ, a nɔɔ tá nyaa ɓɔɔ Laa dang ɓɛɛ katɔ ɓɛɛ.

Rooma 3:1

A zang Yahudi, ri ɓa zang ɓɔɔ ri zang Yahudi kpang ɓu kaa nɛɛ viya? Shaa yeenang nwǎng zang ɓu viya?

Rooma 7:6

Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

1 Koranti 7:19

Naa zang yee shaa katɔ, naa zang yee shaa doo kpang, palɛ vuu ɓɔɔ kpang. Vuu ɓɔɔ ɓa weɓe nandon, zang ri dũng rɛɛ nyaa ɓɔɔ Laa dang ɓɛɛ.

2 Koranti 10:18

Ka ruu ɓɔɔ, Laa ta ɓi zang ɓɔɔ dɔ̀ɔ́ yuu ɓiɓɛ ɓɛɛ kpang. Zang ɓɔɔ Kpanti dɔ̀ɔ́ wu, Laa ta ɓi wukɔ.

2 Koranti 3:6

Wukɔ a ruu kaka, ruu palɛ wu shonang naa ɓɔɔ nyaa dannang shɔɔ kɔɔ ɓɛɛ. Wu nyaa dannang shɔɔ ɓɔɔ zang bee katɔ ɓɛɛ kpang, ɓi ɓɔɔ Suru Laa. Nyaa dannang ɓɔɔ zang bee katɔ, nyɔ zang ɓi vɔrɔ, a Suru Laa a zang ɓi suru bii.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

1 Tesalonika 2:4

Ruu kɔɔrɔ ruu ɓuru naa ɓɔɔ Laa kasɛ nɛɛ ruu kɔɔ ɓɛɛ kɔ jong. Ka ruu ɓɔɔ, Laa zirɛ ruu daa naa ɓɔɔ wu a ruu Ruu Tɔ̃ɔ ɓiɓɛ tɔ ruu daa kɔɔ zang ɓɛɛ. Ruu tɔɔ kpang nɛɛ ruu rang yee tɔ̀ɔ zang ri tãa tĩnang kpang, ruu kasɛ ɓuru nɛɛ Laa ɓɔɔ wukɔ zi vuu ɓɔɔ ka yeti ɓuru tɔ wu tãa tĩnang.

1 Bituru 3:4

Shinang manɛ wu tusu bii ka nwannang tɔ̃ɔ manɛ kɔ jong. Nwang kikiri mɔɔ tuu yuu ɓaaɓɛ kpang, zɔ̃ng shinang keɓe kɔ lasɛ ɓi kpang, ti nwǎng mɔɔ vuu tɔ̃ɔ katɔ ka tĩng Laa.