Rooma 2:27 - Nyaa Shɔɔ Ɓɔɔ Laa a Ɓɛɛ

²⁷ Ka ruu nɔngkɔ, zang ɓɔɔ ri yee shaa ɓarɛ kpang, ri naa ɓa nɔɔ ditɔ zang Yahudi, ri nɛɛ dũng nyaa ɓɔɔ Laa dang katɔ ɓɛɛ. Ka ruu ɓɔɔ, nɔkɔ zi nyaa ɓɔɔ Laa dangnɛ, a zang ti yee nɔɔ shaa katɔ, a nɔɔ tá nyaa ɓɔɔ Laa dang ɓɛɛ katɔ ɓɛɛ.

Rooma 2:27 交叉參考

Matiyu 3:15

A Yeesɔ kasɛ wu nyaa tɔɔ, “Pàlɛ̀ m gbã̀ágbãa, tɔ̀ɔ vuu ɓɔɔ Kpanti Laa kɔɔyi, wu ɓee nyaa kati.” A Yɔhana naa kasɛ, palɛ Yeesɔ batizima kati.

Zang Shonang Yeesɔ 13:22

Ka knti ɓɔɔ wu nwangsɛ Sɔɔlì, a yi Dawuda kpanti. Laa kɔɔ ruu ka yuu Dawuda tɔɔ, ‘N walɛ Dawuda jaa Jeesi tɔ, zang ɓɔɔ yeti mɛɛ kasɛ ɓɛɛ, wukɔ naa palɛ vuu piti ɓɔɔ n kasɛ nɛɛ wu palɛ ɓɛɛ.’

Rooma 13:10

Zang ɓɔɔ nɛɛ kasɛ ruu shɔnzang katɔ, pàlɛ̀ wu vuu shi kpang, kpàng. Naa mɔɔ kasɛ ruu shɔnzang, mɔɔ dũng nyaa ɓɔɔ Laa dangnɛ tɔ nandon.

Rooma 2:15

Vuu ɓɔɔ ri palɛ kɔ túsù nɛɛ, vuu ɓɔɔ Laa dang nyaa ka yuu ɓiɓɛ kagn yeti ɓarɛ. Yeti ɓarɛ ti tusu doo nɔngkɔ. Ka ruu ɓɔɔ, lee ɓɔɔ rɛ̃rɛnang ɓarɛ kɔɔ ri nɛɛ ri palɛ vuu shi kpang tɔ, lee ɓɔɔ wu ti kɔ̀ɔ ri nɛɛ, vuu ɓɔɔ ri palɛ ɓɛɛ tɔ̃ɔ ɓɛɛ.

Rooma 2:20

Mɔkɔ ti kpɛ̃ɛrɛ zang ɓɔɔ ri zũng kpang ɓɛɛ. Mɔɔ ti tusu zang ɓɔɔ ri zi vuu kpang naa wujɛ ɓɛɛ. Mɔɔ zi ɓaa tɔ nɛɛ, mɔɔ zi nyaa ɓɔɔ Laa dang ɓɛɛ tɔ. Ka ruu nɔngkɔ, mɔɔ zi vuu tɔ piti, vuu ɓɔɔ mɔɔ kɔɔyi ɓi ti niizang tingkiring.

Rooma 2:25

Nɔɔ nɛɛ dũng nyaa ɓɔɔ Laa dang ɓɛɛ katɔ, shaa yeenang manɛ tɔ̃ɔ. Nɔɔ nɛɛ ta nyaa ɓɔɔ Laa dang ɓɛɛ katɔ, nɔɔ nɛ̀ɛ́ yee shaa kpang gbã̀ágbãa.

Rooma 2:26

Naa zang ɓɔɔ yèe shaa kpang, dũng vuu ɓɔɔ Laa dang nyaa ka yuu ɓiɓɛ katɔ, Laa rìsí wu, wu nwang naa zang ɓɔɔ yee shaa katɔ ɓɛɛ.

Rooma 2:29

Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

Rooma 3:30

Laa ɓi gbete kak. Shing zang ɓɔɔ ri yee shaa katɔ, ri nwang zang tɔ̃ɔ ka tĩng ɓiɓɛ ka ruu danggn ɓɔɔ ri shing ɓɛɛ. Wu ti shing zang ɓɔɔ ri yee shaa kpang, ri nwáng zang tɔ̃ɔ doo ka ruu danggn ɓɔɔ ri shing ɓɛɛ kɔ.

Rooma 8:4

Laa pálɛ́ vuu keɓe nɛɛ tɔɔ, ruu nwang naa ɓɔɔ Suru Laa kasɛ ɓɛɛ, wu naa ɓɔɔ bii shɔnzang kasɛ kpang. Ruu palɛ vuu tɔ̃ɔ ɓɔɔ nyaa dannang Laa kasɛ nɛɛ zang wu palɛ, ruu palɛ kaa nyaa kiiri.

1 Koranti 7:19

Naa zang yee shaa katɔ, naa zang yee shaa doo kpang, palɛ vuu ɓɔɔ kpang. Vuu ɓɔɔ ɓa weɓe nandon, zang ri dũng rɛɛ nyaa ɓɔɔ Laa dang ɓɛɛ.

2 Koranti 3:6

Wukɔ a ruu kaka, ruu palɛ wu shonang naa ɓɔɔ nyaa dannang shɔɔ kɔɔ ɓɛɛ. Wu nyaa dannang shɔɔ ɓɔɔ zang bee katɔ ɓɛɛ kpang, ɓi ɓɔɔ Suru Laa. Nyaa dannang ɓɔɔ zang bee katɔ, nyɔ zang ɓi vɔrɔ, a Suru Laa a zang ɓi suru bii.

Galati 5:14

Vuu ɓɔɔ nyaa dannang nandon ri kɔɔyi, daa ɓi gbete nɛɛ ɓɔɔ kɔɔyi tɔɔ, “Kasɛ ruu shɔnzang naa ɓɔɔ mɔɔ kasɛ yuu ɓaaɓɛ ɓɛɛ.”

Afisa 2:11

Ka ruu nɔngkɔ, danggn wu ning nɔɔ naa ɓɔɔ nɔɔ nwáng ka tĩng ɓɛɛ kpang. Nɔɔ ɓɔɔ zang yi nɔɔ manɛ zang Yahudi kpang, ɓɔɔ zang Yahudi ri ɓaa nɔɔ nɛɛ zang ɓɔɔ ri yee shaa ka takpang ɓɛɛ. A ri ɓaa yuu ɓarɛ nɛɛ zang ɓɔɔ ri yee shaa ɓarɛ katɔ ɓɛɛ. (Vuu ɓɔɔ shɔnzang ri palɛ ka bii zang nɛɛ naa ɓarɛ ɓɛɛ.)

2 Timoti 3:15

Mɔɔ ti zi tɔ, ɓɔɔ bɛ̀ɛ́ mɔɔ doo wujaa, mɔɔ zi labeenang Laa ɓɔɔ zunung ɓɔɔ wu shing mɔɔ, mɔɔ zũngnɛ tɔ. Tɔ̀ɔ Laa wu ta yuu ɓaaɓɛ ka ruu danggn ɓɔɔ mɔɔ shing ka bii Yeesɔ Kirisi ɓɛɛ.

Yahudi 11:3

Danggn ɓɔɔ ruu shingnɛ, kɔ tusu ruu nɛɛ koo keɓe nwàng nɔngkɔ, ka doo ruu ɓɔɔ Laa kɔɔ ɓɛɛ. Ka ruu nɔngkɔ, vuu ɓɔɔ ruu zili keɓe, zang palɛ ɓi nɛɛ vuu ɓɔɔ zang zili kpang ɓɛɛ.