Rooma 16:12 - Nyaa Shɔɔ Ɓɔɔ Laa a Ɓɛɛ

¹² Nɔɔ jèe m rɛɛ Tarafina nɛɛ Tarafusa nyaa. Ri pàlɛ́ Laa doo shonang kɔ. Nɔ́ɔ ti jèe masang Barasisa ɓɔɔ n kasɛ wu dɔɔli ɓɛɛ nyaa. Ɓi jaa soro ɓɔɔ pálɛ́ shonang Kpanti Yeesɔ tɔ dɔɔli ɓɛɛ.

Rooma 16:12 交叉參考

Matiyu 5:47

Naa nɔɔ ti jee rɛɛ ɓaazung kɔ nyaa shɛ̃ɛning, nɔɔ ɓa rɛɛ zang ɓɔɔ ɓu kaa nɛɛ viya? Zang ɓɔɔ ri dũng Kpanti Laa kpang, ri palɛ ɓu doo nɔngkɔ kpang ya?

Matiyu 9:38

Nɔɔ gaa Laa ɓɔɔ wukɔ zang jaa ɓɛɛ ta, wu shong zang zee yeenang ka jaa ɓiɓɛ.”

Rooma 16:11

Nɔɔ jèe m Hirodiyɔn nyaa. Hirodiyɔn ɓi doo zang Yahudi kɔ naa nkɔ. Nɔ́ɔ ti jèe m zang ɓɔɔ ri dũng doo Kpanti Yeesɔ kɔ ɓɔɔ ri ka gãa Narikisa ɓɛɛ nyaa.

Rooma 16:13

Nɔɔ jèe m Rufu nyaa. Zang ɓɔɔ ɓa zang piti nɛɛ shonang Kpanti Yeesɔ palɛnang ɓɛɛ. Nɔ́ɔ ti jèe m ɓéenàa ɓɔɔ nwang kaa doo nàá mɛɛ kɔ ɓɛɛ, nyaa.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

1 Koranti 16:16

N gaa nɔɔ katɔ, nɔɔ a zang ɓɔɔ naa weɓe bannang katɔ. Nɔɔ ti seng zang ɓɔɔ ri palɛ shonang nɛɛ ri katɔ.

Kolosi 1:29

Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Timoti 4:10

Ka ruu nɔngkɔ, rùu palɛ shonang, a ruu ti takɛ bii, ka ruu ɓɔɔ, ruu shing danggn ka bii Laa ɓɔɔ ningkãari, ɓɔɔ wukɔ ta yuu zang piti ɓɛɛ. Tá yuu zang ɓɔɔ ri shing danggn tɔ kɔ gbãng gbãng.