Rooma 14:1 - Nyaa Shɔɔ Ɓɔɔ Laa a Ɓɛɛ

¹ Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

Rooma 14:1 交叉參考

Matiyu 12:20

Ti naa ka lagaa ɓɔɔ lang katɔ kpang. Ti naa ningsi waa zàáng sɔɔ ɓɔɔ ning kana kpang. Wu ti yi tĩng nɛɛ Ruu Laa sasak, zang piti ri zi ruu ɓɔɔ niizang nɛɛ mani.

Matiyu 14:31

A Yeesɔ dĩi naa ɓiɓɛ kaa tantɛnang yi wu, kɔɔ wu tɔɔ, “Ka ruu vi, mɔɔ shing danggn ka bii mɛɛ rɛ̃rɛkɛ viya? Mɔɔ yaa danggn naa ka ruu viya?”

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Maraku 7:19

Ka ruu ɓɔɔ, daa ɓi ka ɓoro ɓiɓɛ kpang, daa ɓi ka buru ɓiɓɛ kɔ jong, wu naa nwang kaa nɛɛ dii.” (Yeesɔ kɔɔ naa weɓe, nɛɛ tɔ̀ɔ, zang wu zi kati nɛɛ vuu shaanang ɓi tɔ̃ɔ kɔ nandon.)

Luka 17:2

Daa ɓɔɔ zang mã wu ree bang ka turu, zang tasɛ wu ka yeti mii waapo tɔ, ka ɓɔɔ wu nɛɛ shing jaa gbete ka teteng wujɛ seseere keɓe, wu palɛ shi kpang ɓɛɛ.

Yɔhana 13:20

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ ta zang ɓɔɔ n shong ɓɛɛ, ta m tɔ jong. Zang ɓɔɔ nɛɛ ti ta m, ta ɓi zang ɓɔɔ shong m ɓɛɛ.”

Zang Shonang Yeesɔ 28:2

Zang nɔng bìí ri palɛ ruu tɔ̃ɔ dɔɔli. Mii a kana, a sɔɔrɔ ti si katɔ, ka ruu nɔngkɔ, ri tee ruu waa. A ri ti jee ruu nyaa waasɛ̃.

Rooma 11:15

Ka ɓɔɔ Laa bɛ̃ɛ ri, Laa raa zang koo ri yi wusang nɛɛ wu. A Laa nɛɛ ta ri tɔ tɔkn ɓɛɛ, naa nwang naa ɓɔɔ zang ɓɔɔ ri vɔlɔ tɔ, ri walɛ suru bii tɔ kpang ya?

Rooma 14:2

Zang ɓɔɔ danggn shinnang ɓiɓɛ yàá wu gbalang katɔ wu shaa vuu piti, a zang ɓɔɔ shing danggn doo rɛ̃rɛkɛ shaa ɓi sɔ̃ngkɔ kɔ shɛ̃ɛning.

Rooma 14:21

Naa mɔɔ yaa yɔpɔ shaanang, nɛɛ sàa ɓoonang, nɛɛ vuu piti ɓɔɔ mɔɔ palɛ, ɓɔɔ shing ɓaazung ɓɔɔ dũng doo Laa kɔ, wu palɛ vuu shi kpang ɓɛɛ, mɔ̀ɔ palɛ vuu tɔ̃ɔ tɔ.

Rooma 14:3

Zang ɓɔɔ shaa vuu piti keɓe, wu tɔɔ kpang nɛɛ wu ɓa zang ɓɔɔ shaa ɓi sɔ̃ngkɔ keɓe katɔ kpang. Zang ɓɔɔ shaa ɓi sɔ̃ngkɔ, wu ti dɔng zang ɓɔɔ shaa vuu piti ruu kpang, nɛɛ wu palɛ vuu shi kpang tɔ, ka ruu ɓɔɔ, wu bɛ̃ɛ vuu ɓi gbete kpang ɓɛɛ kpang. Ka ruu ɓɔɔ, Laa tá wu ɓi tɔ ɓɛɛ.

Rooma 15:1

Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

Rooma 15:7

Nɔɔ ta zɔɔ katɔ nɛɛ tĩnang, tɔ̀ɔ, zang ri dɔɔ Laa kati. Naa ɓɔɔ Kirisi ta nɔɔ ɓɛɛ.

Rooma 4:19

Ibirayi yaa danggn ɓɔɔ wu shing ka bii Laa naa kpang, nɛɛ tɔkɔlɔng ning, naa doo ɓɔɔ sáa ɓiɓɛ yaa kaa tɔkɔlɔng wu daa laa maani ɓɛɛ. Zi tɔ nɛɛ bii ɓiɓɛ wɔng tɔ, a ɓeeso Saratu daa naa jaa yinang takpang.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

Filipi 2:29

Nɛɛ shɛ̃ɛ nɔng manɛ tɔ, nɔɔ ta wu waasɛ̃, nɔ́ɔ tãa tĩnang, ka ruu ɓɔɔ, ɓi doo zang ɓɔɔ dũng Laa kɔ naa nɔkɔ ɓɛɛ. Zang ɓɔɔ naa weɓe, daa naa ɓɔɔ nɔɔ seng wu tɔ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

Yahudi 5:14

Vuu shaanang ɓɔɔ lakɛ katɔ ɓi ɓɔ̀ɔ́ zang ɓɔɔ ri zũng bii tɔ ɓɛɛ, zang ɓɔɔ ri kpɛ̃ɛrɛ yuu ɓarɛ tɔ diki diki, naa ɓɔɔ ri bàsɛ́ teteng vuu tɔ̃ɔ, nɛɛ vuu shi kpang ɓɛɛ.

2 Yɔhana 1:10

Zang piti ɓɔɔ nɛɛ alɛ ka bii manɛ, a à nɛɛ vuu kpɛ̃ɛrɛnang keɓe kɔ kpang, nɔ́ɔ ta wu ka gãa manɛ kpang. Nɔ́ɔ ti jee wu nyaa kpang tingkiring.