Rooma 1:23 - Nyaa Shɔɔ Ɓɔɔ Laa a Ɓɛɛ

²³ Ka ɓɔɔ ri nɛ̀ɛ́ bang Laa ɓɔɔ nwang ɓi dòndòng, ri bang ɓarɛ vuu ɓɔɔ shɔnzang palɛ, nwàng naa shɔnzang ɓɔɔ vɔ katɔ, nɛɛ jaaning, nɛɛ yɔpɔ jĩngti, a ɓɔɔ rɛɛ vuu ɓɔɔ ri gɔ̃ nɛɛ buru ɓɛɛ.

Rooma 1:23 交叉參考

Zang Shonang Yeesɔ 10:12

Ka yeti fɔ̃ɔrɔ keɓe, rɛɛ yɔpɔ ɓɔɔ takɛ doo dɛ̃ɛti kagn ka zɔ̃ng zɔ̃ng, nɛɛ rɛɛ vuu ɓɔɔ gɔ̃ nɛɛ buru, nɛɛ rɛɛ jaaning ɓɔɔ ri tãarɛ ka lapa ɓɛɛ.

Zang Shonang Yeesɔ 17:29

Ka ruu ɓɔɔ, ruu wujɛ Laa, rúu tɔ̀ɔ́ kpang nɛɛ ruu rɛ̃rɛ nɛɛ Laa nwang naa vuu gãnti ɓɔɔ zang palɛ nɛɛ zinariya ɓɔɔ azurufa a ɓɔɔ tari, ɓɔɔ shɔnzang palɛ nɛɛ zũnang ɓiɓɛ kpang.

Rooma 1:25

Ri kɔ̃sɔ ruu niizang ɓɔɔ ka yuu Laa nɛɛ sèé. Ri bang vuu ɓɔɔ Laa mã̀ayi, a ri pálɛ̀ wu shonang, ri yaa Laa ɓɔɔ zang dɔɔ wu dòndòng ka nɔngkɔ. Nɔ́ngkɔ̀.

1 Koranti 12:2

Nɔɔ zi tɔ nɛɛ ɓeleng bɛ̀ɛ́ nɔɔ shing danggn gn ka bii Kpanti Laa kpang, zang tusu nɔɔ gbalang ka zɔ̃ng zɔ̃ng. Ka ruu nɔngkɔ, nɔɔ bang vaka ɓɔɔ nyaa ɓarɛ nɔɔ katɔ ɓɛɛ.

1 Bituru 4:3

Nɔɔ suukãng tɔ dɔɔli, ka nɔng ɓɔɔ nɔɔ palɛ vuu ɓɔɔ zang ɓɔɔ ri zi Laa kpang ri palɛ ɓɛɛ. Nɔɔ di nyaa ta ka nɔngkɔ. Ɓeleng nɔɔ nwang manɛ nwannang ɓɔɔ daa naa kpang ɓɛɛ. Nɔɔ palɛ manɛ vuu ɓɔɔ yeti manɛ kasɛ ɓɛɛ, nɔɔ ɓooro vuu ɓɔɔ si nɔɔ ɓɛɛ, nɔɔ gaarɛ zɔɔ nɔɔ tãa tĩnang diki diki, nɔɔ ɓooro sàa, nɔɔ ti bang vaka, vuu ɓɔɔ Laa dang nyaa nɛɛ nɔ́ɔ pálɛ̀ kpang ɓɛɛ.

Vuu ɓɔɔ zang nwangsɛ Yɔhana 9:20

A zang ɓɔɔ kɔnang kaɓa nyɔkɔ ri vɔrɔ kpang, ri kɔ̃sɔ yeti ɓarɛ kpang. Ri yi tĩng, ri bang ɓarɛ doo rɛɛ suru shi kpang nɛɛ rɛɛ vaka ɓɔɔ ri palɛ nɛɛ naa ɓarɛ ɓɛɛ. Ri palɛ vaka ɓɔɔ nɛɛ zinariya, ɓɔɔ nɛɛ azurufa, a ɓɔɔ nɛɛ saka nwɛ̃ɛri ɓɛɛ. Ri palɛ ɓɔɔ nɛɛ tari, a zang sèe ɓɔɔ nɛɛ laa. Vuu keɓe ri rang yee kpang, ri ti tãa nɔng kpang, a ri ti ra kpang.