Rooma 1:18 - Nyaa Shɔɔ Ɓɔɔ Laa a Ɓɛɛ

¹⁸ Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.

Rooma 1:18 交叉參考

Rooma 1:19

Laa dang ri jĩng ka ruu ɓɔɔ vuu ɓɔɔ naa zang zi ka yuu Laa, ri zi tɔ ɓɛɛ. Ka ruu ɓɔɔ, Laa tusu ri tɔ ɓɛɛ.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 1:32

Ri zi tɔ nɛɛ nyaa dannang Laa kɔɔyi nɛɛ zang ɓɔɔ ri palɛ vuu ɓɔɔ naa weɓe, daa naa ɓɔɔ zang nyɔ ri vɔrɔ ɓɛɛ. Ri huu shoo wu ka nɔng palɛnang kɔ shɛ̃ɛning kpang, ri tãa tĩnang zang ɓɔɔ ri pálɛ̀ vuu keɓe ɓɛɛ.

Rooma 2:3

A mɔkɔ masang, mɔɔ palɛ doo vuu ɓɔɔ mɔɔ dɔng zang ruu ka yuu ɓiɓɛ ɓɛɛ kɔ ya? Mɔɔ kɔɔ ɓaa nɛɛ Laa naa jɛ̃ɛ mɔɔ ruu kpang ya?

Rooma 3:9

Nɛɛ nɔngkɔ, ɓɔɔ ruu zang Yahudi ruu ɓa zang ɓɔɔ ri zang Yahudi kpang ɓu kaa tɔ ya? Nɔngkɔ kpang tingkiring. N kɔ̀ɔ nɔɔ ka tĩng nɛɛ zang Yahudi nɛɛ zang ɓɔɔ ri zang Yahudi kpang nandon, ri palɛ vuu shi kpang katɔ.

Rooma 4:15

Ka ruu ɓɔɔ, naa zang ɓɔɔ ta nyaa Laa, Laa dang zang jĩng katɔ ɓɛɛ. A nɔng ɓɔɔ nyaa dannang kagn kpang, zang tɔɔ kpang nɛɛ zang ta nyaa ɓɔɔ zang dangnɛ tɔ kpang.

Rooma 5:6

Kirisi vɔ ka ruu ɓuru, ɓɔɔ ruu palɛ vuu shi kpang ɓɛɛ. Ka laa ɓɔɔ Laa shingnɛ ɓɛɛ, bɛ̀ɛ́ ruu lakɛ naa gn ka bii kpang.

Rooma 5:9

Ka ruu zĩi ɓiɓɛ, ruu nwáng zang tɔ̃ɔ tɔ ka tĩng Laa. Vuu ɓɔɔ naa pàlɛ́ ruu ɓa weɓe katɔ, ta ruu ditɔ nɛɛ jĩng dannang ɓɔɔ Laa naa dang zang ɓɛɛ.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Kolosi 3:6

Ka ruu rɛɛ vuu ɓɔɔ naa weɓe kɔ, Laa naa dǎng zang ɓɔɔ ri ta nyaa ɓɔɔ wu dang ɓɛɛ jĩng.

2 Tesalonika 2:10

Naa nwãarɛ zang ɓɔɔ ri naa shaarɛ katɔ ɓɛɛ, nɛɛ zɔ̃ng nwannang ɓɔɔ a nɛɛ bii vuu shi kpang ɓɛɛ, ka zɔ̃ng zɔ̃ng. Ri shaarɛ ka ruu ɓɔɔ ri kasɛ ruu ɓɔɔ niizang a ri ti tarɛ, tɔɔ zang ta yuu ɓarɛ kati kpang ɓɛɛ.

2 Tesalonika 2:6

Vuu ɓɔɔ ti zãa vuu keɓe palɛnang kãntang keɓe kagn, a nɔɔ ti zi vuu keɓe tɔ. Yɔɔ ɓɔɔ dũng nyaa dannang ɓi kpang keɓe naa nwang nyaa ka diki ɓɔɔ Laa zi tɔ nɛɛ wukɔ tɔ̃ɔ ɓɛɛ.