Vuu ɓɔɔ zang nwangsɛ Yɔhana 22:11 - Nyaa Shɔɔ Ɓɔɔ Laa a Ɓɛɛ

¹¹ Zang ɓɔɔ palɛ vuu shi kpang, wu yaa palɛnang kpang, zang ɓɔɔ palɛ vuu sãnsãnrãng, wu yaa palɛnang kpang. Ɓɔɔ zang ɓɔɔ zang tɔ̃ɔ ka tĩng Laa ɓɛɛ, wu yi tĩng ɓi nɛɛ tɔ̃ɔ palɛnang. Zang ɓɔɔ ɓi ti zang Laa, wu yaa Laa dũnnang kpang.”

Vuu ɓɔɔ zang nwangsɛ Yɔhana 22:11 交叉參考

Matiyu 15:14

Nɔɔ yaa ri ka nɔngkɔ, ri ɓarɛ zang jĩng ringtang ɓɔɔ tusu zang jĩng ringtang gbalang ɓɛɛ. Naa zang jĩng ringtang tɔɔ wu tusu zang ɓɔɔ doo jĩng ringtang kɔ doori gbalang, ri dáa gɔlɔ zɔɔ ɓarɛ ka too nandon.”

Matiyu 21:19

A zi laa sĩiri ka nyaa gbalang naabm, a daa ka doo ɓiɓɛ. A sĩiri ra jaa ka laa kpang. Zi gɔpɔ kɔ shɛ̃ɛning. A kù laa sĩiri nyaa ka bii tɔɔ, “Mɔɔ ra jaa takpang dòndòng.” A laa sĩiri naa tantɛ kaa tɔɔrɔnang.

Matiyu 25:10

“Ja soo maani ɓɔɔ zũng kpang kaɓa, ri daa tɔ nɔng nung hoonang, a sinyɛ ɓeevɛ naa a ka knti ɓarɛ. Ja soo maani ɓɔɔ ri kpalɛ bii tɔ kaɓa, ri daa ɓarɛ kaa nɛɛ wu, ka nɔng ɓɔɔ zang shaa kn sinyɛ ɓɛɛ. A zang ku nyaa gãa kati.

Matiyu 5:45

tɔ̀ɔ nɔɔ nwang wujɛ Daa manɛ ɓɔɔ ka lapa kati. Ka ruu ɓɔɔ Kpanti Laa shingnɛ laa ɓiɓɛ wu nwang ka yuu zang shi kpang nɛɛ zang tɔ̃ɔ piti ɓɛɛ. Ti a zang ɓɔɔ tɔ̃ɔ nɛɛ zang shi kpang mii lapa katɔ ɓɛɛ.

Matiyu 5:6

Tĩnang Tãanang ɓi ɓɔɔ zang ɓɔɔ ri kasɛ katɔ gbãng gbãng nɛɛ ri palɛ vuu ɓɔɔ Kpanti Laa kasɛ nɛɛ yeti ɓarɛ gbete ɓɛɛ. Laa naa a ri gbalang ditɔ ri palɛ vuu keɓe.

Yɔhana 8:21

Yeesɔ kɔɔ zang ɓɔɔ ri kpalɛ zɔɔ nɛɛ, “N daa kaa tɔ, nɔɔ naa kãa m, nɔɔ vɔ nɛɛ vuu shi kpang manɛ ning. Nɔng ɓɔɔ n daa gn, nɔɔ daa manɛ kpang.”

Afisa 5:27

Kirisi palɛ vuu keɓe nɛɛ tɔ̀ɔ, zang ɓɔɔ ri dũng wu, ri nwang kaa zang ɓɔɔ ri shi dɔɔli, kalang kalang, shi kpang kagn bii ɓarɛ kpang ɓɛɛ. Vuu ɓɔɔ ti luku ri ka bii kpang, bii ɓarɛ ti gɔ́ɔrɔ̀ kpang, a vuu shi kpang ti kagn bii ɓarɛ kpang.

Kolosi 1:22

A kãntang keɓe, ka ruu vɔrɔ Jaa ɓiɓɛ, nɔɔ raa wusang Laa tɔ, nɛɛ tɔ̀ɔ, wu atɛ nɔɔ kaa tĩng ɓiɓɛ, nɔɔ kaa zang ɓiɓɛ ɓɔɔ shi kpang ka bii manɛ kpang ɓɛɛ.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 16:21

Mii a nɛɛ takong bang bang nɛɛ lapa ka yuu shɔnzang. Takong ɓɔɔ ri watɛ ɓɛɛ, ri kpiti naa tari bang. Vuu keɓe shing baabii dɔɔli. Zang ri dãlɛ Laa, ka ruu jĩng ɓɔɔ wu dang ri nɛɛ mii takong keɓe ɓɛɛ.

Vuu ɓɔɔ zang nwangsɛ Yɔhana 22:3

Vuu ɓɔɔ Laa ku wu nyaa ka bii, nwàng gari kaɓa kpang. Láa nwannang kpanti ɓɔ̀ɔ́ Laa, nɛɛ ɓɔ̀ɔ́ Jaa Mɛ̀ɛrɛ́ ɓi ka nɔngkɔ, a zang ɓiɓɛ ri bang wu ka nɔngkɔ.