Matiyu 9:6 - Nyaa Shɔɔ Ɓɔɔ Laa a Ɓɛɛ

⁶ N másɛ̀ yɔɔ keɓe ditɔ, tɔ̀ɔ, nɔ́ɔ zi kati nɛɛ, zang a Jaa Shɔnzang naa tɔ, ka koo keɓe, nɛɛ wu yaa zang gba lang vuu shi kpang ɓarɛ.” A Yeesɔ kɔɔ yɔɔ ɓɔɔ bii vɔ katɔ nɛɛ, “Seepaa ta, mɔɔ tuu laa ɓɔɔ zang ta mɔɔ kagn, mɔɔ daa gãa.”

Matiyu 9:6 交叉參考

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Matiyu 9:2

A zang atɛ wu, zang ɓɔɔ bii ɓiɓɛ vɔ katɔ ɓɛɛ, zang ta ka laa. Yeesɔ zi naa ɓɔɔ zang kaɓa ri shing danggn ka bii Kpanti Laa, a kɔɔ zang ɓɔɔ bii ɓiɓɛ vɔ katɔ tɔɔ, “Jaa mɛɛ, mɔ́ɔ rɛ̃rɛ kpang. N yaa mɔɔ gbalang vuu shi kpang ɓaaɓɛ tɔ.”

Matiyu 9:5

Ɓɔɔ kpãa kpang ka teteng yee keɓe kiya, ɓɔɔ zang kɔɔ nɛɛ, ‘Zang yaa mɔɔ gbalang vuu shi kpang ɓaaɓɛ tɔ.’ Nɛɛ ɓɔɔ zang kɔɔ nɛɛ, ‘Seepaa ta, mɔɔ rarɛ wiya’?

Matiyu 9:7

A yɔɔ ɓɔɔ bii vɔ katɔ, seepaa a tuu laa ɓɔɔ zang ta wu kagn daa gãa ɓiɓɛ kati.

Maraku 2:10

N másɛ̀ yɔɔ keɓe ditɔ, tɔ̀ɔ, nɔ́ɔ zi kati nɛɛ, zang a Jaa Shɔnzang naa tɔ ka koo keɓe, nɛɛ wu yaa zang gbalang vuu shi kpang ɓarɛ.” A raa jĩng kɔɔ yɔɔ ɓɔɔ bii vɔ katɔ nɛɛ,

Maraku 2:7

“Yɔɔ keɓe kɔɔ ruu nɔngkɔ, ka ruu viya? Tuu yuu ɓiɓɛ naa Kpanti Laa. Naa wu Kpanti Laa kpang, zang ɓɔɔ yaa zang gbalang vuu shi kpang kagn koo keɓe gbete ya?”

Luka 5:21

A zang ɓɔɔ ri tusu zang vuu, nɛɛ zang Farisi ri gaa tɔɔsung ruu hɛ̃ɛlɛnang kaa naa ɓarɛ tɔɔ, “Yɔɔ kɔ rang yee shi kpang ka yuu Laa ɓee ɓu wiya? Ɓi Laa kɔ gbete yaa zang gbalang vuu shi kpang ɓɔɔ zang palɛ ɓɛɛ.”

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 5:27

Ti á Jaa naa tɔ nɛɛ wu jɛ̃ɛ zang ruu ka ruu ɓɔɔ wukɔ Jaa Shɔnzang ɓɛɛ.

Yɔhana 5:8

Yeesɔ kɔɔ wu tɔɔ, “Yupaa ta, mɔɔ tuu siri ɓɔɔ mɔɔ roo kagn ɓɛɛ, mɔɔ rarɛ.”

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Zang Shonang Yeesɔ 9:34

Bituru kɔɔ wu tɔɔ, “Aniya Yeesɔ Kirisi masɛ mɔɔ tɔ. Yupaa mɔɔ palɛ latãng ɓaaɓɛ waasɛ̃.” A Aniya tantɛ paa yunang.

2 Koranti 2:10

Zang piti ɓɔɔ nɔɔ yaa wu gbalang vuu shi kpang ɓɔɔ wu palɛ ɓɛɛ, n yaa wu tɔ jong. Naa vuu ɓɔɔ kagn niizang, ɓɔɔ n nɛɛ yaa zang gbalang ɓiɓɛ katɔ ɓɛɛ, n yaa zang gbalang ɓiɓɛ tɔ ka tĩng Yeesɔ Kirisi ka ruu manɛ.

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Kolosi 3:13

Nɔɔ mã gn nɛɛ zɔɔ. Zang ɓɔɔ nɛɛ lasɛ nɔɔ yeti, nɔɔ yàa zɔɔ gbalang katɔ. Nɔɔ yàa zɔɔ gbalang naa ɓɔɔ Laa yàa nɔɔ ɓɛɛ.