Matiyu 6:30 - Nyaa Shɔɔ Ɓɔɔ Laa a Ɓɛɛ

³⁰ Mangwaa vuu ɓɔɔ zang zi lɛɛkɔ, ɓuru waatɛ kaa tɔ, zang tasɛ kaa waa ɓɛɛ. Kpanti Laa nɛɛ pàlɛ́ ri shinang katɔ naa weɓe, pàlɛ̀ nɔɔ, ɓɔɔ nɔɔ ɓa ri katɔ manɛ kpang ya? Nɔɔ ɓɔɔ nɔɔ shing gn ka bii Kpanti Laa rɛ̃rɛkɛ ɓɛɛ.

Matiyu 6:30 交叉參考

Matiyu 14:31

A Yeesɔ dĩi naa ɓiɓɛ kaa tantɛnang yi wu, kɔɔ wu tɔɔ, “Ka ruu vi, mɔɔ shing danggn ka bii mɛɛ rɛ̃rɛkɛ viya? Mɔɔ yaa danggn naa ka ruu viya?”

Matiyu 16:8

Yeesɔ ti zi ruu ɓɔɔ ri rang nɛɛ zɔɔ ɓi tɔ. A hɛ̃ɛ ri tɔɔ, “Nɔɔ zang kɔ nɔɔ shing danggn ka bii Laa rɛ̃rɛkɛ ɓi. Nɔɔ rangkɛ ɓu ka ruu vi, ka naa manɛ nɛɛ, nɔɔ a nɛɛ borodi ka naa kpang viya?

Matiyu 17:17

A Yeesɔ kɔɔ ri tɔɔ, “Nɔɔ zang shi kpang koo jaa knti kɔ shing danggn ka bii Laa kpang ɓee, nɔɔ nɛɛ n nwang nɛɛ nɔɔ saa nɛya? Nɔɔ nɛɛ ń mã danggn nɛɛ nɔɔ saa nɛya? Nɔɔ atɛ m jaa ta.”

Matiyu 8:26

Yeesɔ kɔɔ ri tɔɔ, “Zang kɔ shing danggn ka bii Laa rɛ̃rɛkɛ ɓee, nɔɔ káa vɔrɔ vi nɔngkɔ viya?” A seepaa mangkɛ jasung nɛɛ mii ɓɔɔ gɔnsɔ zɔɔ ɓɛɛ, a ri kàa kati.

Maraku 4:40

A hɛ̃ɛ ri nɛɛ, “Nɔɔ kaa vɔrɔ ka ruu viya? Nɔɔ shing danggn gn kpang ya?”

Maraku 9:19

A Yeesɔ pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Nɔɔ zang koo jaa knti keɓe, ɓɔɔ nɔɔ shing danggn ka bii Laa kpang ɓee, nɔɔ nɛɛ ń nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Nɔɔ atɛ m jaa bìí ta.”

Luka 12:28

Laa nɛɛ gbarɛ wisi kɔ zang zi lɛɛkɔ, ɓuru zang dɔɔ kaa nɛɛ waa ɓee, a nɔɔ fɔ̃ɔrɔ ɓɔɔ nɔɔ hãa ka bii ɓɛɛ kpang ya? Nɔɔ shing danggn ka bii Laa kpang ka ruu viya?

Luka 9:41

Yeesɔ kɔɔyi tɔɔ, “zang koo jaa knti keɓe, nɔɔ shi kpang. Nɔɔ shing danggn ka bii Laa rɛ̃rɛkɛ. Nɔɔ nɛɛ n nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Atɛ m jaa ɓaaɓɛ ta.”

Yɔhana 20:27

A kɔɔ Tooma tɔɔ, “Hãa saa naa ɓaaɓɛ ka nihn, mɔɔ ti pɛ̃ɛrɛ naa mɛɛ. Mɔɔ dĩi naa ɓaaɓɛ, mɔɔ hãa ka kagn buru mɛɛ. Mɔ́ɔ nwàng wu zang ɓɔɔ yaa gn naa kpang, nwang ɓaa zang ɓɔɔ shing danggn ɓɛɛ.”

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

1 Bituru 1:24

Ɓi naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ ɓɛɛ nɛɛ, “Shɔnzang piti ri nwang naa wisi Shinang ɓarɛ ɓi naa mangwaa wisi, wisi nɛɛ tɔɔrɔ tɔ, mangwaa wu lɔɔyi ɓɛɛ.