Matiyu 5:5 - Nyaa Shɔɔ Ɓɔɔ Laa a Ɓɛɛ

⁵ Tĩnang Tãanang ɓi ɓɔɔ zang ɓɔɔ ri tuu yuu kpang ɓɛɛ. Laa naa a ri vuu ɓɔɔ wu kɔɔyi, nɛɛ wu a ri ɓɛɛ.

Matiyu 5:5 交叉參考

Matiyu 11:29

Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Matiyu 21:5

Laa kɔɔyi tɔɔ, “Nɔɔ kɔɔ zang gari Siyona nɛɛ, ‘Kpanti manɛ a kana bii manɛ. Tuu yuu ɓiɓɛ kpang, vang seesaa, ka jaa seesaa.’ ”

Rooma 4:13

Laa a Ibirayi nɛɛ zɔ̃ng ɓiɓɛ nyaa, nɛɛ koo keɓe naa nwang ɓɔɔ ɓarɛ. Laa a nyaa keɓe wu ka ruu ɓɔɔ Ibirayi dũng nyaa ɓɔɔ Laa dang ɓɛɛ kpang. Ɓi ka ruu ɓɔɔ shing danggn ka bii Laa, a Laa ta wu kati nɛɛ wu zang tɔ̃ɔ ɓɛɛ.

Galati 5:23

Zang wu tuu yuu ɓiɓɛ kpang, wu ti yiti yuu ɓiɓɛ waasɛ̃. Nyaa dannang ɓɔɔ zãa vuu ɓɔɔ naa weɓe palɛnang, ɓi kagn kpang.

Afisa 4:2

Nɔ́ɔ tuu yuu manɛ kpang, nɔ́ɔ palɛ vuu hakaka kpang, nɔ́ɔ ti mã danggn nɛɛ zɔɔ diki diki. Nɔɔ tusu zɔɔ naa ɓɔɔ nɔɔ kasɛ zɔɔ ɓɛɛ, ka naa ɓɔɔ nɔɔ yi zɔɔ naa ka bii ɓɛɛ.

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 2:25

Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

Titu 3:2

Kɔɔ ri nɛɛ ri rang yee shi kpang ka yuu zang ɓɔɔ kpang. Ri nwang ka nyaa zɔɔ nɛɛ zang, ri yi wusang nɛɛ zang piti. Ri pálɛ̀ hakaka kpang.

Yakubu 1:21

Ka ruu nɔngkɔ, nɔɔ yaa gbalang vuu shi kpang ɓɔɔ nɔɔ palɛ, nɛɛ gɔ̃ɔ ɓɔɔ nɔɔ kãa ɓɛɛ nandon. Nɔɔ ta Ruu Laa ɓɔɔ Laa shing nɔɔ ka yeti manɛ ɓɛɛ. Nɔ́ɔ ti tà nɛɛ jĩng gbakɛnang kpang. Ka ruu ɓɔɔ, ruu keɓe ta yuu manɛ katɔ ɓɛɛ.

Yakubu 3:13

Ɓu wi zũng dɔɔli, a ti zi vuu dɔɔli ka teteng manɛ wiya? Wu palɛ vuu ɓɔɔ tɔ̃ɔ wu ti lakɛ jĩng kpang, tɔɔ zang zi zũnang ɓiɓɛ kati.

1 Bituru 3:15

Shing jĩng ɓaa ka ɓɔɔ mɔɔ a Yeesɔ Kirisi bannang kɔ jong gbete. Wu nwáng kpanti ɓaaɓɛ ka vuu piti. Nɔɔ kpalɛ bii manɛ katɔ diki diki, nɔ́ɔ kɔɔ zang ɓɔɔ ri hɛ̃ɛ nɔɔ vuu ɓɔɔ palɛ, nɔɔ shing danggn ka bii Yeesɔ Kirisi ɓɛɛ.

1 Bituru 3:4

Shinang manɛ wu tusu bii ka nwannang tɔ̃ɔ manɛ kɔ jong. Nwang kikiri mɔɔ tuu yuu ɓaaɓɛ kpang, zɔ̃ng shinang keɓe kɔ lasɛ ɓi kpang, ti nwǎng mɔɔ vuu tɔ̃ɔ katɔ ka tĩng Laa.