Matiyu 26:18 - Nyaa Shɔɔ Ɓɔɔ Laa a Ɓɛɛ

¹⁸ A Yeesɔ kɔɔ ri tɔɔ, “Nɔɔ daa ka bii shɔnzang ɓɔɔ ka gari, nɔɔ daa kɔɔ wu nɛɛ ‘Maalang tɔɔ, diki mɛɛ a tɔ naabm, ka ruu nɔngkɔ, n kasɛ n tɔɔ, n shaa vuu shaanang nyaalaa Pasika nɛɛ zang ɓɔɔ ri mantɛ vuu ka bii mɛɛ ka gãa ɓaaɓɛ.’ ”

Matiyu 26:18 交叉參考

Matiyu 21:3

Zang ɓɔɔ nɛɛ hɛ̃ɛ nɔɔ, nɔɔ kɔɔ wu nɛɛ, Kpanti Yeesɔ kasɛ seesaa keɓe katɔ, nɛɛ jaa ɓiɓɛ ning. Yaa seesaa kaɓa ditɔ nɛɛ jaa ɓiɓɛ tantɛnang.”

Matiyu 23:10

Zang ri ti ɓaarɛ nɔɔ nɛɛ, ‘Zang bang kpang.’ Ka ruu ɓɔɔ zang bang manɛ ɓi gbete kɔ nwani ɓɛɛ. Zang bang kaɓa wukɔ Kirisi.

Matiyu 23:8

“Zang wu ɓàa nɔɔ manɛ nɛɛ ‘Maalang kpang.’ Ka ruu ɓɔɔ, Maalang manɛ ɓi gbete kɔ nwani ɓɛɛ. Nɔɔ manɛ kaa naa jaa nàá zɔɔ kɔ nandon.

Matiyu 26:19

A zang ɓɔɔ ri mantɛ vuu ka bii Yeesɔ, ri daa palɛ ka naa ɓɔɔ Yeesɔ kɔɔ ri ɓɛɛ. Ri palɛ vuu shaanang Pasika kati.

Matiyu 26:2

“Nɔɔ zi tɔɔ, diki ɓɔɔ zang shaa nyaalaa Pasika yaa lɛ̀ɛ́ kaa ziti. Zang naa yi m ɓɔɔ n Jaa Shɔnzang, zang a zang ɓɔɔ ri naa ɓaa m naa ka laa ɓɛɛ.”

Matiyu 26:49

Yahuda ri naa shɛ̃ɛ nɔng tɔ a sharɛ daa kɔng Yeesɔ. A kɔɔyi tɔɔ, “Mɔɔ nwang tɛya Maalang?”

Maraku 5:35

Ɓɔɔ Yeesɔ rang yee doo naa nyaa, zang shonang ri a nɛɛ gãa Yayiru, ri naa kɔɔ wu tɔɔ, “Jaa ɓaaɓɛ vɔ tɔ. Mɔɔ kpãa maalang tɔ̀ɔ́ dalɛ waati kpang.”

Luka 22:53

N nwáng nɛɛ nɔɔ diki diki ka yeti Gãa Laa, nɔɔ tɔɔ kpang nɛɛ nɔɔ yi m kpang. Lɛɛkɔ làá manɛ kɔ arɛ, nɛɛ làá zang ɓɔɔ ri nwang ka nɔng tĩiri ɓɛɛ.

Yɔhana 11:28

Mata kɔɔ ruu keɓe tɔ, a gbãayu daa yeti gãa, daa ɓaa jaa niiɓɛ Marayamu nyaa dang gbete, a kɔɔ wu nɛɛ, “Maalang a tɔ, hɛ̃ɛ nɔng ɓaaɓɛ.”

Yɔhana 12:23

Yeesɔ kasɛ ri nyaa tɔɔ, “Diki ɓɔɔ zang a Jaa Shɔnzang bannang kagn a tɔ.

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 17:1

Yeesɔ hangsɛ nyaa ruu keɓe tɔ, a tuu jĩng ka lapa, a gàa Laa tɔɔ, “Daa, laa a tɔ. Zang ri zi bannang mɛɛ ta, ɓɔɔ n Jaa ɓaaɓɛ, tɔɔ zang ri zi bannang ɓaaɓɛ kaa bii mɛɛ.

Yɔhana 20:16

Yeesɔ ɓaa wu nyaa nɛɛ “Marayamu.” A raa jĩng ka bìí ɓiɓɛ, a kɔɔ nɛɛ nyaa Yahudi nɛɛ, “Rabii” (Dĩiri ruu keɓe ɓi “maalang”).

Yɔhana 7:30

Ka ruu nɔngkɔ, ri kãa gbalang nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii kpang. Ka ruu ɓɔɔ laa ɓiɓɛ yaa doogn ɓɛɛ.

Yɔhana 7:6

Yeesɔ kɔɔ ri tɔɔ, “Làá mɛɛ a gn kpang gbongkarɛ. Ɓɔɔ manɛ, laa piti daa nɔɔ manɛ katɔ.

Yɔhana 7:8

Nɔɔ daa nɔng nyaalaa manɛ ta. N daa nɔng nyaalaa keɓe m kpang, ka ruu ɓɔɔ, laa ɓɔɔ n daayi a gn kpang ɓɛɛ.”