Matiyu 13:40 - Nyaa Shɔɔ Ɓɔɔ Laa a Ɓɛɛ

⁴⁰ “Naa ɓɔɔ zang kpalɛ zee lɔɔwɔ, zang dɔ́ɔ ka waa, zang naa palɛ zang ɓɔɔ ri dũng Laa kpang doo nɔngkɔ, ka diki ɓɔɔ koolaa keɓe naa waa nyaa ɓɛɛ.

Matiyu 13:40 交叉參考

Matiyu 12:32

Zang ɓɔɔ nɛɛ ti rang yee shi kpang ka yuu Jaa Shɔnzang, Laa yaa wu gbalang ɓi katɔ. Naa zang ɓɔɔ rang yee shi kpang ka yuu Suru Laa, Laa yaa wu gbalang ka koo keɓe nɛɛ koo ɓɔɔ naa a ka tĩng ɓɛɛ kpang.

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 13:39

Zang ɓɔɔ shing jĩng nɛɛ wu kpang, ɓɔɔ ɓaa zee lɔɔwɔ, kaɓa, ɓi Sheetang. Diki zee yeenang, ɓi kaa diki ɓɔɔ koolaa naa waa nyaa ɓɛɛ. Zang zee yeenang ɓi ti kaa zang nyaa shonang Laa ɓɔɔ ri ka lapa ɓɛɛ.

Matiyu 13:49

Diki ɓɔɔ koolaa keɓe naa waa nyaa, nwang doo nɔngkɔ. Zang nyaa shonang Laa ɓɔɔ ri ka lapa ri naa arɛ, ri zɔ̃ngkɔ zang shi kpang ka teteng zang tɔ̃ɔ,

Matiyu 24:3

Yeesɔ daa nwang tɔ ka yuu Kɔpɔ Zeetung, a zang ɓɔɔ ri mantɛ vuu ka bii ɓiɓɛ, ri daa ka bii ɓiɓɛ ka naa ɓarɛ. A ri kɔɔ wu nɛɛ, “Kɔɔ ruu diki ɓɔɔ zang naa palɛ vuu keɓe ta. Mɔɔ ti kɔɔ ruu vuu ɓɔɔ ruu zi diki ɓɔɔ mɔɔ gbãayu kagn, nɛɛ diki ɓɔɔ koo keɓe naa waa nyaa ɓɛɛ.”

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

1 Koranti 10:11

Vuu kɔ palɛ ri doo tɛ̃ɛ tɛ̃ɛ ɓa, nwàng ɓi kaa vuu ɓɔɔ shaarɛ zang nyaa nɛɛ, tɔ̀ɔ, ri palɛ kaa waasɛ̃ ɓɛɛ. Zang bèe vuu keɓe ka yeti labeenang nɛɛ tɔ̀ɔ, zang shaarɛ ruu nyaa nɛɛ mani. Ka ruu ɓɔɔ, rùu nwàng ɓuru kaa làa ɓɔɔ diki ɓɔɔ koo waa nyaa kagn a naabm tɔ ɓɛɛ.

Yahudi 9:26

Naa nɛɛ nɔngkɔ, Kirisi nɛ̀ɛ́ dàng jĩng tɔ, ka yuu zɔɔ, yuu zɔɔ, ɓu doo ɓɔɔ koo gaayu ɓɛɛ. A kaa tɔ̀ɔ́ nɔngkɔ kpang. Kirisi nwang nyaa kaa doo gbete kak, paasɛ takpang, ka wee koo waa nyaa kaa tɔ ɓee, nɛɛ tɔ̀ɔ, wu kɔsɔ vuu shi kpang nɛɛ yuu ɓiɓɛ ɓɔɔ wu a ɓɛɛ.