Matiyu 11:27 - Nyaa Shɔɔ Ɓɔɔ Laa a Ɓɛɛ

²⁷ A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 11:27 交叉參考

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Luka 10:22

“Daa mɛɛ a m vuu piti tɔ ka naa. A zang ɓɔɔ zi Jaa kagn gbete kpang. Daa kɔ zi wu gbete. Zang ɓɔɔ ti zi Daa kagn gbete kpang, Jaa kɔ zi wu gbete nɛɛ shɔnzang piti ɓɔɔ Jaa kasɛ nɛɛ wu tusu wu Daa ɓɛɛ.”

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 13:3

Yeesɔ ti zi tɔ, nɛɛ Daa ɓiɓɛ a wu naa vuu palɛnang tɔ nandon. Ti zi tɔ nɛɛ wu à nɛɛ bii Laa, nɛɛ wu ti gbãayu ka bii Laa ka nɔng.

Yɔhana 17:6

“N tùsù zang ɓɔɔ mɔɔ a m ri ka teteng zang ɓɔɔ ka koo keɓe, mɔɔ tɔ. Ri ɓarɛ zang ɓaaɓɛ, a mɔkɔ a m ri kati. Ri dũng ruu ɓaaɓɛ tɔ.

Yɔhana 3:35

Daa kasɛ Jaa katɔ, a yaa vuu piti ka naa ɓiɓɛ.

Yɔhana 6:46

N kɔ̀ɔ́ ɓu nɛɛ zang ɓɔɔ zi Daa tɔ kagn kpang. Ɓi zang ɓɔɔ a nɛɛ bii Laa kɔ zi Daa ɓi shɛ̃ɛning.

Yɔhana 7:29

N zi wu m tɔ, ka ruu ɓɔɔ, n à nɛɛ bii ɓiɓɛ kɔ. Wukɔ ti shong m ɓɛɛ.”

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.

1 Yɔhana 2:23

Zang ɓɔɔ bɛ̃ɛ Jaa, Daa ɓi kagn yeti ɓiɓɛ kpang. Zang ɓɔɔ nɛɛ ta Jaa, Daa ɓi kagn yeti ɓiɓɛ kɔ doori.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.