Luka 8:41 - Nyaa Shɔɔ Ɓɔɔ Laa a Ɓɛɛ

⁴¹ A zang ɓɔɔ zang ɓaa wu nɛɛ Yayiru, arɛ naa tang ka tĩng ɓiɓɛ, bakɛ wu nɛɛ wu daa ka yeti gãa ɓiɓɛ. Yayiru kaɓa ɓi zang bang ka gãa zɔɔ kpalɛnang.

Luka 8:41 交叉參考

Luka 13:14

Gnvɔ shaa zang bang gãa zɔɔ kpalɛnang dɔɔli, ka ruu ɓɔɔ, Yeesɔ masɛ zang kɔnang ka Diki Ɔ̃sɔnang ɓɛɛ. A yɔɔ zang bang rang yee, kɔɔ zang tɔɔ, “Diki mangbete ɓɔɔ zang palɛ shɔɔnang kagn, nɔɔ a ka diki kaɓa kɔ, tɔ̀ɔ, zang masɛ nɔɔ, nɔɔ a ka Diki Ɔ̃sɔnang kpang.”

Luka 17:16

A naa tang ka tĩng Yeesɔ, a zãa wu. Yɔɔ keɓe ɓi zang tipi Samariya.

Luka 5:8

Ɓɔɔ Siman Bituru zi naa weɓe, tang nɛɛ gutu ka tĩng Yeesɔ tɔɔ, “N zɔ̃ɔrɔ mɔɔ katɔ Kpanti, daa ɓaa ta, mɔɔ yaa m, ka ruu ɓɔɔ, n m zang ɓɔɔ palɛ vuu shi kpang ɓɛɛ.”

Luka 8:42

Yayiru bakɛ Yeesɔ, ka ruu jaa gbete ɓiɓɛ ɓɔɔ zang soro, ɓɔɔ saa ɓiɓɛ kopi tu ziti vɔ kana. Yeesɔ daa kana gbalang, a zang ɓɔɔ ri kpalɛ zɔɔ ri màasɛ́ wu kati.

Luka 8:49

Ɓɔɔ Yeesɔ rang yee doo naa ka nyaa, zang gbete a nɛɛ gãa yɔɔ zang bang gãa zɔɔ kpalɛnang kaɓa, naa kɔɔ wu tɔɔ, “Jaa ɓaaɓɛ vɔ tɔ, mɔɔ gboro maalang takpang.”

Yɔhana 11:21

Mata kɔɔ wu nɛɛ, “Kpanti, naa mɔɔ nɛɛ ka nihn, jaa nàá mɛɛ nɛɛ vɔ kpang.

Zang Shonang Yeesɔ 13:15

Ka knti ɓɔɔ zang hangsɛ labeenang nyaa dannang Musa nɛɛ rɛɛ labeenang zang nyaa shonang Laa gãnang tɔ, zang bang gãa zɔɔ kpalɛnang, ri shong nyaa ka bii ɓarɛ tɔɔ, “Rɛɛ manzung ɓuru, vuu ɓɔɔ nɔɔ nɛ́ɛ tɔɔ nɔɔ kɔɔ zang kagn, ɓɔɔ mã ri danggn, nɔɔ kɔɔ ta.”

Zang Shonang Yeesɔ 18:17

Ri yi Sɔtanɛ ɓɔɔ wukɔ zang bang gãa zɔɔ kpalɛnang, ri nyɔ wu nɛɛ gbãa ka tĩng gãa ruu jɛ̃ɛnang ka nɔngkɔ. Vuu bii ti kpãa Gaaliyo ɓi kpang tingkiring.

Zang Shonang Yeesɔ 18:8

Kiripu ɓɔɔ wukɔ zang bang gãa zɔɔ kpalɛnang shing danggn ka bii Kpanti Laa nɛɛ zang ɓɔɔ ri ka gãa ɓiɓɛ piti. Zang Koranti ɓɔɔ ri ti ɓaa shoo ka Ruu Laa ɓɔɔ Bulu rang ɓɛɛ, ri shing danggn, a zang palɛ ri batizima.

Zang Shonang Yeesɔ 9:38

Joopa nɛɛ Liida ri bee kpang. Ɓɔɔ rɛɛ zang ɓɔɔ ri dũng Laa ka Joopa ri tãa nyaa nɛɛ Bituru ka Liida, ri shong zang varɛ ziti ka bii ɓiɓɛ. Ri kɔɔ wu tɔɔ, “Ruu zɔ̃ɔrɔ mɔɔ katɔ, a ka bii ɓuru tantɛnang.”

Vuu ɓɔɔ zang nwangsɛ Yɔhana 5:8

A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.