Luka 8:18 - Nyaa Shɔɔ Ɓɔɔ Laa a Ɓɛɛ

¹⁸ “Ka ruu nɔngkɔ, nɔɔ gãng jĩng ka naa ɓɔɔ nɔɔ tãa yee Laa ɓɛɛ ning. Nɔɔ gãng jĩng kagn, ka ruu ɓɔɔ zang ɓɔɔ vuu ɓiɓɛ kagn, zang naa gisi wu ɓɔɔgn ditɔ. A zang ɓɔɔ vuu ɓiɓɛ tɔkɔlɔng, zang naa ta ɓɔɔ tɔkɔlɔng ɓɔɔ wu shing danggn kagn, ka naa ɓiɓɛ ditɔ.”

Luka 8:18 交叉參考

Matiyu 13:12

Zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Tɔɔ, vuu ɓiɓɛ wu shang kaa gaagaa. Zang ɓɔɔ vuu ɓiɓɛ kagn kpang, naa doo ɓɔɔ wu yiti ka naa tɔkɔlɔng, zang ti tarɛ, zang yaa wu naa waati.

Matiyu 25:29

ka ruu ɓɔɔ, zang piti ɓɔɔ vuu ɓiɓɛ kagn zang naa gisi wu ɓɔɔgn ditɔ tɔkn, tɔ̀ɔ ɓɔɔ ɓiɓɛ wu shang kati. A zang piti ɓɔɔ vuu ɓiɓɛ kagn dɔɔli kpang, vuu ɓɔɔ ka naa ɓiɓɛ tɔkɔlɔng, zang naa ta ditɔ.’

Maraku 13:14

“Nɔɔ nɛɛ zi vuu baabii shíi tɔ ka nɔng ɓɔɔ daa ɓɔɔ wu shii kagn kpang, [zang ɓɔɔ gã vuu keɓe, wu zi kati.] Zang ɓɔɔ ka tipi Yahudi ri yurɛ, ri daa ka kɔpɔ.

Luka 19:26

N kɔ̀ɔ́ nɔɔ, zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Zang ɓɔɔ vuu ɓiɓɛ ka naa kpang, ɓɔɔ ka naa ɓiɓɛ tɔkɔlɔng, zang naa ta ditɔ.

Luka 9:44

“Nɔɔ ɓaa shoo ta nɔɔ tãa vuu ɓɔɔ n kɔɔ nɔɔ ɓɛɛ, tɔɔ danggn wu ning nɔɔ kaa takpang. Ka ruu ɓɔɔ zang ɓɔɔ naa tuu Jaa Shɔnzang ditɔ, a zang ɓɔɔgn ri nyɔ wu vɔrɔ ɓɛɛ.”

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Zang Shonang Yeesɔ 10:33

A n tantɛ nyaa kaa shonang ka bii ɓaaɓɛ. Mɔɔ ti pálɛ́ tɔ̃ɔ tɔ, ka ɓɔɔ mɔɔ arɛ ɓɛɛ. Wee ruu kpalɛ zɔɔ tɔ nandon ka tĩng Laa ɓee, kɔɔ ruu vuu ɓɔɔ Laa kɔɔ mɔɔ nɛɛ mɔɔ kɔɔ ruu ɓɛɛ ta.”

Zang Shonang Yeesɔ 17:11

Zang Yahudi ɓɔɔ ka nihn, ri ɓarɛ naa ɓɔɔ Tesalonika kpang. Ri ɓaa shoo gbãng gbãng ka ɓɔɔ ri tãa Ruu Laa ɓɛɛ. Ri gã Ruu Laa diki diki nɛɛ ri zirɛ vuu ɓɔɔ Bulu kɔɔyi nɛ́ɛ niizang ɓɛɛ.

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

1 Koranti 14:37

Zang ɓɔɔ nɛɛ tuu yuu ɓiɓɛ nɛɛ wu zang ɓɔɔ kɔɔ ruu ɓɔɔ Laa tusu wu ɓɛɛ. Nɛɛ ti rɛ̃rɛ ka yeti ɓiɓɛ nɛɛ suru Laa ti a wu naa tɔ. Wu zi katɔ nɛɛ ruu kɔ n bèé nɔɔ ɓee, ɓi Kpanti Yeesɔ Kirisi nɛɛ yuu ɓiɓɛ dang nyaa nɛɛ ruu palɛ vuu keɓe.

1 Koranti 3:18

Nɔ́ɔ nwãarɛ yuu manɛ kpang. Naa zang ɓɔɔ ka teteng manɛ tuu yuu ɓiɓɛ nɛɛ wu zũng dɔɔli ka yeti vuu koo keɓe, wu risi yuu ɓiɓɛ naa shoko, tɔ̀ɔ, wu zũng kati.

1 Koranti 8:2

Naa zang ɓɔɔ tuu yuu ɓiɓɛ nɛɛ wu zi vuu tɔ, zi vuu ɓɔɔ wu nɛ̀ɛ́ zi ɓɛɛ gn kpang.

Filipi 3:4

Vuu ɓɔɔ kagn ka koo keɓe ɓɔɔ zang pãng yuu kagn kpang. Naa vuu ɓɔɔ nɛɛ kagn, nkɔ nɛɛ pãng yuu kagn nɛɛ ɓa zang piti.

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.