Luka 4:17 - Nyaa Shɔɔ Ɓɔɔ Laa a Ɓɛɛ

¹⁷ A zang a wu labeenang Laa ɓɔɔ Ishaya zang nyaa shonang Laa bee ɓɛɛ, a kãlɛ, puuyi, a ka nɔng ɓɔɔ zang beeyi nɛɛ,

Luka 4:17 交叉參考

Luka 16:29

“Ibirayi kasɛ wu nyaa tɔɔ, ‘Labeenang ɓɔɔ Musa beeyi nɛɛ ɓɔɔ zang nyaa shonang Laa ri beeyi kagn. Ri ti ɓaa shoo ka labeenang ɓarɛ.’

Luka 20:42

Dawuda nɛɛ yuu ɓiɓɛ bee ka yeti labeenang Zabura tɔɔ, “ ‘Kpanti Laa kɔɔ kpanti mɛɛ nɛɛ, “Nwang ka nakn mɛɛ,

Luka 4:16

A Yeesɔ naa a ka gari Nazara, nɔng ɓɔɔ wu bang kagn ɓɛɛ. Daa kaa naa ɓasidi ka gãa zɔɔ kpalɛnang zang Yahudi, ka Diki Ɔ̃sɔnang ɓarɛ. A seepaa kati nɛɛ wu gã Ruu Laa.

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Luka 4:20

A leng labeenang bìí kati a sɔ̀ɔrɔ̀ zang ɓɔɔ palɛ shonang ka gãa kaɓa, a raa tɔɔsung nwang ka tipi. Zang ɓɔɔ ri kpalɛ zɔɔ ka gãa zɔɔ kpalɛnang kaɓa, ri tɛ̃ɛ wu jĩng ka bii nandon.

Zang Shonang Yeesɔ 13:15

Ka knti ɓɔɔ zang hangsɛ labeenang nyaa dannang Musa nɛɛ rɛɛ labeenang zang nyaa shonang Laa gãnang tɔ, zang bang gãa zɔɔ kpalɛnang, ri shong nyaa ka bii ɓarɛ tɔɔ, “Rɛɛ manzung ɓuru, vuu ɓɔɔ nɔɔ nɛ́ɛ tɔɔ nɔɔ kɔɔ zang kagn, ɓɔɔ mã ri danggn, nɔɔ kɔɔ ta.”

Zang Shonang Yeesɔ 13:27

Zang ɓɔɔ ri nwang ka Urushalima nɛɛ rɛɛ zang bang ɓarɛ ri zi Yeesɔ nung kpang. Ri ti zi rúu rɛɛ zang nyaa shonang Laa ɓɔɔ zang gã ka Diki Ɔ̃sɔnang diki diki kpang, ka ruu nɔngkɔ, ri palɛ vuu ɓɔɔ rɛɛ zang nyaa shonang Laa keɓe ri kɔɔ tɔ, ka ɓɔɔ ri dɔng wu ruu ɓɛɛ.

Zang Shonang Yeesɔ 7:42

A Laa raa ri yuu knti. A yaa ri nɛɛ ri bang rɛɛ sang ɓɔɔ ka lapa ɓɛɛ, naa ɓɔɔ rɛɛ zang nyaa shonang Laa ri bee ka yeti labeenang ɓɛɛ. Zang nyaa shonang Laa beeyi tɔɔ, “ ‘Zang Isirela, nɔɔ dɔ̀ɔ nkɔ vuu vaa ɓɔɔ nɔɔ yele ka jĩngti saa laa ziti ɓɛɛ ya?