Luka 20:47 - Nyaa Shɔɔ Ɓɔɔ Laa a Ɓɛɛ

⁴⁷ Ri mulu suvɔ, ri talɛ vuu ɓɔɔ ka naa ɓarɛ nandon. Ri ti kasɛ Laa gaanang sasak nɛɛ zang zi ri kati. Laa naa dang ri jĩng ɓa ɓɔɔ zang piti.”

Luka 20:47 交叉參考

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Matiyu 23:14

Vuu gn kɔnang kagn yuu manɛ, zang ɓɔɔ tusu zang vuu nɛɛ zang Farisi. Nɔɔ zang ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ, nɔɔ mulu suvɔ ɓɛɛ. Nɔɔ ti gaa Laa sasak, nɛɛ tɔɔ zang zi nɔɔ kati ɓɛɛ. Ka ruu nɔngkɔ, Kpanti Laa naa dang nɔɔ jĩng ditɔ dɔɔli, ɓa ɓɔ̀ɔ́ zang piti.

Maraku 12:40

Ri mulu suvɔ, ri talɛ vuu ɓɔɔ ka naa ɓarɛ nandon. Ri ti gaa Laa sasak nɛɛ tɔ̀ɔ, zang zi ri kati. Ka ruu nɔngkɔ, jĩng dannang ɓɔɔ Kpanti Laa naa dang ri naa ɓa ɓɔɔ zang piti katɔ.”

Luka 12:1

Zang ri kpalɛ zɔɔ ɓarɛ tɔ labang gaagaa, nɔng doo naanang kagn kpang. Ri vãlɛ kaa yuu zɔɔ. A Yeesɔ gaa tɔɔsung yee rannang kaa nɛɛ zang ɓɔɔ ri mantɛ vuu ka bii ɓiɓɛ kɔ shɔɔnang tɔɔ, “Nɔɔ gãng jĩng ka yisi zang Farisi. Yisi ɓarɛ ɓi nwãarɛnang ɓɔɔ ri nwãarɛ zang nɛɛ vuu palɛnang ɓɛɛ.

Luka 20:46

Kɔɔ ri tɔɔ, “Nɔɔ gãng jĩng ka zang ɓɔɔ ri tusu zang vuu ɓɛɛ waasɛ̃. Ri kasɛ rakɛnang nɛɛ fɔ̃ɔrɔ puru, a ri ti kasɛ nyaa jeenang ka lumang. Ri kasɛ nɛɛ zang a ri nɔng nwannang bang ka gãa zɔɔ kpalɛnang, nɛɛ nɔng ɓɔɔ zang kpalɛ yuu, zang shaa vuu shaanang ɓɛɛ.

Luka 21:1

Yeesɔ tuu jĩng, a zi zang ɓɔɔ vuu naa ɓarɛ kagn, ri looro saka ɓɔɔ ri a Laa ka yeti nɔng ɓɔɔ zang tɛ̃ɛ saka ka Gãa Laa ɓɛɛ.

1 Tesalonika 2:5

Nɔɔ zi tɔ̃ɔ tɔ̃ɔ nɛɛ ɓɔɔ ruu a ka bii manɛ, ruu a wu nɛɛ nyaa tãa kpang. Ruu rang nɔɔ yee wu naa ɓɔɔ shingnɛ ruu walɛ vuu ɓɔɔ ruu kasɛ ɓɛɛ kpang, Laa zi yeti ɓuru tɔ.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Yakubu 3:1

Manzung nɔ́ɔ nwàng zang ɓɔɔ ri tusu zang vuu kɔ nandon kpang, ka ruu ɓɔɔ nɔɔ zi tɔ wee ruu tusu zang vuu ɓee, zang naa jɛ̃ɛ ruu rúu ɓa ɓɔɔ zang piti katɔ ɓɛɛ.