Luka 15:24 - Nyaa Shɔɔ Ɓɔɔ Laa a Ɓɛɛ

²⁴ Ka ruu ɓɔɔ, jaa mɛɛ keɓe nwang naa ɓɔɔ vɔ katɔ, a naa hingsi jĩng tɔkn ɓɛɛ. Ning katɔ, a n naa ĩi wu tɔkn ɓɛɛ’. A ri gaayu dãng sɔnang kati.

Luka 15:24 交叉參考

Matiyu 8:22

A Yeesɔ kasɛ wu nyaa tɔɔ, “Dũng m ta, mɔɔ yaa zang ɓɔɔ ri walɛ Suru Laa gn kpang ka nɔngkɔ, ri gbãa zɔɔ ka naa ɓarɛ.”

Maraku 8:22

Ri naa a ka Bɛsɛda. Zang atɛ wu zang ɓɔɔ jĩng ringtang, a zang gaa wu, nɛɛ wu lee wu naa ka bii, tɔɔ wu masɛ wu kati.

Luka 10:19

Nɔɔ zirɛ n a nɔɔ naa tɔ, nɔɔ ra ka yuu sɔkɔ nɛɛ gbuuri. Nɔɔ ti ɓa zang ɓɔɔ shing jĩng nɛɛ zang kpang yuu katɔ. Vuu ɓɔɔ kpaa nɔɔ naa ka bii kpang.

Luka 15:23

Nɔ́ɔ ti daa yi guu napo mɛɛ ɓɔɔ n sang katɔ, nɔɔ yeeyi, ruu shaayi, tɔ̀ɔ, ruu tãa tĩnang kati.

Luka 15:25

“Bɛɛ jaa zang varɛ ɓiɓɛ ɓɔɔ bang daa ka jaa. Gbãayu kana nɛɛ jaa yaa gãa kaa naabm, a tãa soo ɓɔɔ zang gaarɛ nɛɛ dãng sɔnang ɓɔɔ shii vaa ɓɛɛ.

Luka 15:32

Daa ɓɔɔ ruu shaa vuu shaanang ruu tãa tĩnang tɔ, ka ruu ɓɔɔ, jaa naaɓɛ keɓe nwang naa ɓɔɔ vɔ katɔ a hingsi jĩng tɔkn. Ning katɔ, a n ĩi wu tɔkn ɓɛɛ.’ ”

Luka 15:4

“Naa zang gbete ka teteng manɛ mã mɛ̀ɛrɛ́ laa maani, a ɓɔɔ gbete ningnɛ palɛ biya? Yaa ɓɔɔ laa dɛ̃ɛti tu kopi tu mandɛ̃ɛti kaɓa ka nɔngkɔ ka gbongkarɛ, wu daa kãa ɓɔɔ ning kaɓa, wu ĩiyi.

Luka 19:10

Ka ruu ɓɔɔ, n Jaa Shɔnzang n arɛ nɛɛ n naa kãa zang ɓɔɔ ri ning gbalang katɔ, tɔ̀ɔ, n ta yuu ɓarɛ kati ɓɛɛ.”

Luka 9:60

A Yeesɔ kɔɔ wu tɔɔ, “Dũng m ɓaaɓɛ. Yaa zang ɓɔɔ ri walɛ suru bii ɓɔɔ waa nyaa kpang gn kpang ri gbãa zɔɔ ka naa ɓarɛ. Daa ɓaari mɔɔ daa kɔɔrɔ zang Ruu Tɔ̃̀ɔ́ Kpanti roonang Laa.”

Yɔhana 11:25

Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yɔhana 5:21

Naa ɓɔɔ Daa wisi zang paa nɛɛ sàa, wu a ri suru bii, Jaa ti a zang ɓɔɔ wu kasɛ, suru bii doo nɔngkɔ.

Rooma 11:15

Ka ɓɔɔ Laa bɛ̃ɛ ri, Laa raa zang koo ri yi wusang nɛɛ wu. A Laa nɛɛ ta ri tɔ tɔkn ɓɛɛ, naa nwang naa ɓɔɔ zang ɓɔɔ ri vɔlɔ tɔ, ri walɛ suru bii tɔ kpang ya?

Rooma 12:15

Nɔɔ tãa tĩnang nɛɛ zang ɓɔɔ ri tãa tĩnang, zang ɓɔɔ ri nɛɛ kaa nyavɔ nɔɔ ka nɛɛ ri.

Rooma 6:11

Nɔɔ rɛ̃rɛ doo nɔngkɔ, ka yuu manɛ nɛɛ nɔɔ nwàng naa vɔrɔ, nɛɛ a tɔ ka nɔng vuu shi kpang palɛnang ɓɛɛ. A nɔɔ nwàng ningkãari ka Ruu Laa, ka ruu ɓɔɔ, nɔɔ ɓakɛ zɔɔ tɔ nɛɛ Yeesɔ Kirisi ɓɛɛ.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

Rooma 8:2

Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

1 Koranti 12:26

Naa vuu gbete ka bii ɓuru dang jĩng, bii nimbang keɓe ri dang jĩng kaa nyaa zɔɔ.

Afisa 2:1

Ɓeleng ka tĩng, bɛ̀ɛ́ nɔɔ nwang manɛ naa zang ɓɔɔ ri vɔlɔ katɔ ɓɛɛ. Ka ruu ɓɔɔ, nɔɔ dũ̀ng nyaa Laa kpang, a nɔɔ ti pálɛ́ vuu shi kpang ɓɛɛ.

Afisa 2:5

Ka ɓɔɔ bɛ̀ɛ́ ruu nwang naa ruu vɔlɔ katɔ, ka ruu vuu shi kpang ɓɔɔ ruu palɛ ɓɛɛ. Laa shingnɛ ruu nwang ningkãari nɛɛ Yeesɔ Kirisi. Ɓi tɔ̃ɔ ɓɔɔ Laa palɛ kɔ shingnɛ zang ta yuu manɛ.

Afisa 5:14

Ka ruu ɓɔɔ, vuu ɓɔɔ zang zi katɔ piti, nwang ɓi naa nɔng yakɛnang ɓɛɛ. Ka ruu nɔngkɔ, zang kɔɔyi nɛɛ, “Hingsi jĩng, zang ɓɔɔ roo katɔ ɓɛɛ, a mɔɔ yupaa ka vɔrɔ, Kirisi wu yakɛ nɔng ka yuu ɓaaɓɛ.”

Kolosi 2:13

Bɛ̀ɛ́ ɓeleng nɔɔ nwang manɛ naa zang ɓɔɔ ri vɔlɔ katɔ ɓɛɛ, ka ruu vuu shi kpang ɓɔɔ nɔɔ pálɛ́ ɓɛɛ. A ɓɔɔ ti, ka ruu ɓɔɔ, nɔɔ manɛ zang Isirela kpang, nɔɔ zi nyaa dannang Laa kpang ɓɛɛ. A kãntang keɓe Laa a nɔɔ suru bii tɔ, naa ɓɔɔ Yeesɔ Kirisi. A ti kɔsɔ ruu vuu shi kpang ɓuru tɔ nandon.

1 Timoti 5:6

A suvɔ ɓɔɔ nɛɛ shing jĩng ka tĩnang tãanang, naa nwang doo ningkãari, suru ɓiɓɛ vɔ ɓi tɔ.

Yahuza 1:12

Ri nwàng ɓarɛ naa vuu rĩiti, ka teteng manɛ ka nɔng ɓɔɔ nɔɔ shaa vuu shaanang ɓɔɔ nɔɔ tusu zɔɔ nɛɛ nɔɔ kasɛ zɔɔ katɔ ɓɛɛ. Ri lasɛ nɔɔ nɔng nɛɛ vuu ɓɔɔ ri palɛ yusɛ̃ɛ tuu ri kpang ɓɛɛ. Ri gãng jĩng ɓarɛ ka yuu ɓarɛ kɔ shɛ̃ɛning. Ri ɓarɛ naa sãmbong ɓɔɔ mii kagn kpang, jasung rãayi ɓɛɛ. Ri ɓarɛ naa laa ɓɔɔ ra jaa kpang, naa doo nɛɛ guusi ɓɛɛ. Ri nwàng naa laa ɓɔɔ zang ru katɔ nɛɛ dĩiri, a vɔ dɔ̃ɔ gbete ɓɛɛ.

Vuu ɓɔɔ zang nwangsɛ Yɔhana 3:1

Zang kaɓa kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Sadisu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yiti rɛɛ Suru Laa manziti nɛɛ sang manziti ka naa ɓɛɛ. N zi shonang ɓɔɔ nɔɔ palɛ ɓɛɛ tɔ. Zang zi nɔɔ naa nɔɔ ningkãari, a ɓeekpang nɔɔ vɔlɔ manɛ katɔ.