Kolosi 2:11 - Nyaa Shɔɔ Ɓɔɔ Laa a Ɓɛɛ

¹¹ Ka ɓɔɔ nɔɔ ɓakɛ yuu nɛɛ wu, zang yee nɔɔ shaa, wu zɔ̃ng shaa ɓɔɔ shɔnzang ri yée ɓɛɛ kpang. Ɓi zɔ̃ng shaa yeenang Yeesɔ Kirisi, ɓɔɔ ɓi kaa yuu ɓuru, ɓɔɔ wu tà nɛɛ naa bii ɓuru ɓɔɔ kasɛ ɓi vuu shi kpang palɛnang ɓɛɛ.

Kolosi 2:11 交叉參考

Maraku 14:58

“Ruu tãayi, kɔɔyi tɔɔ, ‘N jili Gãa Laa kɔ zang mãa nɛɛ naa ɓɛɛ ditɔ, n mãa ɓɔɔgn ɓɔɔ zang mãa nɛɛ naa kpang, ka yeti diki taati.’ ”

Luka 2:21

Zang yi Yeesɔ tɔ diki daa tɔ mantaati, a zang arɛ nɛɛ zang naa yèé Yeesɔ kaa shaa ka naa ɓɔɔ ri palɛ ɓɛɛ. Zang yee wu shaa tɔ, a zang ɓaa wu nung kaa nɛɛ Yeesɔ. Nung ɓɔɔ zang nyaa shonang Laa ɓɔɔ ka lapa a wu, bɛ̀ɛ́ niiɓɛ tuu wu gn ka yeti kpang ɓɛɛ.

Zang Shonang Yeesɔ 17:24

Laa ɓɔɔ wukɔ mãa koo nɛɛ vuu ɓɔɔ ka yeti koo nandon, ɓɔɔ wukɔ kpanti lapa nɛɛ tipi, nwang ɓi jong ka yeti gãa ɓɔɔ shɔnzang mãa ɓɛɛ kpang.

Zang Shonang Yeesɔ 7:48

“Nɔɔ zi tɔ nɛɛ Laa ɓɔɔ wukɔ ɓa zang piti, nwàng ki gãa ɓɔɔ zang mãa nɛɛ naa ɓi kpang naa ɓɔɔ zang nyaa shonang Laa kɔɔ ka tĩng ɓɛɛ tɔɔ,

Rooma 2:29

Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

Rooma 6:6

Ruu zi ɓuru tɔ nɛɛ, zang ɓáa nwannang ɓɔɔ ɓeleng ruu nwang ka tĩng ɓi tɔ ka laa nɛɛ Yeesɔ. Tɔ̀ɔ, bii ɓuru ɓɔɔ kasɛ vuu shi kpang palɛnang wu shaarɛ. Tɔ̀ɔ ruu nwang kaa tɔ̀ɔ́ naa jaafoo vuu shi kpang palɛnang kpang.

Rooma 7:24

N m zang ɓɔɔ tãa tĩnang kpang ɓɛɛ. Wi ta m jong nɛɛ naa bii mɛɛ kɔ raa m vɔrɔ ɓee wiya?

2 Koranti 5:1

Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 5:24

Zang ɓɔɔ nɛɛ ɓi kaa zang Yeesɔ Kirisi yáa vuu ɓɔɔ bii shɔnzang kasɛ ɓɛɛ palɛnang ɓi tɔ nandon.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

Yahudi 9:11

A wee Kirisi a ɓi tɔ, wukɔ kaa kpanti zang ɓɔɔ ri dɔɔ vuu ka Gãa Laa, ka yuu rɛɛ vuu tɔ̃ɔ ɓɔɔ ri ɓarɛ kaa nihn kɔ nwani ɓɛɛ. Putali ɓɔɔ Kirisi palɛ shonang ka yeti ɓiɓɛ, ɓa weɓe katɔ, a ɓi ti nyaa kiiri. Ɓi shɔnzang palɛ kpang, a ɓi ti ka koo keɓe kpang.

Yahudi 9:24

Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.