Yɔhana 4:36 - Nyaa Shɔɔ Ɓɔɔ Laa a Ɓɛɛ

³⁶ Zang jaa lannang wàlɛ́ ɓi kaa vuu ɓɔɔ Laa shing wu katɔ ɓɛɛ. Kpalɛ zang ɓiɓɛ kana, tɔɔ ri walɛ suru bii ɓɔɔ waa nyaa kpang ɓɛɛ. Tɔɔ, zang ɓɔɔ ɓaa jĩng vuu, nɛɛ zang ɓɔɔ naa yeeyi ri tãa tĩnang kaa nyaa zɔɔ.

Yɔhana 4:36 交叉參考

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Rooma 1:13

Manzung, ɓɔɔ ri dũng doo Laa kɔ ɓɛɛ, n kasɛ nɔɔ zi vuu keɓe. N mang diki diki nɛɛ n daa leng nɔɔ, a vuu ɓɔɔ zãa m kagn. N kasɛ n shing zang ɓɔɔ ka teteng manɛ, ri dũng Laa naa ɓɔɔ n wàlɛ̀ zang ɓɔɔ ri dũng Laa ka teteng zang nimbang, ɓɔɔ ri ɓarɛ zang Yahudi kpang ɓɛɛ.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

1 Koranti 9:18

N walɛ ɓu viya? Wee n kɔɔrɔ zang Ruu Tɔ̃ɔ Laa waati ɓee, ɓi vuu ɓɔɔ n walɛ ɓɛɛ kɔ. Ka ruu nɔngkɔ, n gaa zang wu nɛɛ zang a m vuu ɓɔɔ kagn kpang.

1 Tesalonika 2:19

Ruu kasɛ nɛɛ ruu naa leng nɔɔ, ka ruu ɓɔɔ, nɔkɔ zang ɓɔɔ ruu shing gn ka bii ɓarɛ ɓɛɛ. Ka ruu ɓɔɔ, ka diki ɓɔɔ kpanti ɓuru Yeesɔ Kirisi a tɔkn, nɔkɔ shing ruu, rùu rangkɛ yee bang bang ka yuu ɓuru, ruu ti tãa tĩnang ka tĩng ɓiɓɛ ɓɛɛ.

1 Timoti 4:16

Gãng jĩng ka yuu ɓaaɓɛ, mɔɔ ti gãng jĩng, ka vuu ɓɔɔ, mɔɔ tusu ɓɛɛ. Palɛ rɛɛ vuu keɓe diki diki. Ka ruu ɓɔɔ, mɔɔ nɛɛ palɛ tɔ, mɔɔ ta yuu ɓaaɓɛ nɛɛ ɓɔɔ zang ɓɔɔ ri tãa vuu ɓɔɔ mɔɔ kɔɔ ɓɛɛ katɔ ɓɛɛ.