Yɔhana 21:15 - Nyaa Shɔɔ Ɓɔɔ Laa a Ɓɛɛ

¹⁵ Ri hangsɛ vuu shaanang tɔ, a Yeesɔ ràng Siman Bituru yee tɔɔ, “Siman jaa Yɔhana, mɔɔ kasɛ m ɓa ɓɔɔ rɛɛ zang keɓe ri kasɛ m ɓɛɛ katɔ ya?” A kasɛ Yeesɔ nyaa tɔɔ, “Nn, Kpanti mɔɔ zi tɔ, n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Yɔhana 21:15 交叉參考

Matiyu 10:37

“Shɔnzang ɓɔɔ kasɛ ruu diiɓɛ, kɔ niiɓɛ, ɓá ɓɔɔ wu kasɛ m katɔ, daa naa ɓɔɔ wu dũng m kpang. Zang ɓɔɔ ti kasɛ ruu jaa ɓiɓɛ ɓɔɔ varɛ kɔ ɓɔɔ soro, ɓá ɓɔɔ wu kasɛ m, daa naa ɓɔɔ wu dũng m kpang.

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Matiyu 26:33

A Bituru kɔɔ wu tɔɔ, “Naa ri yuku doo piti ri yaa mɔɔ, n yaa mɔɔ m kpang.”

Matiyu 26:35

Bituru ti kɔɔ Yeesɔ tɔkn, tɔɔ, “Naa zang tɔɔ zang nyɔ m doo katɔ nɛɛ mɔɔ ning piti, n laa nyaa ɓaaɓɛ m kpang.” Zang ɓɔɔ ri mantɛ vuu ka bii Yeesɔ ɓɔɔ, ri ti kɔɔ doo nɔngkɔ nandon.

Maraku 14:29

Bituru kɔɔ wu tɔɔ, “Náa ri yuku doo piti, ri yaa mɔɔ, n yaa mɔɔ m kpang.”

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

Yɔhana 1:42

A gɔ̃ Siman daa nɛɛ wu ka bii Yeesɔ. Yeesɔ pɛ̃ɛrɛ Siman a kɔɔyi tɔɔ, “Mɔkɔ Siman jaa Yɔhana waa? Zang ɓáa mɔɔ kaa nɛɛ Kefa” (Dĩiri nung keɓe daa gbete nɛɛ Bituru ɓɔɔ zang ɓaa ɓi “Tari ɓɔɔ bang ɓɛɛ”).

Yɔhana 13:37

Bituru hɛ̃ɛ wu tɔɔ, “Kpanti, n dũ̀ng mɔɔ kãntang kpang ka ruu viya? N kasɛ tɔ, n vɔ ka ruu ɓaaɓɛ katɔ.”

Yɔhana 16:27

Ka ruu ɓɔɔ, Daa nɛɛ yuu ɓiɓɛ kasɛ nɔɔ katɔ ɓɛɛ. Kasɛ nɔɔ ka ruu ɓɔɔ nɔɔ kasɛ m katɔ, a nɔɔ ti shing danggn tɔ, nɛɛ n a nɛɛ bii Laa ɓɛɛ.

Yɔhana 21:12

Yeesɔ kɔɔ ri tɔɔ, “Nɔɔ arɛ nɔɔ shaa vuu shaanang.” A zang gbete ka teteng zang ɓɔɔ ri mantɛ vuu ka bii ɓiɓɛ, hɛ̃ɛ wu kaa tɔ̀ɔ́ nɛɛ “Mɔkɔ wiya?” Kpang, ka ruu ɓɔɔ ri zi tɔ nɛɛ ɓi Kpanti Yeesɔ kɔ ɓɛɛ.

Yɔhana 21:7

Yɔɔ ɓɔɔ mantɛ vuu ka bii Yeesɔ ɓɔɔ Yeesɔ kasɛ wu dɔɔli ɓɛɛ, kɔɔ Bituru tɔɔ, “Ɓi Kpanti Yeesɔ.” Ɓɔɔ Bituru tãayi nɛɛ ɓi Kpanti, lu fɔ̃ɔrɔ ɓɔɔ biling ɓiɓɛ ka bii (ka ruu ɓɔɔ, bɛ̀ɛ́ tùlù fɔ̃ɔrɔ katɔ ɓɛɛ.) A shɛ̃ɛ ka yeti mii nɛɛ wu daa ka bii Yeesɔ.

Yɔhana 8:42

Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

Rooma 14:1

Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

Rooma 15:1

Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

1 Koranti 8:11

Ka ruu nɔngkɔ, naa mɔɔ shaa vuu shaanang kaɓa, mɔɔ shing zang kaɓa yaa gbalang tɔ, nɛɛ vuu ɓɔɔ mɔɔ zi ɓɛɛ. Naa mɔɔ palɛ vuu ɓɔɔ shing ɓaazung ɓɔɔ Kirisi vɔ ka ruu ɓiɓɛ jong ning gbalang, wukɔ tɔ̃ɔ ya?

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 4:13

Vuu ɓɔɔ Laa mãayi kagn gbete, ɓɔɔ wayi, Laa zi wu kpang ɓɛɛ kpang. Vuu piti ɓi ka dalɛ, zang larɛ ri ɓi katɔ ka jĩng Laa ɓɔɔ ruu naa shii ka tĩng ɓiɓɛ, ruu kɔɔ wu vuu piti ɓɔɔ ruu palɛ ɓɛɛ.

1 Bituru 1:8

Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.

1 Bituru 2:25

Ɓeleng nɔɔ nwang manɛ naa mɛ̀ɛrɛ́ ɓɔɔ ning katɔ ɓɛɛ, kãntang keɓe, nɔɔ gbãayu tɔ, nɔɔ dũng kaa zang ɓɔɔ gã nɔɔ, kasɛ kpang nɛɛ vuu ɓɔɔ wu lee nɔɔ naa ka bii kpang.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.