Yɔhana 15:26 - Nyaa Shɔɔ Ɓɔɔ Laa a Ɓɛɛ

²⁶ “Danggn wu ning nɔɔ kpang, zang ɓɔɔ naa yi nɔɔ naa ka bii a ditɔ. N nɛɛ dàá tɔ bii Daa mɛɛ, n shong nɔɔ wu ditɔ. Zang keɓe wukɔ Suru ɓɔɔ a nɛɛ bii Laa ɓɛɛ, wukɔ tusu zang ruu ɓɔɔ niizang ka yuu Laa. Wukɔ naa kɔ̀ɔ́ zang ruu ka yuu mɛɛ.

Yɔhana 15:26 交叉參考

Luka 24:49

N shong nɔɔ nyaa, vuu ɓɔɔ Daa mɛɛ kɔɔyi nɛɛ wu a nɔɔ ɓɛɛ. Nɔ́ɔ nwang ka gari Urushalima ka gbongkarɛ, Suru Laa wu a ka yuu manɛ.”

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 16:7

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.

Yɔhana 8:42

Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.

Zang Shonang Yeesɔ 1:4

Diki ɓɔɔ bɛ̀ɛ́ shaa vuu shaanang nɛɛ ri nɔng gbete, kɔɔ ri tɔɔ, “Nɔ́ɔ yaa Urushalima kpang. Nɔɔ gã vuu ɓɔɔ n kɔɔ nɔɔ ɓɛɛ, vuu ɓɔɔ Daa a nyaa nɛɛ wu a nɔɔ ɓɛɛ.

Zang Shonang Yeesɔ 15:8

Laa ɓɔɔ zi rɛ̃rɛnang zang tɔ nandon, tusu nɛɛ ri daa wu yeti tɔ, ka ɓɔɔ a ri Suru ɓiɓɛ naa ɓɔɔ wu a ruu ɓɛɛ.

Zang Shonang Yeesɔ 5:32

Ruu zi vuu keɓe tɔ, nɛɛ jĩng ɓuru, ruu ti kɔɔrɔ zang. Rùu nɛɛ Suru Laa ɓɔɔ Laa a zang ɓɔɔ ri ɓaa shoo ka nyaa ɓiɓɛ ɓɛɛ.”

1 Koranti 1:6

Rúu ɓɔɔ nɔɔ tãa ka tĩng, ka yuu Kirisi ɓaa saara tɔ ka yeti manɛ.

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.