Nɔɔ tãayi, n kɔɔ nɔɔ nɛɛ, ‘N dàá kaa tɔ, n gbãayu ditɔ tɔkn ka bii manɛ.’ Wee nɔɔ kasɛ m katɔ ɓee, nɔɔ tãa tĩnang, ka ruu ɓɔɔ, n dàá ka bii Daa ɓɛɛ. Ka ruu ɓɔɔ, Daa ɓa m bannang ɓi katɔ ɓɛɛ.
N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.
Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.
Ka ruu nɔngkɔ, zang talɛ sɛ̃ɛ fɔ̃ɔrɔ ɓɔɔ wu àlɛ́ jĩng nɛɛ mani nɛɛ fɔ̃ɔrɔ ɓɔɔ wu hã̀lɛ́ ka bii, zang daa nɛɛ mani ka bii zang ɓɔɔ ri kɔng katɔ ɓɛɛ, a kɔnang ɓarɛ yaa ri bii. Rɛɛ suru shi kpang ri ti nwangnɛ ri yaa zang bii.
Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.
Ka ruu vuu ɓɔɔ rɛɛ zang shonang Yeesɔ ri pálɛ̀, zang dɔɔli ri ãatɛ zang kɔnang ɓarɛ ka nyaa gbalang, ri wɔɔ ri ka yuu latãng nɛɛ siri, ka ruu ɓɔɔ, Bituru nɛɛ tɛɛnang, jasuru ɓiɓɛ kɔ̀ wu ti a ka yuu ɓarɛ shɛ̃ɛning wu másɛ́ ri kati.
Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.
Bituru nwangsɛ ri nɛɛ yeti gãa nandon, a tang ka tipi, gaa Laa, a raa jĩng ka vɔrɔ, a kɔɔyi tɔɔ, “Tabita, yupaa ta.” A Tabita puu jĩng, ɓɔɔ zi Bituru, yupaa nwang doopaa.
