Yɔhana 14:10 - Nyaa Shɔɔ Ɓɔɔ Laa a Ɓɛɛ

¹⁰ Filibu, mɔɔ zi kpang nɛɛ n ka yeti Daa, Daa ti ka yeti mɛɛ kpang ya?” A raa jĩng kɔɔ zang ɓɔɔ ri mantɛ vuu ka bii ɓiɓɛ tɔɔ, “Ruu kɔ n kɔɔ nɔɔ ɓee, ɓi ruu mɛɛ kpang. Ɓi Daa ɓɔɔ ka yeti mɛɛ kɔ palɛ shonang ɓiɓɛ ɓiri.

Yɔhana 14:10 交叉參考

Yɔhana 10:30

Ɓɔɔ n nɛɛ Daa ruu gbete.”

Yɔhana 10:38

N nɛɛ palɛ vuu ɓɔɔ Daa mɛɛ palɛ kɔ, nɔɔ nɛɛ shing danggn doo ka bii mɛɛ kpang, nɔ́ɔ shing danggn ka vuu ɓɔɔ zang zirɛ zang mã naa ka danggn ɓɔɔ n palɛ ɓɛɛ. Tɔ̀ɔ, nɔ́ɔ zi kaa gn dɔ̃ɔ gbete nɛɛ Daa kagn bii mɛɛ, nɛɛ n ti kagn bii Daa.”

Yɔhana 11:26

Zang ɓɔɔ doo ningkãari, nɛɛ shing danggn ka bii mɛɛ, vɔ kpang dòndòng, mɔɔ shing danggn tɔ kagn nɔngkɔ ya?”

Yɔhana 12:49

Ka ruu ɓɔɔ, n ráng wu yee yuu mɛɛ kpang ɓɛɛ. Daa mɛɛ ɓɔɔ shong m kɔ, kɔɔ m vuu ɓɔɔ n dàa kɔɔ ɓɛɛ, nɛɛ naa ɓɔɔ n dàa kɔ̀ɔ́ ɓɛɛ.

Yɔhana 14:11

Nɔɔ shing danggn ka bii mɛɛ, nɛɛ n ka yeti Daa, Daa ti ka yeti mɛɛ. Nɔɔ nɛɛ shing danggn ka ruu vuu ɓɔɔ n kɔɔ ɓɛɛ kpang, nɔɔ shing danggn ka vuu ɓɔɔ zang zirɛ, zang mã naa ka danggn kɔ n palɛ ɓee.

Yɔhana 14:20

Diki kaɓa nɛɛ a tɔ, nɔɔ naa zi ka lɛ̀ɛ́kɔ nɛɛ, Daa ka yeti mɛɛ, n ti kagn yeti ɓiɓɛ. A ɓɔɔ n nɛɛ nɔɔ, ruu ti gbete.

Yɔhana 14:24

Zang ɓɔɔ nɛɛ kasɛ m kpang dũ̀ng vuu ɓɔɔ n tusu ɓɛɛ kpang. Rúu kɔ nɔɔ tã̀á ɓee, ɓi ɓɔɔ yuu mɛɛ kpang, ɓi ɓɔɔ Daa ɓɔɔ shong m ɓɛɛ.

Yɔhana 17:8

N kɔɔ ri nyaa ɓɔɔ mɔɔ shong m nɛɛ mani tɔ, a ri ti ta tɔ. Ri zi tɔ kati nɛɛ n a nɛɛ bii ɓaaɓɛ kɔ niizang. A ri ti shing danggn tɔ nɛɛ mɔkɔ shong m.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 5:17

Yeesɔ kɔɔ ri tɔɔ, “Daa mɛɛ palɛ shonang ɓi doo naa, n ti palɛ shonang jong.”

Yɔhana 5:19

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, Jaa zunung ɓɔɔ wu pálɛ̀ vuu ɓɔɔ nɛɛ yuu ɓiɓɛ kpang, pálɛ̀ ɓi vuu ɓɔɔ zi Daa ɓiɓɛ pálɛ̀ ɓɛɛ. Ka ruu ɓɔɔ, vuu ɓɔɔ Daa pálɛ̀ piti Jaa pálɛ̀ doo nɔngkɔ ɓɛɛ.

Yɔhana 7:16

Yeesɔ kɔɔ ri tɔɔ, “Vuu ɓɔɔ n tusu keɓe, ɓi ɓɔɔ yuu mɛɛ kpang, a ɓi nɛɛ bii Laa ɓɔɔ wukɔ shong m ɓɛɛ.

Yɔhana 8:28

Ka ruu nɔngkɔ, kɔɔ ri nɛɛ, “Nɔɔ nɛɛ wisi m, ɓɔɔ n Jaa Shɔnzang tɔ ka yuu laa, nɔ́ɔ naa zi kati nɛɛ nkɔ wukɔ. Tɔ̀ɔ, nɔ́ɔ zi kati nɛɛ n palɛ vuu gbete nɛɛ kaka yuu mɛɛ kpang. N kɔɔ m vuu ɓɔɔ Daa kpɛ̃ɛrɛ m nɛɛ n kɔ̀ɔ ɓɛɛ.

Yɔhana 8:38

N kɔɔ nɔɔ m vuu ɓɔɔ n zi ka nɔng Daa mɛɛ ɓɛɛ. A nɔɔ palɛ manɛ vuu ɓɔɔ nɔɔ tãa ka nyaa daa manɛ ɓɛɛ.”

Yɔhana 8:40

Kãntang keɓe, nɔɔ kãa gbalang nɛɛ nɔɔ nyɔ m vɔrɔ, ɓɔɔ nkɔ zang ɓɔɔ kɔɔ nɔɔ ruu ɓɔɔ niizang ɓɔɔ n tãa ka nyaa Laa ɓɛɛ. Ibirayi pálɛ̀ rɛɛ vuu ɓɔɔ naa weɓe ɓi kpang.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

2 Koranti 5:19

Vuu ɓɔɔ n kɔɔ keɓe, Laa kãa gbalang ɓɔɔ wu rìsí zang koo piti, ri nwang rɛɛ wusang ɓiɓɛ nɛɛ bii Yeesɔ Kirisi. Yaa ri gbalang vuu shi kpang ɓɔɔ ri palɛ ɓɛɛ, yiti ka yeti ɓiɓɛ kpang. A ti a ruu shonang keɓe tɔ nɛɛ, ruu kɔɔ zang, nɛɛ wu kasɛ wu rìsí zang piti, ri nwang wusang ɓiɓɛ.

Kolosi 1:19

Ka ruu ɓɔɔ, Laa kɔ kasɛ nɛɛ yuu ɓiɓɛ nɛɛ nwannang ɓiɓɛ wu nwang ka bii Jaa nandon.

Kolosi 2:9

Ka ruu ɓɔɔ, nwannang Laa nandon ɓi ka bii shɔnzang Yeesɔ kɔ ɓɛɛ,

1 Yɔhana 5:7

Vuu taati tùsú ruu rúu keɓe.