Galati 3:1 - Nyaa Shɔɔ Ɓɔɔ Laa a Ɓɛɛ

¹ Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 3:1 交叉參考

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 7:26

A shɔnzang ɓɔɔ tãa ruu mɛɛ keɓe, a palɛ vuu ɓɔɔ wu tãa kpang, nwang naa zang ɓɔɔ zũng kpang ɓɔɔ mãa gãa ɓiɓɛ ka yuu seseele ɓɛɛ.

Luka 24:25

Yeesɔ rang ri yee tɔɔ, “Nɔɔ manɛ zang ɓɔɔ nɔɔ zũng kpang ɓɛɛ, ɓoro manɛ valɛ bii dɔɔli, ka ruu ɓɔɔ, nɔɔ shing danggn ka vuu ɓɔɔ zang nyaa shonang Laa kɔɔ kpang nandon ɓɛɛ.

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Rooma 10:16

A kaa tɔ̀ɔ́ zang piti ri dũ̀ng vuu ɓɔɔ Ruu Tɔ̃ɔ Laa kɔɔ ɓɛɛ kpang. Ka ruu ɓɔɔ Ishaya kɔɔ ka yeti Labeenang ɓiɓɛ tɔɔ, “Kpanti, zang ɓɔɔ ri shing danggn ka ruu ɓɔɔ ruu kɔɔ ri ɓɛɛ kpang.”

Rooma 2:8

Zang ɓɔɔ ri kasɛ yuu ɓarɛ dɔɔli, ri kasɛ ruu ɓɔɔ niizang kpang. Ri dũng vuu ɓɔɔ shi kpang ɓɛɛ. Gnvɔ naa shàá Laa nɛɛ ri, wu dang ri jĩng.

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

1 Koranti 11:26

Ka ruu nɔngkɔ, vuu ɓɔɔ gaayu lɛɛkɔ sasak, diki ɓɔɔ Yeesɔ gbãayu a nɛɛ mani, lee ɓɔɔ nɔɔ shaa borodi naa weɓe, a nɔɔ ɓoo mii inabi naa weɓe. Nɔɔ kɔɔrɔ manɛ zang nɛɛ Kpanti Yeesɔ vɔ ka ruu zang nandon.

1 Koranti 2:2

N kɔɔ ka yeti mɛɛ, n tɔɔ, wee n doo nɛɛ nɔɔ ɓee, n rɛ̃rɛ ruu Yeesɔ Kirisi kɔ shɛ̃ɛning. Naa ɓɔɔ zang ɓaa wu ka laa a vɔ ɓɛɛ.

2 Koranti 10:5

Ruu ningsi nyaa laanang nɛɛ yuu tuunang, ɓɔɔ zãa zang nɛɛ zang ri zi Laa kpang ɓɛɛ. Ruu kɔsɔ nɛɛ kaaɓa. Ruu shing ri, ri rɛ̃rɛ rɛ̃rɛnang ka doo vuu ɓɔɔ Yeesɔ Kirisi kasɛ ɓɛɛ.

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

Galati 1:2

Rɛɛ manzung ɓuru ɓɔɔ ri nɛɛ n ka nihn nandon, ruu jee nɔɔ ɓɔɔ nɔɔ dũng Laa ka tipi Galati nyaa.

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Galati 2:14

Ɓɔɔ n zirɛ ri yi gbalang kaarara ka doo ruu niizang ɓɔɔ ka yeti Ruu Tɔ̃ɔ Kirisi kpang, n kɔɔ Bituru ka tĩng ɓarɛ nandon n tɔɔ, “Mɔɔ zang Yahudi, a mɔɔ nwàng kaa tɔ̀ɔ́ naa zang Yahudi kpang. Mɔɔ nwang ɓaa naa zang ɓɔɔ ri zang Yahudi kpang ɓɛɛ. A ka ruu vi, mɔɔ kãa gbalang mɔɔ shing zang ɓɔɔ ri zang Yahudi kpang, ri nwang nwannang zang Yahudi nɛɛ gbãng gbãng ning viya?”

Galati 3:3

Nɔɔ palɛ shoko vi nɔngkɔ viya? Nɔɔ gaayu Laa dũnnang, nɔɔ shing gn ka naa ɓɔɔ Suru Laa a nɔɔ ɓɛɛ. A nɔɔ nɛɛ nɔɔ hangsɛ nyaa kaa nɛɛ kaka yuu manɛ ya?

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Galati 5:11

Rɛɛ manzung, naa n kɔɔrɔ zang doo naa nɛɛ zang ri yee shaa katɔ ɓɛɛ, a zang dang m jĩng ɓi kaa ruu viya? Naa nɛɛ nɔngkɔ niizang, rúu ɓɔɔ n kɔɔrɔ zang ka yuu laa ɓɔɔ zang ɓaa Yeesɔ naa kagn nɛɛ shingnɛ zang nɛɛ hàa nyaa kpang.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Afisa 5:15

Ka ruu nɔngkɔ, nɔɔ gãng jĩng ka nwannang manɛ waasɛ̃. Nɔ́ɔ nwàng wu naa shoko kpang, nɔɔ nwáng naa zang ɓɔɔ ri zũng katɔ ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

1 Timoti 6:4

Zang keɓe ɓi jĩng lakɛnang yee wu, zi vuu ɓɔɔ ɓi kpang. Kasɛ ɓi ruu nyaa laanang ka yuu ruu, nɛɛ nyaa ɓɔɔ zang haa dɔɔli ɓɛɛ. Shíng zang ri káa sũnyaa, ri bàsɛ́ zɔɔ, ri rang yee shi kpang ka yuu zɔɔ, ri dãa zɔɔ, ri rɛ̃rɛ vuu shi kpang ka yuu zɔɔ,

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.

Vuu ɓɔɔ zang nwangsɛ Yɔhana 18:3

Ka ruu ɓɔɔ, bɛ̀ɛ́ zɔ̃ng zang nandon ri ɓooro sàá dũndũng ɓiɓɛ tɔ ɓɛɛ. Rɛɛ kpanti ɓɔɔ ka koo, ri pálɛ̀ dũndũng nɛɛ wu ɓɛɛ. Zang ɓɔɔ ri hooro vuu, ri daa mãlɛ́ ka koo ɓɔɔgn, ri nwang zang ying tɔ. Ka ruu ɓɔɔ, gari kaɓa kasɛ vuu koo dɔɔli ɓɛɛ.”

Vuu ɓɔɔ zang nwangsɛ Yɔhana 2:20

A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.