Filipi 3:18 - Nyaa Shɔɔ Ɓɔɔ Laa a Ɓɛɛ

¹⁸ N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

Filipi 3:18 交叉參考

Luka 19:41

Yeesɔ a tɔ, yaa Urushalima kaa naabm, naa zi gari, a wɔsɔ miiri.

Zang Shonang Yeesɔ 20:19

N palɛ shonang Kpanti Laa nɛɛ miiri ka jĩng mɛɛ, n lakɛ jĩng kpang. Ka yeti jĩng dannang ɓɔɔ n dangnɛ ka ɓɔɔ zang Yahudi ri tɔ̀ng zɔɔ ka yuu mɛɛ ɓɛɛ.

Rooma 9:2

Niizang, yeti mɛɛ lasɛ dɔɔli, vuu ɓɔɔ ti kɔng m ka yeti ka ruu rɛɛ manzung zang Isirela di nyaa kpang.

1 Koranti 1:18

Zang ɓɔɔ ri shàarɛ́ kana, ri kɔɔ ɓarɛ nɛɛ, vɔrɔ ɓɔɔ Kirisi vɔ ka yuu laa ɓi vuu shoko waati. Ɓɔɔ ɓuru, ɓɔɔ Laa ta yuu ɓuru kana, ruu zi ɓuru tɔ nɛɛ, naa vuu palɛnang Laa kagn ka vɔrɔ ɓɔɔ Yeesɔ vɔ ɓɛɛ.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

2 Koranti 11:13

Ka ruu ɓɔɔ, zang kaɓa ri ɓarɛ zang shonang Yeesɔ ɓɔɔ niizang kpang ɓɛɛ, ri ɓarɛ zang shonang ɓɔɔ sèé. Ri suu sèé ka yuu shonang ɓarɛ, ri risi yuu ɓarɛ naa zang shonang Yeesɔ Kirisi ɓɔɔ niizang ɓɛɛ.

2 Koranti 11:29

Ɓu wi shing gn gbãng gbãng ka vuu Suru Laa kpang, a bii mɛɛ vɔ kpang wiya? Ɓu wi shing zang ɓɔɔ, nɛɛ zang palɛ vuu shi kpang, a yeti lasɛ m dɔɔli kpang wiya?

2 Koranti 2:4

Ɓɔɔ n bèe nɔɔ labeenang kaɓa, vuu kpãa m ka yeti dɔɔli, a yeti mɛɛ ti lasɛ katɔ gbãng gbãng. N kaa nɛɛ miiri. N kasɛ kpang, n lasɛ nɔɔ yeti kpang. N kasɛ katɔ kɔ jong, nɔɔ zi naa ɓɔɔ n kasɛ nɔɔ gbãng gbãng nandon ɓɛɛ.

Galati 1:7

Niizang, ruu tɔ̃ɔ ɓɔɔgn ɓi kagn kpang. N kɔɔ nɔngkɔ, ka ruu ɓɔɔ, zang ɓɔɔ kagn ri kpantɛ nɔɔ jĩng, ri kãa gbalang ɓɔɔ ri kɔ̃sɔ Ruu Tɔ̃ɔ Kirisi katɔ ɓɛɛ.

Galati 2:14

Ɓɔɔ n zirɛ ri yi gbalang kaarara ka doo ruu niizang ɓɔɔ ka yeti Ruu Tɔ̃ɔ Kirisi kpang, n kɔɔ Bituru ka tĩng ɓarɛ nandon n tɔɔ, “Mɔɔ zang Yahudi, a mɔɔ nwàng kaa tɔ̀ɔ́ naa zang Yahudi kpang. Mɔɔ nwang ɓaa naa zang ɓɔɔ ri zang Yahudi kpang ɓɛɛ. A ka ruu vi, mɔɔ kãa gbalang mɔɔ shing zang ɓɔɔ ri zang Yahudi kpang, ri nwang nwannang zang Yahudi nɛɛ gbãng gbãng ning viya?”

Galati 2:21

N bɛ̃ɛ tɔ̃ɔ ɓɔɔ Laa pàlɛ̀ m ɓɛɛ kpang. Naa shɔnzang nwang zang tɔ̃ɔ ka tĩng Laa nɛɛ bii nyaa dannang katɔ, nwang ɓi kaa naa ɓɔɔ Kirisi vɔ ɓi kaa dalɛ waati ɓɛɛ.

Galati 5:21

Ri shing jĩng ka vuu zɔɔ, ri ɓoo sàa, sàa palɛ ri, a ri gaarɛ zɔɔ ri shaa vuu shaanang dɔɔli nɛɛ rɛɛ zɔ̃ng vuu ɓɔɔ naa weɓe dɔɔli. N shaarɛ nɔɔ nyaa kãntang keɓe naa ɓɔɔ n shaarɛ nɔɔ tɔ ka tĩng ɓɛɛ, zang ɓɔɔ ri palɛ zɔ̃ng vuu keɓe, ri daa nɔng ɓɔɔ Laa roo kpanti kpang.

Galati 6:12

Ɓi zang ɓɔɔ ri dɔ̀ɔ́ bii nɛɛ vuu ɓɔɔ ri palɛ nɛɛ jĩng zang wu zirɛ ɓɛɛ, ri kãa gbalang nɛɛ ri mã nɔɔ nyaa nɛɛ kaka, nɛɛ nɔ́ɔ yee shaa. Ri palɛ ɓarɛ, ka ruu ɓɔɔ, ri kasɛ nɛɛ zang dang ri jĩng naa ɓɔɔ zang ɓaa Yeesɔ Kirisi naa ka laa kpang ɓɛɛ.

Galati 6:14

Ɓɔɔ mɛɛ, n kɔɔrɔ ruu bang bang m ka yuu laa ɓɔɔ zang ɓaa Kpanti ɓuru Yeesɔ Kirisi naa kagn kɔ shɛ̃ɛning. Ka ruu ɓɔɔ, laa keɓe kɔ shingnɛ, vuu ɓɔɔ ka koo nwàng m vuu ɓɔɔ kpang. Mɔɔ kɔɔ nɛɛ zang ɓaa vuu keɓe tɔ ka yuu laa ɓɔɔ zang ɓaa Yeesɔ kagn ɓɛɛ. N ti nwang m kaa zang ɓɔɔ yaa rɛɛ vuu koo tɔ ɓɛɛ.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Filipi 1:4

Ka laa ɓɔɔ n gàá Laa piti ka yuu manɛ nandon, n tãa tĩnang dɔɔli.

1 Tesalonika 4:6

Wu roo nɛɛ soro ɓeezung kpang tingkiring. Naa rooyi, pàlɛ́ ɓeezung vuu shi kpang, ti shaa wu katɔ. Ruu kɔ̀ɔ ruu keɓe tɔ ka tĩng, a ruu shaarɛ nɔɔ nyaa gbãng gbãng nɛɛ Kpanti Laa naa dang zang ɓɔɔ ri palɛ vuu keɓe jĩng katɔ.

2 Tesalonika 3:11

Ruu kɔɔ nɔngkɔ, ka ruu ɓɔɔ, ruu tãayi nɛɛ zang ɓɔɔ ka teteng manɛ ri nwang nwannang rang. Ri palɛ vuu ɓɔɔ kpang, ri hã̀lɛ́ nyaa ka ruu ɓɔɔ, wu ɓɔɔ ɓarɛ kpang ɓɛɛ.

2 Bituru 2:10

Jĩng dannang keɓe naa a ka bii zang ɓɔɔ ri palɛ vuu shi kpang ka naa ɓɔɔ bii ɓarɛ kasɛ ɓɛɛ. A ri ti bɛ̃ɛ naa vuu palɛnang Laa katɔ ɓɛɛ. Maalang ɓɔɔ ri tusu zang vuu sèé keɓe, ri kaa vɔrɔ vuu ɓɔɔ kpang, ri tuu yuu ɓarɛ dɔɔli. Ri ti kaa vɔrɔ ruu shi kpang kɔɔrɔnang ka yuu zang bang bang ɓɔɔ ri ka tĩng Laa ka lapa, ɓɔɔ zang a ri bannang katɔ ɓɛɛ kpang. Ri dãlɛ ri ɓarɛ katɔ kɔ jong.

Yahuza 1:13

Ri nwàng ɓarɛ naa mii waapo ɓɔɔ rãa dɔɔli, a vuu shi kpang ɓɔɔ ri palɛ tusu bii ɓi kaa naa puru ɓɔɔ pu ka yuu mii waapo ɓɛɛ. Ri nwàng ɓarɛ naa sang ɓɔɔ jĩli ka lapa ɓɛɛ. Laa shìng ri nɔng tɔ dòndòng, ka nɔng ɓɔɔ tɔ̀ɔ katɔ kɔngkɔng ɓɛɛ.