Afisa 4:18 - Nyaa Shɔɔ Ɓɔɔ Laa a Ɓɛɛ

¹⁸ Zang ɓɔɔ yeti ɓarɛ tɔ̀ɔ katɔ ɓɛɛ. Zang basɛ ri ɓarɛ tɔ, nɛɛ suru bii ɓɔɔ Laa a zang ɓɛɛ. Yeti ɓarɛ zi vuu gn kpang, ka ruu ɓɔɔ, ri taarɛ yuu dɔɔli ɓɛɛ.

Afisa 4:18 交叉參考

Matiyu 13:15

Ka ruu ɓɔɔ, yeti zang keɓe rɛ̃rɛ takpang, shoo ɓarɛ ti huuru tɔ, ri tãa takpang ɓɛɛ. Ri ti mung jĩng ɓarɛ tɔ, nɛ̀ɛ́ nɔngkɔ kpang ri nɛɛ zi katɔ. Ri nɛɛ ti tãa tɔ nɛɛ shoo ɓarɛ, ri nɛɛ zi tɔ ka yeti ɓarɛ. Ri nɛɛ gbãayu tɔ ka bii mɛɛ, n nɛɛ masɛ ri tɔ.’

Maraku 3:5

Gnvɔ shaa Yeesɔ, a Yeesɔ shu ri jĩng kɔ shɛ̃ɛning ka bii, ka ruu yuu taarɛnang ɓarɛ. A raa jĩng kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa ɓiɓɛ, naa ɓiɓɛ nwang tɔ̃ɔ kaa tɔkn.

Yɔhana 12:40

“Laa zuu ri jĩng katɔ, a ti zãa yeti ɓarɛ vuu zinang katɔ. Nɛɛ tɔɔ, jĩng ɓarɛ wu zi nɔng kaa takpang Yeti ɓarɛ ti zi vuu kpang. Ka ruu ɓɔɔ, ri nɛɛ gbãayu ka bii ɓiɓɛ, nɛɛ wu ta yuu ɓarɛ ɓɛɛ.”

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Zang Shonang Yeesɔ 3:17

“Rɛɛ manzung, n zi tɔ, vuu ɓɔɔ nɔɔ nɛɛ rɛɛ zang bang manɛ, nɔɔ pálɛ́ Yeesɔ, wu nɛɛ gbã́a kpang.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

Rooma 11:7

Ruu keɓe, kɔɔ ɓu kaa nɛɛ viya? Zang Isirela ri ĩi vuu ɓɔɔ ri kãa ɓɛɛ kpang. Ɓi zang ɓɔɔ Laa zɔ̃ngkɔ rikɔ ri ĩiyi. Zang nimbang ri huuru shoo ɓarɛ katɔ, ri tãa nyaa ɓɔɔ Laa ɓayi ɓarɛ takpang.

Rooma 2:19

Nyaa zaa mɔɔ ka nɔng ɓɔɔ mɔɔ kɔɔyi nɛɛ, Nkɔ zang ɓɔɔ yi zang jĩng ringtang labalang kpang. Mɔɔ nwang naa waa ɓɔɔ yakɛ zang ɓɔɔ ri ka nɔng ɓɔɔ tɔ̀ɔ katɔ nɔng ɓɛɛ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

1 Koranti 2:8

Zang ɓɔɔ kagn gbete, ka teteng zang ɓɔɔ ri roo kpanti ka koo keɓe ɓɔɔ zi zũnang keɓe kagn ɓɛɛ kpang. Naa ri nɛɛ zi katɔ, ri nɛɛ ɓáa Kpanti Yeesɔ Kirisi ɓɔɔ wukɔ ɓa zang bannang piti, naa ka laa kpang.

2 Koranti 3:14

Niizang, yeti ɓarɛ kpãa nyaa vuu zinang katɔ. Vuu ɓɔɔ yirɛ, a nɛɛ mani lɛɛkɔ, zang zùu yeti ɓarɛ doo nɛɛ sɛ̃ɛ fɔ̃ɔrɔ ɓɔɔ Musa zúu yuu ɓiɓɛ nɛɛ mani ɓɛɛ. Ri nɛɛ gã labeenang ɓɔɔ nyaa dannang ɓɔɔ gbaala kagn, ri zi vuu ɓɔɔ kagn ɓɛɛ kpang. Zang nɛɛ raa zang ɓɔɔ dũng kaa Laa tɔ, tɔ̀ɔ, Kirisi wu puu zang sɛ̃ɛ fɔ̃ɔrɔ ɓɔɔ zuu zang jĩng kaɓa kati.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

Galati 4:8

Ɓeleng bɛ̀ɛ́ nɔɔ zi Laa gn kpang, a nɔɔ nwang jaafoo vuu ɓɔɔ ri vuu gãnti kɔ shɛ̃ɛning.

Afisa 2:1

Ɓeleng ka tĩng, bɛ̀ɛ́ nɔɔ nwang manɛ naa zang ɓɔɔ ri vɔlɔ katɔ ɓɛɛ. Ka ruu ɓɔɔ, nɔɔ dũ̀ng nyaa Laa kpang, a nɔɔ ti pálɛ́ vuu shi kpang ɓɛɛ.

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.

Kolosi 1:21

Diki ɓɔɔ kagn bɛ̀ɛ́ nɔɔ ka bii Laa naabm kpang, bɛ̀ɛ́ nɔɔ shing jĩng nɛɛ wu kpang, ka ruu vuu shi kpang ɓɔɔ nɔɔ rɛ̃rɛ a nɔɔ ti pálɛ́ ɓɛɛ.

1 Tesalonika 4:5

Wu ka gbalang dũndũng palɛnang kpang, naa zang ɓɔɔ ri zi Laa kpang ɓɛɛ.

Yahudi 5:2

Zunung ɓɔɔ wu pàlɛ́ zang ɓɔɔ ri zi vuu kpang, a ri ning gbalang kati ɓɛɛ, hakaka kpang. Ka ruu ɓɔɔ palɛ vuu shi kpang ɓi doo katɔ kɔ ɓɛɛ.

Yahudi 9:7

A ɓi kaa kpanti zang ɓɔɔ ri dɔɔ vuu ka Gãa Laa kɔ daa yeti nɔng ɓɔɔ tĩng ka bm, ti daa ɓi doo gbete kɔ nwani ka saa gbete. Daa naa waati kpang, tuu zĩi vuu vaa ɓɔɔ zang yee ɓɛɛ ka naa ning, ɓɔɔ wu a Laa ka ruu vuu shi kpang ɓiɓɛ nɛɛ ka ruu rɛɛ vuu shi kpang zang, ɓɔɔ zang palɛ, ri zi kpang ɓɛɛ.

Yakubu 4:4

Nɔɔ zi kpang nɛɛ naa nɔɔ yi wusang nɛɛ vuu koo keɓe nɔɔ nwang naa zang ɓɔɔ palɛ dũndũng ɓɛɛ kpang ya? Zang keɓe nwang ɓi kaa zang ɓɔɔ gaa nyaa nɛɛ Laa ɓɛɛ. Ka ruu nɔngkɔ, zang ɓɔɔ nɛɛ kasɛ ruu koo keɓe risi yuu ɓiɓɛ kaa zang ɓɔɔ gaa nyaa nɛɛ Laa ɓɛɛ.

1 Bituru 1:14

Ka ruu ɓɔɔ, nɔɔ wujɛ ɓɔɔ ɓaa shoo katɔ ka yee ɓɛɛ. Nɔɔ yaa vuu ɓeleng nɔɔ kasɛ palɛnang bɛ̀ɛ́ nɔɔ zi Ruu Tɔ̃ɔ Laa gn kpang ɓɛɛ ta.

1 Yɔhana 2:11

Zang ɓɔɔ kasɛ ruu ɓeezung kpàng, nwàng ɓi doo ka nɔng ɓɔɔ tɔ̀ɔ katɔ ɓɛɛ. Ra ɓi ka nɔng ɓɔɔ tɔ̀ɔ katɔ ɓɛɛ. Zi nɔng ɓɔɔ wu daa ɓi kpang, ka ruu ɓɔɔ, nɔng ɓɔɔ tɔ̀ɔ katɔ, tɔ̀ɔ wu jĩng katɔ ɓɛɛ.