Afisa 3:5 - Nyaa Shɔɔ Ɓɔɔ Laa a Ɓɛɛ

⁵ Ka tĩng tɛ̃ɛ tɛ̃ɛ, zang tusu rɛɛ shɔnzang vuu ɓɔɔ zang waasɛ katɔ keɓe kpang, a kãntang keɓe Laa nwàngsɛ̀ rɛɛ zang shonang Yeesɔ ɓɔɔ shi kpang ka bii ɓarɛ kpang, nɛɛ rɛɛ zang nyaa shonang ɓiɓɛ tɔ nɛɛ bii Suru ɓiɓɛ.

Afisa 3:5 交叉參考

Matiyu 13:17

N kɔ̀ɔ́ nɔɔ ruu ɓɔɔ niizang kɔ nwani, zang nyaa shonang Laa, nɛɛ zang tɔ̃ɔ dɔɔli, ri gãng jĩng nɛɛ ri zi vuu kɔ nɔɔ zi ɓee, ri zi kpang. Ri ti ɓaa shoo nɛɛ ri tãa vuu kɔ nɔɔ tãa ɓee, ri tãa kpang.

Matiyu 20:7

A zang shonang ri kasɛ wu nyaa tɔɔ, ‘Ka ruu ɓɔɔ, zang ɓɔɔ ɓaa ruu nyaa shonang palɛnang kpang ɓɛɛ.’ A kɔɔ ri tɔɔ, ‘Nɔɔ dita jong nɔɔ daa palɛ shonang ka jaa mɛɛ.’

Matiyu 23:34

Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Luka 10:24

N kɔ̀ɔ́ nɔɔ zang nyaa shonang Laa nɛɛ rɛɛ kpanti, ri kasɛ nɛɛ ri zi vuu kɔ nɔɔ zi ɓee, a ri zi kpang. Ri nɛɛ ri tãa vuu kɔ nɔɔ tãa ɓee, ri ti tãa kpang.”

Luka 11:49

Laa rang yee ka yeti zũnang ɓiɓɛ tɔɔ, ‘N shong ri zang nyaa shonang nɛɛ zang ɓɔɔ n shɛ̃ɛrɛ ri katɔ ɓɛɛ ditɔ. Ri naa nyɔkɔ ɓɔɔ vɔrɔ, ri ti dang ɓɔɔ jĩng.’

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 16:13

Suru keɓe ɓɔɔ wukɔ tusu zang ruu ɓɔɔ niizang ka yuu Laa nɛɛ a tɔ, naa shing nɔɔ, nɔɔ zi vuu ɓɔɔ niizang ɓɛɛ. Rang yee nɛɛ yuu ɓiɓɛ kpang, kɔ̀ɔ́ vuu ɓɔɔ wu tãa nɛɛ nyaa Laa ɓɛɛ, wu ti kɔɔ nɔɔ vuu ɓɔɔ naa a ka knti ɓɛɛ.

Zang Shonang Yeesɔ 10:28

A kɔɔ ri tɔɔ, “Nɔɔ zi tɔ, nyaa dannang zang Yahudi zãa ruu nwannang nɛɛ zang ɓɔɔ ri zang Isirela kpang ɓɛɛ katɔ. Nɛɛ ri ti daa zanti ka gãa ɓarɛ kpang. Laa tusu m, wàasɛ̀ m kpang, tɔ́ɔ, n ɓàa zang ɓɔɔ nɛɛ ri zang shi kpang, kpang.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

1 Koranti 2:10

Laa nwangsɛ rukɔ vuu keɓe nɛɛ naa Suru ɓiɓɛ. Suru Laa zi yeti vuu tɔ nandon dɔ̃ɔ gbete, ti zili rɛɛ vuu ɓɔɔ Laa mang ka yeti ɓiɓɛ tɔ.

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

Afisa 3:9

Ń ti shing zang piti ri zi naa ɓɔɔ zang naa palɛ shonang nɛɛ vuu ɓɔɔ Laa mang ka yeti a wàasɛ̀ zang katɔ ɓɛɛ. Laa ɓɔɔ wukɔ mãa vuu piti wáasɛ́ vuu keɓe doo tɛ̃ɛ tɛ̃ɛ.

2 Bituru 3:2

N kasɛ nɛɛ danggn ruu ɓɔɔ zang nyaa shonang Laa ri kɔɔ ka tĩng doo tɛ̃ɛ tɛ̃ɛ wu ning nɔɔ kpang. Danggn nyaa dannang ɓɔɔ dabang ɓuru Yeesɔ Kirisi, ɓɔɔ wukɔ ta yuu ɓuru kɔɔ zang shonang, ɓɔɔ wu shongko ri ka bii manɛ, nɛɛ ri kɔɔ nɔɔ ɓɛɛ, wu ti ning nɔɔ kpang.

Yahuza 1:17

Rɛɛ masang, danggn vuu ɓɔɔ zang nyaa shonang Yeesɔ Kirisi ri kɔɔ nɔɔ ka tĩng, wu ning nɔɔ kpang.