Zang Shonang Yeesɔ 7:27 - Nyaa Shɔɔ Ɓɔɔ Laa a Ɓɛɛ

²⁷ “Zang ɓɔɔ dang zang gbete jĩng ɓɛɛ, dɔ̃ Musa nɛɛ kaa, a hɛ̃ɛ nɛɛ, ‘Wi shing mɔɔ zang bang, a ɓɔɔ zang ɓɔɔ jɛ̃ɛ ruu rúu wiya?’

Zang Shonang Yeesɔ 7:27 交叉參考

Matiyu 21:23

A Yeesɔ naa daa tɔkn yeti Gãa Laa. Tusu zang vuu kana, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi, ri a ka bii ɓiɓɛ. Ri hɛ̃ɛ wu tɔɔ, “Mɔɔ walɛ naa vuu palɛnang keɓe ka niya? Ɓu wi, a mɔɔ naa vuu keɓe palɛnang wiya?”

Luka 12:14

A Yeesɔ kasɛ wu nyaa tɔɔ, “Masang, ɓu wi shing m zang ɓɔɔ jɛ̃ɛ zang ruu, kɔ zang ɓɔɔ basɛ nɔɔ vuu ɓɛɛ wiya?”

Zang Shonang Yeesɔ 4:7

Zang atɛ Bituru nɛɛ Yɔhana ka tĩng ɓarɛ, a ri hɛ̃ɛ ri tɔɔ, “Nɔɔ walɛ naa vuu palɛnang ka niya nɔɔ palɛ vuu keɓe nɛɛ mani wiya? Nɔɔ palɛ nɛɛ nung wiya?”

Zang Shonang Yeesɔ 5:33

Ɓɔɔ rɛɛ zang ɓɔɔ ri jɛ̃ɛ zang ruu, ri tãa ruu keɓe gnvɔ shaa ri dɔɔli, ri kasɛ nɛɛ ri nyɔ rɛɛ zang shonang Yeesɔ keɓe kaa vɔrɔ.

Zang Shonang Yeesɔ 7:35

“Musa keɓe ɓɔɔ zang Isirela bɛ̃ɛ wu ɓɛɛ kɔ. Ɓɔɔ ri kɔɔ wu tɔ́ɔ, wi shing mɔɔ zang bang, a ɓɔɔ zang ruu jɛ̃ɛnang ka yuu ɓuru wiya ɓɛɛ. Laa shong wukɔ, nɛɛ wu naa nwang zang bang, a ɓɔɔ zang ɓɔɔ ta ri ɓɛɛ nɛɛ bii zang nyaa shonang Laa ɓɔɔ ka lapa ɓɔɔ nwang nyaa ka wu ka jaa laa ɓɔɔ waa shaa ɓɛɛ.

Zang Shonang Yeesɔ 7:39

“A rɛɛ dabang ɓuru ri ɓaa shoo ka nyaa ɓiɓɛ kpang. Ri bɛ̃ɛ wu, ka yeti ɓarɛ, ri kasɛ nɛɛ ri nɛɛ gbãayu ɓarɛ ka Masara.

Zang Shonang Yeesɔ 7:54

Ɓɔɔ zang ɓɔɔ ri jɛ̃ɛ zang ruu, ri tãa vuu ɓɔɔ Istifanu kɔɔ ɓɛɛ, gnvɔ shaa ri, ri shaa tãri.