Zang Shonang Yeesɔ 26:7 - Nyaa Shɔɔ Ɓɔɔ Laa a Ɓɛɛ

⁷ Nyaa ɓɔɔ rɛɛ zɔ̃ng ɓuru kopi tu ziti, ri shing danggn nɛɛ Laa a ri, ka ɓɔɔ ri bang Laa nɛɛ laagɛ̃ nɛɛ zĩi piti ɓɛɛ. Kpanti, ka ruu danggn kɔ n shing ɓee kɔ, zang Yahudi ri kɔɔrɔ ruu shi kpang ka yuu mɛɛ.

Zang Shonang Yeesɔ 26:7 交叉參考

Matiyu 19:28

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, ka diki ɓɔɔ Jaa Shɔnzang naa arɛ, naa nwang ka laa kpanti nɛɛ naa bannang ɓiɓɛ ka koo shɔɔ. Ɓɔɔ nɔɔ dũ̀ng knti mɛɛ, nɔɔ naa nwáng ditɔ jong ka laa nwannang kopi tu ziti. Tɔ̀ɔ nɔ́ɔ jɛ̃̀ɛ zɔ̃ng wujɛ Isirela ɓɔɔ kopi tu ziti ruu kati.

Luka 2:25

Ka diki kaɓa, yɔɔ ɓɔɔ kagn Urushalima, zang ɓaa wu nɛɛ Simiyon. Simiyon zang ɓɔɔ kasɛ Ruu Laa katɔ, a ti ɓaa shoo ka nyaa ɓɔɔ Laa dang ɓɛɛ tɔ̃ɔ tɔ̃ɔ. Bɛɛ Simiyon kaɓa gã ɓi diki ɓɔɔ Laa naa ta yuu zang Isirela ɓɛɛ. Suru Laa ɓi kagn bii ɓiɓɛ.

Luka 22:30

Tɔ̀ɔ, nɔɔ naa shaa vuu shaanang, nɔɔ ti ɓoo nɛɛ n ka nɔng vuu shaanang mɛɛ ka ɓɔɔ n naa roo kpanti ɓɛɛ. N ti shing nɔɔ, nɔɔ nwang ka yuu laa nwannang kpanti, nɔɔ jɛ̃ɛ zang zɔ̃ng Isirela ɓɔɔ kopi tu ziti ruu.

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Zang Shonang Yeesɔ 26:2

“Kpanti Agiripa, n zirɛ nyaating mɛɛ pu dɔɔli, ka ruu ɓɔɔ, n walɛ gbalang n kɔɔ ruu ka yuu vuu piti ɓɔɔ zang Yahudi ri kɔɔrɔ ka yuu mɛɛ ka tĩng ɓaaɓɛ lɛɛkɔ ɓɛɛ.

Zang Shonang Yeesɔ 26:3

Ti nɔngkɔ, ka ruu ɓɔɔ, mɔɔ nɛɛ yuu ɓaaɓɛ mɔɔ zi gbalang zang Yahudi nɛɛ vuu ɓɔɔ ri tusu tɔ nandon ɓɛɛ. Ka ruu nɔngkɔ, n gaa mɔɔ mɔ́ɔ mã danggn, mɔɔ ɓaa shoo ka ruu mɛɛ waasɛ̃.

Zang Shonang Yeesɔ 28:20

N ɓaa nɔɔ nyaa ka ruu ɓiɓɛ kɔ n tɔɔ n rang yee nɛɛ nɔɔ. Ka ruu ɓɔɔ, zang mã m nɛɛ saka keɓe, ka ruu zang ɓɔɔ zang Isirela ri shing gn ka bii ɓiɓɛ kɔ ɓɛɛ.”

Filipi 3:11

Tɔ̀ɔ, Laa nɛɛ kasɛ tɔ, Laa wu wisi m paa jong naa ɓɔɔ wisi wu paa ɓɛɛ.

1 Tesalonika 3:10

Nɛɛ zĩi nɛɛ laagɛ̃ ruu gaa wu nɛɛ yeti ɓuru nandon, nɛɛ wu yàa ruu gbalang jong ruu zi nɔɔ nɛɛ jĩng ɓuru, tɔɔ ruu tusu nɔɔ vuu ɓɔɔ yaa nɔɔ doogn ka danggn ɓɔɔ nɔɔ shing ɓɛɛ.

1 Timoti 5:5

Suvɔ ɓɔɔ ɓi ka bm, zang ɓɔɔ gãng jĩng ka wu kpang shing gn ɓi kaa bii Laa. Gaa Laa nɛɛ zĩi nɛɛ laagɛ̃, nɛɛ Laa wu yi wu naa ka bii.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.