Zang Shonang Yeesɔ 26:29 - Nyaa Shɔɔ Ɓɔɔ Laa a Ɓɛɛ

²⁹ Bulu kasɛ wu nyaa tɔɔ, “Naa nwannang ɓuru bee katɔ kɔ tɔkɔlɔng, n gaa Laa m, n tɔɔ, mɔɔ nɛɛ zang kɔ ri ɓaa shoo, ri tãa m lɛ̀ɛ́kɔ keɓe, ri nwang naa ɓɔɔ n nwang ɓɛɛ nandon. Wu naa ɓɔɔ zang mã m nɛɛ soo saka keɓe kpang.”

Zang Shonang Yeesɔ 26:29 交叉參考

Yɔhana 5:34

N shing gn wu ka yuu vuu ɓɔɔ zang kɔɔ ka yuu mɛɛ kpang. N kɔɔ vuu keɓe, tɔ̀ɔ, nɔɔ ta yuu manɛ kati.

Zang Shonang Yeesɔ 12:6

Nɛɛ zĩi ka diki ɓɔɔ nɔng nɛ́ɛ gãntɛ tɔ, Hiridu nwángsɛ̀ Bituru kaa jĩng zang piti ɓɛɛ, Bituru roo katɔ ka teteng zang ziti ɓɔɔ ri gã wu ɓɛɛ. Zang mã wu nɛɛ saka ziti. Zang ɓɔɔ ri gã sãa ɓɔɔ ri kagn ziti, ka nyaa gãa sãa nɛɛ biling.

Zang Shonang Yeesɔ 21:33

Zang bang sɔɔja bìí daa ka bii Bulu naabm a yi wu. Kɔɔ zang nɛɛ zang ri mã wu nɛɛ soo saka ziti. A hɛ̃ɛ zang nɛɛ, “Yɔɔ keɓe ɓu wiya, á palɛ zang viya?”

Zang Shonang Yeesɔ 25:14

Diki ɓarɛ bee tɔ ka Kayisariya tɔkɔlɔng, a Fesitu kɔɔ kpanti ruu Bulu kati tɔɔ, “Yɔɔ ɓɔɔ kagn Filiku yaa wu ka sãa.

Rooma 10:1

Rɛɛ manzung, n kasɛ ka yeti mɛɛ gbãng gbãng, a n ti gaa Laa ka yuu zang mɛɛ zang Yahudi, nɛɛ Laa wu ta yuu ɓarɛ jong.

1 Koranti 4:8

Nɔɔ wàlɛ̀ vuu ɓɔɔ nɔɔ kasɛ manɛ tɔ nandon. Nɔɔ tuu yuu manɛ nɛɛ nɔɔ manɛ kaa zang ying. Nɔɔ nwáng kpanti tɔ, a rùu ɓuru gn kpanti kpang. Naa nɔɔ nɛ̀ɛ́ kpanti niizang, wukɔ nɛ̀ɛ́ tɔ̃ɔ, ruu nɛɛ roo kpanti kaa nɛɛ nɔɔ ka nyaa zɔɔ.

1 Koranti 7:7

Ka jĩng mɛɛ, naa zang ri gee soro kpang, naa wee n gee kpang ɓee, wukɔ tɔ̃ɔ. A Laa palɛ zang kaa bm bm. A zang ɓɔɔ naa, wu palɛ vuu hn, a ti a zang ɓɔɔ naa, wu palɛ vuu ɓi kaa naa ɓɔɔgn.

2 Koranti 11:1

N zɔ̃ɔrɔ nɔɔ, nɔɔ mã danggn tɔkɔlɔng nɛɛ vuu shoko kɔ n palɛ ɓee. N zi tɔ, nɔɔ mã danggn katɔ.

Afisa 6:20

Zang shong m ka ruu Ruu Tɔ̃ɔ keɓe kɔ, a zang mã m ka sãa. Ka ruu nɔngkɔ, nɔɔ gaa m Laa, wu shingnɛ, n rang yee keɓe naa ɓɔɔ n kasɛ ɓɛɛ, n kaa vɔrɔ kpang.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.