Zang Shonang Yeesɔ 22:25 - Nyaa Shɔɔ Ɓɔɔ Laa a Ɓɛɛ

²⁵ Zang mã wu, zang tɔɔ zang nyɔ wu kaa tɔ, a Bulu hɛ̃ɛ zang bang sɔɔja ɓɔɔ shii ka nɔng naabm tɔɔ, “Nyaa daanang kasɛ tɔ nɛɛ nɔɔ nyɔ zang ɓɔɔ zang Rooma, nɔɔ ti dɔng wu ruu ka takpang ɓɛɛ ya?”

Zang Shonang Yeesɔ 22:25 交叉參考

Matiyu 10:17

Nɔɔ gãng jĩng kagn, ka ruu ɓɔɔ, zang naa yi nɔɔ ditɔ, zang daa nɛɛ nɔɔ ka tĩng zang ɓɔɔ ri jɛ̃ɛ zang ruu ɓɛɛ, ri ti naa nyɔ nɔɔ nɛɛ gbãa ka gãa zɔɔ kpalɛnang ɓarɛ.

Matiyu 27:54

Yɔɔ zang bang sɔɔja, nɛɛ sɔɔja ɓɔɔ ri gãng jĩng ka Yeesɔ, ri zi naa ɓɔɔ tipi ruutu, nɛɛ vuu piti ɓɔɔ palɛ, bii kàa ri vɔrɔ. Ri tɔɔ, “Bɛ̀ɛ́ yɔɔ keɓe, Jaa Laa kɔ niizang.”

Matiyu 8:8

A yɔɔ zang bang sɔɔja naa risi nyaa, kɔɔ Yeesɔ tɔɔ, “Kpanti, n daa naa ɓɔɔ, mɔɔ tuu doo ɓaaɓɛ, mɔɔ a ka gãa mɛɛ kpang. Rang yee kɔ shɛ̃ɛning, bii valɛ zang shonang mɛɛ katɔ.

Zang Shonang Yeesɔ 10:1

Zang bang sɔɔja ɓɔɔ kagn Kayisariya, zang ɓaa wu nɛɛ Koneliyu. Wukɔ zang bang vàá sɔɔja Rooma ɓɔɔ laa maani dakn mangbete, ɓɔɔ ɓi rɛɛ zang Italiya kɔ shɛ̃ɛning kagn ɓɛɛ.

Zang Shonang Yeesɔ 16:37

A Bulu kɔɔ rɛɛ zang ɓɔɔ zang shong ri ɓɛɛ tɔɔ, “Ruu zang Rooma a zang nyɔ ruu nɛɛ gbãa ka jĩng zang piti. Ruu palɛ vuu shi kpang ɓɔɔ kagn kpang, zang ti loo ruu ka sãa. Zang nɛɛ zang yaa ruu naa kaa nɛɛ nwĩiri ya? Ruu daa kpang. Zang bang Rooma bìí ri a ka nihn nɛɛ doo ɓarɛ ri yaa ruu naa.”

Zang Shonang Yeesɔ 22:26

Ɓɔɔ yɔɔ sɔɔja tãa naa weɓe, daa ka bii zang bang ɓarɛ, daa hɛ̃ɛ wu nɛɛ, “Mɔɔ nɛɛ mɔɔ palɛ ɓu viya? Yɔɔ keɓe ɓi zang Rooma.”

Zang Shonang Yeesɔ 23:17

A Bulu ɓaa nyaa ka yɔɔ sɔɔja gbete, kɔɔ wu tɔɔ, “Daa nɛɛ jasang keɓe ka bii zang bang manɛ, daa kɔɔ wu vuu ɓɔɔ kagn.”

Zang Shonang Yeesɔ 23:27

Zang Yahudi ri yí yɔɔ keɓe, bɛ̀ɛ́ ri nɛɛ ri nyɔ wu kaa vɔrɔ. N tãa nyaa nɛɛ wu zang Rooma, a n daa nɛɛ sɔɔja mɛɛ, n daa ta wu nɛɛ naa ɓarɛ.

Zang Shonang Yeesɔ 25:16

A n kɔɔ ri nɛɛ zang Rooma ri palɛ ɓarɛ nɔngkɔ kpang. Ri a zang, zang ɓɔɔ zang ɓaa wu nyaavaa wu waati nɔngkɔ kpang. Ri átɛ̀ ri ɓarɛ gbongkarɛ nɔng gbete nɛɛ zang ɓɔɔ ri ɓaa wu nyaavaa ɓɛɛ. Tɔ̀ɔ, zang yàa wu gbalang wu kɔɔ ruu ka yuu vuu ɓɔɔ zang ɓaa wu nyaavaa kagn ɓɛɛ.

Zang Shonang Yeesɔ 27:1

Zang naa kɔɔ ruu nɛɛ ruu daa tipi Italiya nɛɛ laana, ka ruu nɔngkɔ, zang a Yuliya zang bang sɔɔja Rooma, rɛɛ Bulu nɛɛ zang ɓɔɔ zang mã ri ka sãa ɓɛɛ. Yuliya ɓi ka teteng rɛɛ sɔɔja ɓɔɔ zang ɓaa ri nɛɛ “Sɔɔja Kayisa Agɔsitu ɓɛɛ.”

Zang Shonang Yeesɔ 27:3

Ɓɔɔ nɔng naa gãntɛ, ruu shɛ̃ɛ gari Sidong. Yuliya palɛ Bulu tɔ̃ɔ. Yaa wu nɛɛ wu daa jee rɛɛ ɓeesang nyaa nɛɛ tɔɔ, ri a wu vuu ɓɔɔ wu kasɛ ɓɛɛ.

Zang Shonang Yeesɔ 27:43

Zang bang sɔɔja kasɛ nɛɛ wu ta yuu Bulu, ka ruu nɔngkɔ, zãa ri nɛɛ ri nyɔkɔ zang bìí vɔrɔ kpang. Kɔɔ ɓi katɔ kɔ jong nɛɛ zang ɓɔɔ ri nɛɛ zunung zaa mii waanang tɔ, rikɔ ri gaayu shɔɔnang, ri zaa ka mii, ri waa zaa mii, ri daa nyaa gãnggãng.