Zang Shonang Yeesɔ 20:32 - Nyaa Shɔɔ Ɓɔɔ Laa a Ɓɛɛ

³² “N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 20:32 交叉參考

Kolosi 1:12

Tɔ̀ɔ, nɔ́ɔ dɔ̀ɔ Laa ɓɔɔ wukɔ Daa ɓuru kati, nɔɔ tãa tĩnang. Laa ɓɔɔ shingnɛ nɔɔ dàa naa ɓɔɔ nɔɔ wàlɛ́ vuu jong ka teteng vuu ɓɔɔ wu shing zang ɓiɓɛ ka nɔng ɓɔɔ wu roo kpanti kagn, ɓɔɔ yakɛ ɓi katɔ ɓɛɛ.

Kolosi 3:24

Danggn wu ning nɔɔ kpang, Kpanti Yeesɔ naa sɔ̀ɔrɔ́ nɔɔ doo ditɔ. Naa a nɔɔ vuu ɓɔɔ wu shìng zang ɓiɓɛ katɔ ɓɛɛ ditɔ. Ka ruu ɓɔɔ, ɓi Yeesɔ Kirisi kɔ dabang gãa ɓɔɔ niizang ɓɔɔ nɔɔ pàlɛ́ wu shonang ɓɛɛ.

Afisa 1:14

Suru Laa keɓe kɔ pálɛ̀, Laa á nɔɔ vuu ɓɔɔ Laa a nyaa nɛɛ wu a zang ɓiɓɛ ɓɛɛ. Wukɔ shing zang ɓɔɔ ri ɓarɛ zang Laa ri wɔrɛ dɔ̃ɔ gbete, tɔɔ zang ri dɔɔ bannang Laa kati.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Yahudi 9:15

Ka ruu ruu keɓe kɔ, Kirisi shing tɔ, Laa mã nyaa shɔɔ nɛɛ ruu. Tɔ̀ɔ, zang ɓɔɔ Laa ɓaa ri nyaa, ri walɛ vuu ɓɔɔ Laa a ri nyaa ka yuu ɓiɓɛ ɓɛɛ, gbinggbing. Ka ruu ɓɔɔ, Kirisi ɓɔɔ vɔ tɔ, ta ri tɔ nɛɛ jĩng ɓɔɔ zang nɛɛ dang ri, ka ruu vuu shi kpang ɓɔɔ ri palɛ, bɛ̀ɛ́ ri dũng doo nyaa tĩng shɔɔnang ɓɔɔ Laa mã́ nɛɛ ri ɓɛɛ.

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Kolosi 2:7

Nɔɔ ɓáa saara manɛ ka bii ɓiɓɛ, tɔ̀ɔ, nɔɔ bang kati. Tɔ̀ɔ, nɔɔ shii ka gbãng gbãng ka danggn ɓɔɔ nɔɔ shing ɓɛɛ, naa ɓɔɔ zang tusu nɔɔ ɓɛɛ. Nɔɔ ti zãa Laa ka yeti manɛ diki diki.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Afisa 5:5

Ǹ kàsɛ̀ nɛɛ nɔ́ɔ zi vuu keɓe waasɛ̃. Zang ɓɔɔ palɛ dũndũng, ɓɔɔ rɛ̃rɛnang ɓiɓɛ ti kalang kalang kpang, ɓɔɔ ti shing jĩng ka vuu zang, naa daa nɔng ɓɔɔ Yeesɔ Kirisi roo kpanti kagn nɛɛ Laa ɓɛɛ kpang. Ka ruu ɓɔɔ rɛɛ vuu keɓe dàa wu ka yeti, ɓa ɓɔɔ wu palɛ vuu ɓɔɔ Laa kasɛ ɓɛɛ.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

Zang Shonang Yeesɔ 14:23

Ri nɛɛ shɛ̃ɛrɛ zang ɓɔɔ ri sɔ̀ɔ́ zang ɓɔɔ ri dũng Laa tĩng tɔ, ri seng nyaalaa, ri ti gaa ri Laa. Ri ti gaa Laa ɓɔɔ ri shing danggn ka bii ɓiɓɛ nɛɛ wu yiti rɛɛ zang ɓɔɔ ri dũng wu keɓe waasɛ̃.

Yahudi 10:14

Nɛɛ vuu dɔɔnang ɓɔɔ gbete ɓɔɔ dòndòng keɓe, Kirisi shing tɔ, zang ɓɔɔ zang kɔsɔ ri vuu shi kpang ɓarɛ tɔ, ri nwang tɔ nyaa kiiri.

Yahudi 2:11

Zang ɓɔɔ shingnɛ zang nwang zang tɔ̃ɔ, nɛɛ zang ɓɔɔ zang shing ri, ri nwàng zang tɔ̃ɔ piti, Daa ɓarɛ gbete. Ka ruu nɔngkɔ, yusɛ̃ɛ tuu Yeesɔ ka ɓɔɔ wu ɓaa ri nɛɛ rɛɛ ɓeezung ɓɛɛ kpang.

Zang Shonang Yeesɔ 14:26

Ri váng tonsi nɛɛ nihn, ri gbãayu ka Antakiya, nɔng ɓɔɔ zang gáayú zang gaa ri Laa kagn, nɛɛ wu yiti ri ka ruu shonang kɔ ri pálɛ́ tɔ ɓee ɓɛɛ.

Yɔhana 17:17

Shing ri, ri nwáng zang ɓaaɓɛ ɓɔɔ shi kpang kagn bii ɓarɛ kpang ɓɛɛ, nɛɛ ruu ɓaaɓɛ ɓɔɔ niizang ɓɛɛ. Ruu ɓaaɓɛ ɓi niizang.

Afisa 4:16

Yeesɔ Kirisi kɔ zang bang zang ɓɔɔ ri dũng wu, ɓɔɔ ri nwang kaa naa bii ɓiɓɛ ɓɛɛ. Bii keɓe, Yeesɔ kɔ yiti nɔng gbete, a shing vuu ɓɔɔ ka bii piti ri palɛ shonang tɔ̃ɔ tɔ̃ɔ. Ka ɓɔɔ bii keɓe bangkɛ, wu lakɛ ka naa ɓɔɔ ri kasɛ ruu zɔɔ ɓɛɛ.

Afisa 4:12

Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Zang Shonang Yeesɔ 14:3

Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Yɔhana 15:3

Ruu ɓɔɔ n kɔɔ nɔɔ, a nɔɔ tarɛ ɓɛɛ, shíng nɔɔ manɛ tɔ, vuu shi kpang ɓi tɔ̀ɔ́ kagn bii manɛ kpang.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

Zang Shonang Yeesɔ 15:40

A Bulu tuu ɓi kaa Siila. Ka knti ɓɔɔ zang ɓɔɔ ri shing danggn tɔ ri gàa ri Laa tɔ nɛɛ Laa wu gãng jĩng ka ri, a ri yi gbalang ri daayi.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Maraku 10:17

Yeesɔ yi gbalang daanang ɓiɓɛ tɔ, daa kana, a jaa varɛ ɓɔɔ yurɛ naa tang ka tĩng ɓiɓɛ, a hɛ̃ɛ wu tɔɔ, “Maalang ɓɔɔ tɔ̃ɔ tɔ̃ɔ ɓɛɛ, n palɛ vi tɔ̀ɔ, Laa wu a m suru bii ɓɔɔ waa nyaa kpang viya?”

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

1 Koranti 6:10

Zang ɓɔɔ ri ɓɔ̀ɔ́ shɔngɓɔ, zang ɓɔɔ ri shing jĩng ka vuu zang, zang ɓɔɔ sàa si ri, zang ɓɔɔ ri rangkɛ yee shi kpang ka yuu zang ɓɔɔ, zang ɓɔɔ ri mulu zang, nɛɛ zang piti ɓɔɔ ri palɛ rɛɛ zɔ̃ng vuu shi kpang keɓe, ri daa nɔng ɓɔɔ Laa roo kpanti kpang.