Zang Shonang Yeesɔ 2:42 - Nyaa Shɔɔ Ɓɔɔ Laa a Ɓɛɛ

⁴² Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Zang Shonang Yeesɔ 2:42 交叉參考

Luka 24:30

Nwangnɛ nɛɛ wu shaa kaa vuu shaanang nɛɛ ri. Tuu borodi a gaa Laa, sharɛ a á ri.

Luka 24:35

A zang ziti keɓe kɔɔ ri naa vuu ɓɔɔ palɛ ka gbalang ɓɔɔ ri daa Imawu ɓɛɛ, nɛɛ naa ɓɔɔ Yeesɔ tusu ri yuu ɓiɓɛ ka ɓɔɔ wu shaa borodi ɓɛɛ.

Zang Shonang Yeesɔ 1:14

Ri kpálɛ̀ zɔɔ diki diki, ri gaa Laa nɔng gbete nɛɛ rɛɛ zang soro ɓɔɔ kagn, nɛɛ Marayamu nàá Yeesɔ, nɛɛ rɛɛ jaa nàá Yeesɔ ɓɔɔ varɛ.

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 20:11

Bulu gbãayu ka lapa a shá borodi shaayi. Rang zang yee nɔng gãntɛ nɛɛ mani a yupaa daa ɓi kati.

Zang Shonang Yeesɔ 20:7

Ka Diki Ɔ̃sɔnang nɛɛ laarang, ruu kpalɛ zɔɔ ruu tɔɔ ruu shaa borodi, a Bulu rang zang ɓɔɔ ri kpalɛ ɓɛɛ yee, ka ruu ɓɔɔ tɔɔ nɔng nɛɛ gãntɛ tɔ, wu daa kaa tɔ ɓɛɛ. Rang ri yee sasak gãmbang zĩi a nɛɛ mani.

Zang Shonang Yeesɔ 4:23

Ɓɔɔ zang yáa Bituru nɛɛ Yɔhana naa, ri tantɛ daanang ka bii zang shonang ɓɔɔ nimbang. Ri daa kɔɔ ri vuu ɓɔɔ rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang bang bang zang Yahudi ri kɔɔ ɓɛɛ.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Rooma 12:12

Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

1 Koranti 10:21

Nɔ́ɔ ɓòo vuu ka juwa Kpanti Yeesɔ Kirisi, nɔɔ ti daa ɓóo ɓɔɔ ka juwa suru shi kpang, kpang. Nɔɔ sháa vuu shaanang Kpanti Yeesɔ Kirisi nɔɔ ti daa sháa ɓɔɔ suru shi kpang tɔkn kpang.

1 Koranti 11:2

N dɔ̀ɔ́ nɔɔ ka ruu ɓɔɔ danggn ruu mɛɛ nandon, ning nɔɔ kpang ka vuu piti ɓɛɛ. Nɔɔ ti palɛ vuu naa ɓɔɔ n tùsù nɔɔ katɔ ɓɛɛ.

1 Koranti 14:6

Manzung, ka diki ɓɔɔ n naa a ka nɔng manɛ, naa n ràng nɔɔ yee nɛɛ nyaa ɓɔɔ n kpɛ̃ɛrɛ katɔ kpang, yee mɛɛ yi nɔɔ naa biya ka bii viya? Naa n arɛ, n tusu vuu ɓɔɔ shɔɔ ɓɔɔ Laa tusu m kpang, n ti shing nɔɔ, nɔɔ zi vuu tɔkn gaagaa kpang, naa n kɔɔ nɔɔ ruu ɓɔɔ a nɛɛ bii Laa kpang, a n ti tusu Ruu Laa kpang, ruu mɛɛ yì nɔɔ naa ka bii kpang.

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Filipi 1:5

Ka ruu ɓɔɔ, nɔɔ yì m naa ka bii ka ɓɔɔ n kɔɔrɔ zang Ruu Tɔ̃ɔ Laa ɓɛɛ. Nɔɔ yì m naa kagn ka ɓɔɔ n gáayú ɓɛɛ, à nɛɛ mani kãntang keɓe.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

2 Timoti 3:14

Ɓɔɔ ɓaaɓɛ, dũng ɓaa vuu ɓɔɔ mɔɔ kpɛ̃ɛrɛ a mɔɔ ti shing danggn tɔ kagn gbãng gbãng ɓɛɛ. Mɔɔ ti zi zang ɓɔɔ ri tusu mɔɔ vuu ɓɛɛ tɔ.

Yahudi 10:25

Ruu yaa nɔɔ yuu kpalɛnang nɛɛ zɔɔ kpang, naa ɓɔɔ zang ɓɔɔ ri kɔng bii yaarɛnang ɓɛɛ. Ruu mã nɔɔ zɔɔ danggn ruu ti mã nɔɔ zɔɔ kaa gbãng gbãng, ka wee ruu zi tɔ, diki ɓɔɔ Yeesɔ gbãayu kagn, a naabm kana ɓee.

Yahudi 10:39

A rùu ɓuru kaa tɔ̀ɔ́ ka teteng zang ɓɔɔ ri gɔ̃ bii nɛɛ knti, ri shaarɛ ɓɛɛ kpang. Ruu ɓuru ka teteng zang ɓɔɔ ri shing danggn, a Laa wu ta yuu ɓarɛ ɓɛɛ.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.