Zang Shonang Yeesɔ 2:3 - Nyaa Shɔɔ Ɓɔɔ Laa a Ɓɛɛ

³ A ri zi vuu naa rĩiti waa, baa nɔng, a leere zang ɓɔɔ ri ka nɔng piti ka yuu.

Zang Shonang Yeesɔ 2:3 交叉參考

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Matiyu 3:15

A Yeesɔ kasɛ wu nyaa tɔɔ, “Pàlɛ̀ m gbã̀ágbãa, tɔ̀ɔ vuu ɓɔɔ Kpanti Laa kɔɔyi, wu ɓee nyaa kati.” A Yɔhana naa kasɛ, palɛ Yeesɔ batizima kati.

Luka 24:32

Ri kɔɔ zɔɔ nɛɛ, “Ɓasi ka gbalang ɓɔɔ rang yee nɛɛ ruu, a ti nwangsɛ ruu dĩiri ruu vuu ɓɔɔ labeenang Laa kɔɔ ɓɛɛ, ruu tãa tĩnang ka yeti ɓuru dɔɔli.”

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 2:11

A ɓɔɔ zang Karita, nɛɛ zang Yahudi. Ruu tãayi ri kɔɔrɔ vuu bang bang ɓɔɔ Laa palɛ nɛɛ nyaa zang gãa ɓuru.”

Zang Shonang Yeesɔ 2:2

A ri tãa yee nwang nɛɛ lapa naa jasung bang rarɛ, a naa baa yeti gãa ɓɔɔ ri nwang kagn ɓɛɛ.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

1 Koranti 12:10

Zang ɓɔɔ zang a ri naa, ri palɛ vuu ɓɔɔ zang zirɛ zang mã naa ka danggn ɓɛɛ. Zang ɓɔɔ zang a wu ɓi naa, nɛɛ wu kɔɔ vuu ɓɔɔ Laa tusu wu ɓɛɛ. Zang ɓɔɔ zang a ri ɓarɛ naa, ri zi vuu ɓɔɔ a nɛɛ bii Suru Laa, nɛɛ ɓɔɔ a nɛɛ bii Suru Laa kpang ɓɛɛ. Zang ɓɔɔ zang a ri naa, ri rang nyaa ɓɔɔ ri kpɛ̃ɛrɛ katɔ kpang ɓɛɛ. Zang ɓɔɔ zang a ri ɓarɛ naa, ri kɔɔ zang dĩiri nyaa kaɓa.

Yakubu 3:6

Rĩiti nwang naa waa. Ka teteng vuu ɓɔɔ ka bii ɓuru piti, shi kpang nwangnɛ bii rĩiti kɔ. Zɔɔ bii nimbang keɓe nɛɛ zɔ̃pɔ ɓiɓɛ. Lasɛ nwannang zang ka koo keɓe nɛɛ waa ɓiɓɛ ɓɔɔ nwangnɛ nɔng waa ɓɔɔ ning ɓi jong kpang ɓɛɛ.

Vuu ɓɔɔ zang nwangsɛ Yɔhana 11:3

N shong zang mɛɛ ziti ɓɔɔ ri daa kɔɔ zang ruu ka yuu mɛɛ ɓɛɛ. Ri naa hã̀lɛ́ fɔ̃ɔrɔ ɓɔɔ zang ɓɔɔ ri kaa nyavɔ ri hã̀lɛ́ ɓɛɛ. N a ri naa ri kɔɔ zang ruu ka yuu mɛɛ diki labang gbete tu laa maani dakn ziti, tu laa taati.”

Vuu ɓɔɔ zang nwangsɛ Yɔhana 14:6

A n zi zang nyaa shonang Laa ɓɔɔ ka lapa ɓɛɛ ɓɔɔgn, tãa ka lapa. Atɛ Ruu Tɔ̃ɔ Laa ɓɔɔ di nyaa kpang ɓɛɛ, ɓɔɔ wu naa daa kɔɔrɔ zang ɓɔɔ ri nwang ka koo ɓɛɛ, nɛɛ zɔ̃ng zang piti, nɛɛ nɔng piti ka koo, a ɓɔɔ zang ɓɔɔ ri rangkɛ nyaa ka bm bm ɓɛɛ.