Zang Shonang Yeesɔ 16:26 - Nyaa Shɔɔ Ɓɔɔ Laa a Ɓɛɛ

²⁶ A tipi tantɛ ruutunang, a zĩiti gãa daa nɔng ka doo ɓiɓɛ ɓɔɔ zang loo ka tipi ɓɛɛ. Nyaa gãa ri tantɛ pulunang, a soo saka ɓɔɔ zang mãlɛ zang ɓɔɔ zang looro ri ka sãa nɛɛ mani tɛ̃ɛ nandon, yaa ri naa.

Zang Shonang Yeesɔ 16:26 交叉參考

Matiyu 28:2

A tipi ruutunang ɓɔɔ bang ruutu, ka ruu ɓɔɔ, zang nyaa shonang Laa ɓɔɔ ka lapa shooro, daa ka nɔng yuu sàa, a jĩiri tari ɓɔɔ zang ku nyaa sàa nɛɛ mani, nwang ka yuu ɓiɓɛ ɓɛɛ.

Zang Shonang Yeesɔ 12:10

Ri ɓa zang ɓɔɔ ri gã sãa ɓɔɔ tĩng shɔɔnang, ri ti naa ɓa ɓɔɔ tɔkn. Ri naa a ka nyaa gãa saka ɓɔɔ zang ɓa kaa wukɔ, zang daa ka yeti gari ɓɛɛ. Nyaa gãa bii puu nɛɛ yuu ɓiɓɛ, a ri nwang ka biling. Ri yi gbalang sasak, ri a ka nɔng ɓɔɔ gbalang bang keɓe waa nyaa ɓɛɛ, a zang nyaa shonang Laa ɓɔɔ ka lapa ɓɛɛ, tantɛ wu kaa yaanang.

Zang Shonang Yeesɔ 12:7

Zang nyaa shonang Laa ɓɔɔ ka lapa ɓɛɛ, nwang nyaa ka yeti sãa. Shiiyi, a yeti sãa yakɛ kaa gbayi gbayi. Zang nyaa shonang Laa bìí zĩiti Bituru ka nyaa zãngzãng a hingsi wu. Kɔɔ wu tɔɔ, “Yupaa pati.” Soo saka ɓɔɔ zang mãlɛ naa Bituru nɛɛ mani tantɛ tɛ̃ɛnang ka tipi.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 5:19

Nɛɛ zĩi zang nyaa shonang Laa ɓɔɔ ka lapa arɛ naa puu nyaa sãa, a nwangsɛ ri ka biling. A kɔɔ ri tɔɔ,

Vuu ɓɔɔ zang nwangsɛ Yɔhana 11:13

Nyaa kɔ doo naa ɓee, tipi ruutu nabm, a naa zang basɛ gari bang kaɓa tìng kopi, tìng gbete ka teteng ɓarɛ jirɛ. A tipi ɓɔɔ ruutu ɓee nyɔ shɔnzang labang manziti. A zang ɓɔɔ ri yaa knti, bii kaa ri vɔrɔ dɔɔli, a ri dɔɔ Laa ɓɔɔ ka lapa ɓɛɛ kati.

Vuu ɓɔɔ zang nwangsɛ Yɔhana 6:12

A ɓɔɔ Jaa Mɛɛrɛ tãa lang ɓɔɔ daa kaa mangbete, n zirɛ tipi ruutu gbãng gbãng, a làa risi kaa vĩiri kɔngkɔng naa fɔ̃ɔrɔ vĩiri ɓɔɔ zang palɛ nɛɛ suuyuu ɓɛɛ, a shala raa kaa nwɛ̃ɛri naa zĩi.