Zang Shonang Yeesɔ 13:25 - Nyaa Shɔɔ Ɓɔɔ Laa a Ɓɛɛ

²⁵ Ɓɔɔ bɛ̀ɛ́ Yɔhana hangsɛ shonang ɓiɓɛ ɓi kaa tɔ, hɛ̃ɛ zang tɔɔ, ‘Nɔɔ kɔɔ ɓu nɛɛ nkɔ wiya? Wu nkɔ zang kaɓa ɓɔɔ nɔɔ gã wu ɓɛɛ kpang. Zang ɓɔɔ a doo naa ka knti mɛɛ ɓɔɔ n daa naa ɓɔɔ n kãlɛ soo koodoo ɓiɓɛ kpang ɓɛɛ.’

Zang Shonang Yeesɔ 13:25 交叉參考

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Maraku 1:7

Kɔɔ zang tɔɔ “Zang ɓɔɔ a ka knti mɛɛ ɓa m katɔ nɛɛ bannang. N daa naa ɓɔɔ n sɔ̃ ka tĩng ɓiɓɛ, n kãlɛ soo koodoo ɓiɓɛ kpang.

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 1:34

N ti naa zi nɔngkɔ nɛɛ jĩng mɛɛ, ka ruu nɔngkɔ, n kɔ̀ɔ nɔɔ nɛɛ yɔɔ keɓe Jaa Laa, bìí kɔ.”

Yɔhana 1:36

a zi Yeesɔ rakɛ. A Yɔhana kɔɔyi tɔɔ, “Nɔɔ zirɛ, Jaa Mɛ̀ɛrɛ́ Laa kaɓa.”

Yɔhana 4:34

Yeesɔ kɔɔ ri tɔɔ, “Vuu shaanang mɛɛ ɓi palɛnang vuu ɓɔɔ zang ɓɔɔ shong m kasɛ ɓɛɛ, ń ti hangsɛ shonang ɓɔɔ wu a m ɓɛɛ.

Yɔhana 7:18

Zang ɓɔɔ rang yee ɓɔɔ yuu ɓiɓɛ, kã̀á ɓi yuu ɓiɓɛ bannang. Zang ɓɔɔ kã̀á zang ɓɔɔ shong wu bannang, ɓi zang ɓɔɔ palɛ vuu ɓɔɔ niizang ɓɛɛ. Nwáarɛ̀ zang ɓi kpang.

Zang Shonang Yeesɔ 13:36

“Dawuda ka diki ɓiɓɛ pàlɛ́ zang ɓiɓɛ shonang naa ɓɔɔ Laa kasɛ ɓɛɛ. Vɔrɛ, a zang gbãa wu ka sàá rɛɛ dabang ɓiɓɛ, a vɔrɔ ɓiɓɛ pũngnɛ.

Zang Shonang Yeesɔ 19:4

Bulu kɔɔ ri tɔɔ, “Batizima Yɔhana ɓi ɓɔ̀ɔ́ zang ɓɔɔ ri kɔ̃sɔ yeti ɓɛɛ. A kɔɔ zang nɛɛ ri shing danggn ka bii zang ɓɔɔ a ka knti ɓiɓɛ ɓɛɛ. Zang keɓe wukɔ Yeesɔ.”

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

2 Timoti 4:7

N yuu m tɔ waasɛ̃ n yurɛ n daa hangsɛ nyaa. N yaa danggn ɓɔɔ n shing ka bii Laa ɓɛɛ kpang.

Vuu ɓɔɔ zang nwangsɛ Yɔhana 11:7

Ri nɛɛ hangsɛ Ruu Laa kɔɔnang tɔ, yɔpɔ jĩngti ɓɔɔ shaa varɛ dɔɔli, ɓɔɔ nwangnɛ yeti too ɓɔɔ dii kagn kpang, wu naa ta sĩiri nɛɛ ri. Naa ɓa ri kaka, wu nyɔkɔ ri vɔrɔ.