Zang Shonang Yeesɔ 12:6 - Nyaa Shɔɔ Ɓɔɔ Laa a Ɓɛɛ

⁶ Nɛɛ zĩi ka diki ɓɔɔ nɔng nɛ́ɛ gãntɛ tɔ, Hiridu nwángsɛ̀ Bituru kaa jĩng zang piti ɓɛɛ, Bituru roo katɔ ka teteng zang ziti ɓɔɔ ri gã wu ɓɛɛ. Zang mã wu nɛɛ saka ziti. Zang ɓɔɔ ri gã sãa ɓɔɔ ri kagn ziti, ka nyaa gãa sãa nɛɛ biling.

Zang Shonang Yeesɔ 12:6 交叉參考

Matiyu 28:4

Sɔɔja ɓɔɔ ri gãng jĩng ka yuu saa, ri kaa vɔrɔ ɓiɓɛ, bii ɓarɛ mãrɛ, ri nwang kaa naa zang ɓɔɔ ri vɔ katɔ ɓɛɛ.

Zang Shonang Yeesɔ 12:5

Ka ruu nɔngkɔ, ya Bituru ka sãa ka nɔngkɔ. A zang ɓɔɔ ri dũng Laa, ri ti gàá Laa ɓi kana gbãng gbãng ka ruu Bituru.

Zang Shonang Yeesɔ 21:33

Zang bang sɔɔja bìí daa ka bii Bulu naabm a yi wu. Kɔɔ zang nɛɛ zang ri mã wu nɛɛ soo saka ziti. A hɛ̃ɛ zang nɛɛ, “Yɔɔ keɓe ɓu wiya, á palɛ zang viya?”

Zang Shonang Yeesɔ 28:20

N ɓaa nɔɔ nyaa ka ruu ɓiɓɛ kɔ n tɔɔ n rang yee nɛɛ nɔɔ. Ka ruu ɓɔɔ, zang mã m nɛɛ saka keɓe, ka ruu zang ɓɔɔ zang Isirela ri shing gn ka bii ɓiɓɛ kɔ ɓɛɛ.”

Zang Shonang Yeesɔ 5:23

Ri kɔɔyi tɔɔ, “Ɓɔɔ ruu daa ka sãa, ruu ĩi nyaa gãa kulu katɔ gbatagbata. Zang ɓɔɔ ri gã sãa bii ri shiiri ka nyaa gãa. A ɓɔɔ ruu puu nyaa gãa, ruu ĩi zang ɓɔɔ kaa tɔ̀ɔ́ yeti sãa kpang.”

Afisa 6:20

Zang shong m ka ruu Ruu Tɔ̃ɔ keɓe kɔ, a zang mã m ka sãa. Ka ruu nɔngkɔ, nɔɔ gaa m Laa, wu shingnɛ, n rang yee keɓe naa ɓɔɔ n kasɛ ɓɛɛ, n kaa vɔrɔ kpang.

2 Timoti 1:16

Kpanti Yeesɔ Kirisi wu palɛ Onɛsiforu nɛɛ zang gãa ɓiɓɛ tɔ̃ɔ, ka ruu ɓɔɔ, lée ka ɓɔɔ wu yi m naa ka bii diki diki kpang ɓɛɛ. Yusɛ̃ɛ ɓɔɔ zang mã m ka sãa tuu wu kpang.

Yahudi 13:6

Ka ruu nɔngkɔ, rùu kɔɔ katɔ, nyaa zaa ruu kpang nɛɛ, “Kpanti Laa wukɔ yi m naa ka bii, n kaa vɔrɔ kpang, shɔnzang pálɛ̀ m viya?”