24 Ruu Laa ti bàa nɔng ɓi kana daa kana nɛɛ tĩng.
Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.
Rɛɛ manzung ɓuru, n hangsɛ ruu kaa nɛɛ ruu keɓe. Nɔɔ gàá Ruu Laa, tɔ̀ɔ, Ruu Tɔ̃ɔ Kpanti Yeesɔ wu bàa nɔng piti piti, wu daa nɛɛ tĩng kɔ sasak. Zang ri a ruu bii bannang, naa ɓɔɔ nɔɔ a ruu bii bannang ɓɛɛ.
Ka ruu nɔngkɔ, Ruu Laa daa nɛɛ tĩng, a ti baa nɔng nandon.
N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.
Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.
Laa yi ri naa kagn, ka ruu nɔngkɔ, zang dɔɔli ri shing danggn, a ri nwang kaa zang Laa.
Nɛɛ à nɛɛ bii Laa, nɔɔ zunung ɓɔɔ nɔɔ zãa ri palɛnang kpang. Naa nɔɔ zãa ri naa nwang ɓi kaa naa nɔɔ gaa nyaa manɛ nɛɛ Laa.”
