Zang Shonang Yeesɔ 1:11 - Nyaa Shɔɔ Ɓɔɔ Laa a Ɓɛɛ

¹¹ Zang varɛ ziti keɓe kɔɔ ri tɔɔ, “Zang tipi Galili, nɔɔ shiiri ka ruu vi nɔɔ pɛ̃ɛrɛ lapa viya? Yeesɔ kɔ zang tuu wu, zang daa nɛɛ wu ka lapa ɓee, naa gbãayu doo naa ɓɔɔ nɔɔ zi wu daa ɓɛɛ kɔ.”

Zang Shonang Yeesɔ 1:11 交叉參考

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Matiyu 24:30

“Tɔ̀ɔ zang naa zi vuu ɓɔɔ zang zirɛ zang mã naa ka danggn ka lapa ɓɔɔ tusu zang nɛɛ n ɓɔɔ n Jaa Shɔnzang n a kana ɓɛɛ. Zɔ̃ng zang ɓɔɔ ka koo keɓe piti, ri naa kaa ditɔ. Ri ti naa zi m kati, ka ɓɔɔ n a ka yeti sãmbong nɛɛ naa vuu palɛnang mɛɛ, nɛɛ bannang mɛɛ ɓɛɛ.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Maraku 13:26

Tɔ̀ɔ, zang naa zi Jaa Shɔnzang kati ka ɓɔɔ wu a ka yeti sãmbong, nɛɛ naa vuu palɛnang ɓiɓɛ, nɛɛ bannang ɓiɓɛ ɓɛɛ.

Maraku 14:70

A Bituru ti laa nyaa tɔkn. Laa nɛɛ tɔ wu ɓa tɔkɔlɔng, zang ɓɔɔ ri shiiri ka nɔng kaɓa, ti kɔɔ Bituru tɔɔ, “Mɔɔ doo zang ɓarɛ kɔ niizang, ka ruu ɓɔɔ, mɔɔ zang tipi Galili ɓɛɛ.”

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Luka 21:27

Tɔ̀ɔ, zang zi Jaa Shɔnzang kati, ka ɓɔɔ wu a nɛɛ lapa ka yeti sãmbong ɓɛɛ nɛɛ naa vuu palɛnang, a ɓɔɔ bannang ɓiɓɛ ɓɛɛ.

Luka 24:5

Zang soro keɓe ri kaa vɔrɔ dɔɔli, a ri ɓaa yuu ka dii. A zang varɛ bìí ri hɛ̃ɛ ri nɛɛ, “Ka ruu vi nɔɔ kãa zang ɓɔɔ Suru kagn bii ɓiɓɛ ka nɔng ɓɔɔ zang gbãa vɔrɔ viya?

Yɔhana 14:3

N nɛɛ daa tɔ, n nɛɛ daa shĩili nɔng tɔ, n gbãayu kati. Ń naa see nɔɔ, nɔ́ɔ daa nwáng nɛɛ n, ka nɔng ɓɔɔ n kagn ɓɛɛ.

Zang Shonang Yeesɔ 1:2

à nɛɛ mani ka diki ɓɔɔ Laa tuu wu daa nɛɛ wu ka lapa ɓɛɛ. Ɓɔɔ bɛ̀ɛ́ daa lapa gn kpang, Suru Laa yi wu naa ka bii, a rang rɛɛ zang ɓɔɔ wu shɛ̃ɛrɛ ri nɛɛ ri nwang zang ɓɔɔ wu shong ri ɓɛɛ yee.

Zang Shonang Yeesɔ 1:22

Gaayu nɛɛ diki ɓɔɔ Yɔhana pàlɛ̀ zang batizima kagn, a nɛɛ mani ka diki ɓɔɔ zang tuu Yeesɔ nɛɛ teteng ɓuru zang daa nɛɛ wu ka lapa ɓɛɛ. Wu ti nwang zang gbete ka teteng ɓuru ɓɔɔ naa kɔɔ zang naa ɓɔɔ Laa wisi Yeesɔ paa nɛɛ saa ɓɛɛ.”

Zang Shonang Yeesɔ 1:9

Kɔɔ ruu keɓe tɔ, a Laa tuu wu kati daa kaa nɛɛ wu ka lapa. Ri pɛ̃ɛrɛ wu nɛɛ jĩng. A sãmbong ɓɔɔ arɛ naa zuu wu, ri zi wu takpang.

Zang Shonang Yeesɔ 13:31

Nwálɛ́ nyaa diki dɔɔli ka bii rɛɛ zang ɓɔɔ ri a nɛɛ wu nɛɛ Galili, ri a ka Urushalima ɓɛɛ. Rikɔ kɔɔ zang vuu keɓe.

Zang Shonang Yeesɔ 2:7

Ri mã naa ka danggn, a ri kɔɔyi nɛɛ, “Zang kɔ ri rang yee ɓee, ɓu bɛ̀ɛ zang tipi Galili kɔ nandon kpang ya?

Zang Shonang Yeesɔ 3:12

Ɓɔɔ Bituru zi zang, kɔɔ ri tɔɔ, “Rɛɛ manzung, zang Isirela nɔɔ mã naa ka danggn ka ruu vuu keɓe ka ruu viya, a nɔɔ tɛ̃ɛ rùu jĩ́ng ka bii nɔngkɔ viya? Nɔɔ kɔɔ nɛɛ ruu masɛ yɔɔ keɓe nɛɛ naa vuu palɛnang yuu ɓuru, kɔ́ ka ruu vuu tɔ̃ɔ ɓɔɔ ruu pálɛ̀ Laa ɓɛɛ ya?

Zang Shonang Yeesɔ 3:21

Yeesɔ keɓe nwang doo ka lapa ka gbongkarɛ diki ɓɔɔ Laa naa risi vuu piti, wu raa kaa naa ɓɔɔ tĩng shɔɔnang tɔkn, wu a nɛɛ mani. Diki ɓɔɔ Laa kɔɔ nɛɛ nyaa zang nyaa shonang ɓiɓɛ, ɓɔɔ ri pálɛ̀ vuu shi kpang ɓarɛ kpang, ɓɔɔ ri nwang doo ka tĩng tɛ̃ɛ tɛ̃ɛ ɓɛɛ.

1 Tesalonika 1:10

A ri ti kɔ̀ɔ ruu nɛɛ nɔɔ gã Jaa ɓiɓɛ wu a nɛɛ lapa, Jaa ɓiɓɛ Yeesɔ ɓɔɔ wu wisi paa nɛɛ sàa ɓɛɛ, a naa tá yuu ɓuru ka laa ɓɔɔ Laa naa jɛ̃ɛ zang ɓɔɔ wu lasɛ yeti nɛɛ ri ka ruu vuu shi kpang ɓɔɔ ri palɛ ruu ɓɛɛ.

1 Tesalonika 4:16

Laa naa mɛɛ nyaa nabm, a zang bang rɛɛ zang nyaa shonang Laa ɓɔɔ ri ka lapa ɓɛɛ, naa rang yee, a zang ri tãa yee vuukãng ɓɔɔ Laa jee ɓɛɛ. Tɔ̀ɔ, Kpanti Yeesɔ nɛɛ yuu ɓiɓɛ wu naa shooro kaa nɛɛ lapa zang ɓɔɔ ri shing danggn tɔ ka bii Yeesɔ a ri vɔlɔ ɓɛɛ, rikɔ yupaa ningkãari shɔɔnang.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.