2 Timoti 1:6 - Nyaa Shɔɔ Ɓɔɔ Laa a Ɓɛɛ

⁶ Ka ruu nɔngkɔ, n kpàá mɔɔ danggn, mɔɔ palɛ shonang nɛɛ vuu ɓɔɔ Laa a mɔɔ ka ɓɔɔ n shìng mɔɔ naa ka yuu ɓɛɛ.

2 Timoti 1:6 交叉參考

Luka 19:13

Ɓɔɔ wu daa gn kpang, a ɓaa nyaa ka zang shonang ɓiɓɛ kopi, a ri pã́ng gbete gbete, kɔɔ ri tɔɔ, ‘Nɔɔ palɛ shonang ɓɔɔ nɔɔ walɛ ɓɔ̀ɔ́gn nɛɛ mani ka yuu weɓe, n gbãayu nɛɛ mani.’

Zang Shonang Yeesɔ 19:6

Bulu shĩili ri naa ɓiɓɛ ka yuu, a Suru Laa a kaa bii ɓarɛ. A ri gaayu yee rannang kaa nɛɛ nyaa ɓɔɔgn. Ri kɔɔrɔ zang Ruu Laa.

Zang Shonang Yeesɔ 6:6

Zang atɛ ri ka bii rɛɛ zang shonang Yeesɔ. Rɛɛ zang shonang Yeesɔ ri shĩili ri naa ka yuu, a ri ti gaa ri Laa.

1 Tesalonika 5:19

Nɔ́ɔ nɔɔ Suru Laa gbalang shonang ɓiɓɛ palɛnang kpang.

1 Timoti 4:14

Palɛ shonang nɛɛ vuu ɓɔɔ Suru Laa a mɔɔ ɓɛɛ, mɔɔ yaa kpang. Ɓɔɔ wu a mɔɔ ka ɓɔɔ zang nyaa shonang ri rang yee, a zang bang Gãa Laa ri shìng mɔɔ naa ka yuu ɓɛɛ.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

2 Timoti 2:14

Kpaa rɛɛ zang ɓaaɓɛ danggn vuu keɓe, mɔɔ ti shaarɛ ri nyaa gbãng gbãng ka tĩng Laa, nɛɛ ri gaa nyaa ka yuu ruu kpang. Nwàng zang vuu ɓɔɔ tɔ̃ɔ ɓi kpang, lasɛ zang ɓɔɔ ri tãa ɓɛɛ ɓarɛ katɔ kɔ shɛ̃ɛning.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Yahudi 6:2

Nɛɛ vuu tusunang, ka yuu batizima, nɛɛ naa shinnang ka yuu zang, nɛɛ naa ɓɔɔ zang wisi zang paa nɛɛ sàa ɓɛɛ, nɛɛ ɓɔɔ ruu ɓɔɔ Laa naa jɛ̃ɛ zang, ka ɓɔɔ koo naa waa nyaa ɓɛɛ.

2 Bituru 1:12

Ka ruu nɔngkɔ, n kpàarɛ́ nɔɔ danggn rɛɛ vuu keɓe dòo nɛɛ mani ka wee nɔɔ zi ri tɔ, a nɔɔ ti shii tɔ gbãng gbãng ka yuu ruu niizang kɔ nɔɔ ta ɓee.

2 Bituru 3:1

Masang, ɓɔɔ n kasɛ ruu manɛ dɔɔli ɓɛɛ, n bèé nɔɔ labeenang daa kaa nɛɛ weɓe doo ziti. Ka yeti labeenang ziti keɓe, n kpàa nɔɔ danggn rɛɛ vuu ɓɔɔ bɛ̀ɛ́ nɔɔ zi tɔ ɓɛɛ, tɔ̀ɔ, wu shing nɔɔ, nɔɔ rɛ̃rɛ kaa tɔ̃ɔ ka yuu rɛɛ vuu keɓe.

Yahuza 1:5

Ruu kɔ n tɔɔ n kɔ̀ɔ́ nɔɔ ɓee, nɔɔ zi tɔ. N tɔɔ n kpaa nɔɔ m danggn kaa naa ɓɔɔ Laa ta yuu zang Isirela nɛɛ tipi Masara ɓɛɛ, a nɛɛ knti naa ningsi zang ɓɔɔ ka teteng ɓarɛ ɓɔɔ ri shing danggn ka bii ɓiɓɛ kpang ɓɛɛ.