2 Yɔhana 1:9 - Nyaa Shɔɔ Ɓɔɔ Laa a Ɓɛɛ

⁹ Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.

2 Yɔhana 1:9 交叉參考

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Luka 10:22

“Daa mɛɛ a m vuu piti tɔ ka naa. A zang ɓɔɔ zi Jaa kagn gbete kpang. Daa kɔ zi wu gbete. Zang ɓɔɔ ti zi Daa kagn gbete kpang, Jaa kɔ zi wu gbete nɛɛ shɔnzang piti ɓɔɔ Jaa kasɛ nɛɛ wu tusu wu Daa ɓɛɛ.”

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 15:6

Zang ɓɔɔ nɛɛ nwang nɛɛ n kpang, zang kaɓa nwang naa nasãng ɓɔɔ zang tásɛ̀, wu tɔɔrɔ ɓɛɛ. Zang kpalɛ nasãng ɓɔɔ naa weɓe zang vang ka waa, waa wu shaa ri.

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

Yɔhana 8:31

Yeesɔ kɔɔ zang Yahudi ɓɔɔ ri shing danggn tɔ, ka bii ɓiɓɛ nɛɛ, “Nɔɔ nɛɛ yiti ruu kɔ n tusu nɔɔ ɓee gbãng gbãng, nɔɔ zang ɓɔɔ ri mantɛ vuu ka bii mɛɛ ɓɔɔ niizang kɔ.

Zang Shonang Yeesɔ 2:42

Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

Titu 2:10

Ri ɓɔ̀ɔ vuu dabang gãa ɓarɛ kpang. Ri tusu diki diki nɛɛ ri zang tɔ̃ɔ ɓɔɔ zang shing gn katɔ ka bii ɓarɛ ɓɛɛ. Tɔ̀ɔ, vuu piti ɓɔɔ ri palɛ, wu shingnɛ, zang ri rang yee tɔ̃ɔ kaa yuu vuu kɔ ruu tusu ka yuu Laa, ɓɔɔ wukɔ ta yuu ɓuru ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 6:1

Ka ruu nɔngkɔ, ruu ɓa nɔɔ vuu tĩng shɔɔnang ɓɔɔ zang tusu ruu ka yuu Kirisi ɓɛɛ, ruu kpɛ̃ɛrɛ kaa vuu ɓɔɔ kpãa katɔ ɓɛɛ, tɔ̀ɔ, ruu zũng danggn kati. Ruu gàa nɔɔ yuu tusunang tɔkn nɛɛ, zang ri kɔ̃sɔ yeti, zang yaa vuu shi kpang palɛnang ɓɔɔ raa zang vɔrɔ, zang ri shing danggn ka bii Laa ɓɛɛ kpang.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

3 Yɔhana 1:9

N bèe nɔɔ ɓɔɔ nɔɔ dũng Laa labeenang ɓɔɔ kagn, a Diyotirifi ɓɔɔ tuu yuu ɓiɓɛ nɛɛ wukɔ bang, kasɛ nɛɛ wu ɓaa shoo ka yee ɓɔɔ n bèe nɔɔ kpang.