1 Timoti 4:12 - Nyaa Shɔɔ Ɓɔɔ Laa a Ɓɛɛ

¹² Mɔ́ɔ yaa zang ɓɔɔ wu risi mɔɔ naa vĩi, ka ruu ɓɔɔ, mɔɔ doo jasang ɓɛɛ kpang. Nwang ɓaa zang ɓɔɔ, zang ɓɔɔ ri dũng Laa ri kpɛ̃ɛrɛ́ vuu ka bii ɓaaɓɛ ɓɛɛ. Ri kpɛ̃ɛrɛ vuu ka yee ɓɔɔ mɔɔ rang ɓɛɛ, nɛɛ vuu ɓɔɔ mɔɔ palɛ, nɛɛ naa ɓɔɔ mɔɔ kasɛ zang ɓɛɛ, ka danggn ɓɔɔ mɔɔ shing ɓɛɛ, a ɓɔɔ kaa nwannang tɔ̃ɔ ɓaaɓɛ.

1 Timoti 4:12 交叉參考

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

1 Koranti 11:1

Nɔɔ palɛ vuu doo naa ɓɔɔ n pálɛ̀ ɓɛɛ kɔ. Naa ɓɔɔ n palɛ naa ɓɔɔ Kirisi pálɛ́ ɓɛɛ.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

1 Tesalonika 2:10

Nɔ̀ɔ nɛɛ Laa, nɔɔ zi naa ɓɔɔ ruu nwang nɛɛ nɔɔ ɓɔɔ nɔɔ dũng Laa ɓɛɛ tɔ. Ka nwannang ɓuru, ruu mang shi kpang ka yeti ɓuru kpang, ruu nwàng tɔ̃ɔ. Zang ɓɔɔ kagn teteng manɛ ɓɔɔ ri kɔɔyi nɛɛ ruu pálɛ̀ vuu shi kpang kagn kpang.

1 Timoti 1:14

a kpanti ɓuru Yeesɔ Kirisi pàlɛ̀ m tɔ̃ɔ ɓiɓɛ ɓɔɔ bang dɔɔli ɓɛɛ. A tɔ̃ɔ ɓiɓɛ shingnɛ, n shing danggn ka bii ɓiɓɛ, a n ti kàsɛ́ zang ɓɔɔ ri dũng doo Laa kɔ ɓɛɛ. Vuu keɓe ɓi ɓɔɔ ɓuru piti, ɓɔɔ ruu ɓakɛ zɔɔ tɔ nɛɛ Yeesɔ Kirisi ɓɛɛ.

2 Timoti 2:15

Pálɛ́ vuu ɓɔɔ mɔɔ zunung katɔ nandon, tɔ̀ɔ, mɔɔ nwang zang ɓɔɔ Laa kɔɔ ruu tɔ̃ɔ tɔ ka yuu ɓiɓɛ kati. Zang shonang ɓɔɔ yusɛ̃ɛ shonang ɓiɓɛ tuu wu kpang ɓɛɛ. Zang ɓɔɔ nwàngsɛ́ zang dĩiri Ruu Laa tɔ̃ɔ tɔ̃ɔ ɓɛɛ.

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

2 Timoti 2:7

Rɛ̃rɛ ka yuu vuu kɔ n kɔɔ mɔɔ ɓee waasɛ̃, ka ruu ɓɔɔ, Laa a mɔɔ gbalang ditɔ mɔɔ zi vuu ɓɔɔ kagn ɓɛɛ nandon.

Titu 2:15

Tusu zang vuu keɓe. Pálɛ́ shonang nɛɛ naa vuu palɛnang ɓaaɓɛ nandon, mɔ́ɔ mã̀ zang ɓaaɓɛ danggn. Mɔɔ ti mangkɛ ri. Mɔɔ yaa zang ɓɔɔ wu risi mɔɔ naa vĩi kpang.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.

Yakubu 3:13

Ɓu wi zũng dɔɔli, a ti zi vuu dɔɔli ka teteng manɛ wiya? Wu palɛ vuu ɓɔɔ tɔ̃ɔ wu ti lakɛ jĩng kpang, tɔɔ zang zi zũnang ɓiɓɛ kati.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

1 Bituru 5:3

Nɔ́ɔ pálɛ̀ zang ɓɔɔ Laa a nɔɔ ri ka naa, nɛɛ nɔ́ɔ gãng jĩng ka ri nɛɛ kaka kpang. Nɔɔ nwang nwannang ɓɔɔ ri zirɛ, ri dũng ɓɛɛ kɔ jong.