1 Bituru 2:21 - Nyaa Shɔɔ Ɓɔɔ Laa a Ɓɛɛ

²¹ Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.

1 Bituru 2:21 交叉參考

Matiyu 10:38

Zang ɓɔɔ nɛɛ kasɛ nɛɛ wu dang jĩng ka ruu mɛɛ kpang, daa naa ɓɔɔ wu dũng m kpang.

Matiyu 11:29

Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Matiyu 16:24

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Luka 24:26

Nɔɔ zi kpang nɛɛ Kirisi dang jĩng vuu keɓe ka gbongkarɛ, tɔ̀ɔ, zang a wu bannang ɓiɓɛ kpang ya?”

Yɔhana 13:15

N tusu nɔɔ naa tɔ, nɔɔ palɛ vuu kɔ n pàlɛ̀ nɔɔ ɓee doo nɔngkɔ.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 17:3

A kɔɔ ri nɛɛ Kirisi dàng jĩng gbongkarɛ, tɔ̀ɔ, wu naa yupaa nɛɛ saa. Bulu kɔɔ ri nɛɛ, “Yeesɔ kɔ n kɔ̀ɔ́ nɔɔ ruu ɓiɓɛ ɓee, wukɔ Kirisi.”

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

1 Koranti 11:1

Nɔɔ palɛ vuu doo naa ɓɔɔ n pálɛ̀ ɓɛɛ kɔ. Naa ɓɔɔ n palɛ naa ɓɔɔ Kirisi pálɛ́ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Filipi 2:5

Rɛ̃rɛnang ɓɔɔ nɔɔ rɛ̃rɛ ka yeti manɛ wu nwang naa ɓɔɔ Yeesɔ Kirisi rɛ̃rɛ ɓɛɛ.

1 Tesalonika 3:3

Tɔ̀ɔ, zang ɓɔɔ wu yaa danggn ɓɔɔ wu shing ka bii Kirisi ka ruu jĩng ɓɔɔ zang dang nɔɔ ɓɛɛ. Nɔɔ nɛɛ yuu manɛ, nɔɔ zi tɔ nɛɛ Laa kɔ mang ka yeti ɓiɓɛ nɛɛ zang dang ruu jĩng.

1 Tesalonika 4:2

Nɔɔ zi nyaa ɓɔɔ ruu kɔ̀ɔ nɔɔ nɛɛ naa ɓɔɔ Kpanti Yeesɔ a ruu ɓɛɛ tɔ, naa ɓɔɔ nɔɔ nwang ɓɛɛ.

2 Timoti 3:12

Zang piti ɓɔɔ nɛɛ kasɛ wu nwang zang ɓɔɔ dũng Laa gbãng gbãng ka ɓɔɔ wu ɓakɛ yuu nɛɛ Yeesɔ Kirisi, zang dang wu jĩng katɔ.

Yahudi 2:10

Daa naa katɔ, Laa ɓɔɔ vuu piti nwang ka ruu ɓiɓɛ kɔ, a wukɔ ti mã̀a vuu piti ɓɛɛ, wu shing Yeesɔ wu nwang nyaa kiiri nɛɛ jĩng ɓɔɔ wu dang ɓɛɛ. Tɔ̀ɔ, wu atɛ wujɛ ɓiɓɛ ri wàlɛ̀ bannang, ka ruu ɓɔɔ Yeesɔ kɔ sɔɔ ri tĩng, zang daa ta yuu ɓarɛ ɓɛɛ.

1 Bituru 1:20

Ɓɔɔ bɛ̀ɛ́ Laa mãa koo gn kpang, Laa zɔ̃ng Yeesɔ Kirisi nɛɛ wu ta yuu zang nɔngkɔ. A kãntang keɓe, ka wee koo waa nyaa kaa tɔ ɓee, Laa nwangsɛ wu, ka ruu manɛ kɔ.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

1 Bituru 4:1

Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.

1 Bituru 4:13

Nɔ́ɔ tãa tĩnang kɔ jong, ka ruu ɓɔɔ nɔɔ kpalɛ yuu manɛ doo ka jĩng dannang ɓɔɔ Kirisi dang ɓɛɛ kɔ. Ka ruu ɓɔɔ, ka diki ɓɔɔ zang nɛɛ tusu bannang ɓiɓɛ tɔ, nɔɔ tãa tĩnang kaa dɔɔli.

1 Yɔhana 2:6

Zang ɓɔɔ nɛɛ tɔɔ, wu zang Yeesɔ Kirisi nwang dòo naa ɓɔɔ Yeesɔ Kirisi nwáng ɓɛɛ kɔ.

1 Yɔhana 3:16

Yeesɔ Kirisi tusu ruu, rúu zang kasɛnang ka ɓɔɔ wu mãlɛ́ bii ɓiɓɛ ka ruu ɓuru ɓɛɛ. Ka ruu nɔngkɔ, ruu mãlɛ́ bii ɓuru ta jong ka ruu manzung ɓuru.

Vuu ɓɔɔ zang nwangsɛ Yɔhana 12:11

Ri ti ɓa wu yuu tɔ, nɛɛ naa vuu palɛnang zĩi Jaa Mɛ̀ɛrɛ́, a ɓɔɔ ka ruu ruu ɓiɓɛ ɓɔɔ ri kɔɔyi nɛɛ ɓi niizang ɓɛɛ. Ri ti kasɛ tɔ nɛɛ ri vɔrɛ ka ruu ɓiɓɛ.