1 Bituru 1:8 - Nyaa Shɔɔ Ɓɔɔ Laa a Ɓɛɛ

⁸ Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.

1 Bituru 1:8 交叉參考

Matiyu 10:37

“Shɔnzang ɓɔɔ kasɛ ruu diiɓɛ, kɔ niiɓɛ, ɓá ɓɔɔ wu kasɛ m katɔ, daa naa ɓɔɔ wu dũng m kpang. Zang ɓɔɔ ti kasɛ ruu jaa ɓiɓɛ ɓɔɔ varɛ kɔ ɓɔɔ soro, ɓá ɓɔɔ wu kasɛ m, daa naa ɓɔɔ wu dũng m kpang.

Yɔhana 14:15

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Yɔhana 14:21

“Zang ɓɔɔ nɛɛ tà rɛɛ nyaa ɓɔɔ n dang ɓɛɛ, nɛɛ ti dũngnɛ, wukɔ kasɛ ruu mɛɛ. Zang ɓɔɔ nɛɛ kasɛ ruu mɛɛ, Daa mɛɛ kàsɛ́ wu katɔ. N ti kàsɛ́ wu katɔ, n ti nwàngsɛ́ wu bii mɛɛ.”

Yɔhana 14:24

Zang ɓɔɔ nɛɛ kasɛ m kpang dũ̀ng vuu ɓɔɔ n tusu ɓɛɛ kpang. Rúu kɔ nɔɔ tã̀á ɓee, ɓi ɓɔɔ yuu mɛɛ kpang, ɓi ɓɔɔ Daa ɓɔɔ shong m ɓɛɛ.

Yɔhana 16:22

Ɓɔɔ manɛ nwáng doo nɔngkɔ, kãntang keɓe, yeti manɛ lasɛ dòo katɔ. N a ditɔ ka bii manɛ tɔkn, nɔɔ naa tãa tĩnang ditɔ ka yeti manɛ dɔɔli. Zang ɓɔɔ zunung ɓɔɔ wu nwangsɛ tĩnang keɓe nɛɛ yeti manɛ kpang.

Yɔhana 20:29

Yeesɔ kɔɔ wu tɔɔ, “Mɔɔ shing danggn kaa ruu ɓɔɔ mɔɔ zi m tɔ ɓɛɛ ya? Tĩnang tãanang ɓi ɓɔɔ zang ɓɔɔ ri zi m kpang, ri shing danggn doo nɛɛ mani ɓɛɛ.”

Yɔhana 8:42

Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.

Zang Shonang Yeesɔ 16:34

A see Bulu nɛɛ Siila daa nɛɛ ri ka gãa ɓiɓɛ. Daa a ri vuu shaanang nɛɛ ri shaayi. Wu nɛɛ zang ɓɔɔ ka gãa ɓiɓɛ nandon, ri tãa tĩnang dɔɔli, ka ruu ɓɔɔ, ri shing danggn tɔ, ka bìí Laa ɓɛɛ.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

1 Koranti 16:22

Zang ɓɔɔ nɛɛ kagn ɓɔɔ kasɛ ruu Kpanti Yeesɔ Kirisi kpang, Laa wu shingnɛ wu shaarɛ dòndòng. Kpanti ɓuru Yeesɔ Kirisi, a ta.

2 Koranti 1:22

Shing vuu ka bii ɓuru, tɔ̀ɔ, zang ri zi kaa gn nɛɛ rùu ɓɔɔ ɓiɓɛ. A á ruu Suru ɓiɓɛ tɔ ka yeti, tɔ̀ɔ, ruu zi kaa gn nɛɛ naa á ruu vuu ɓɔɔ wu shing ruu katɔ ɓɛɛ ditɔ nandon.

2 Koranti 4:18

Ka ruu ɓɔɔ, ruu shing jĩng ɓuru ka vuu ɓɔɔ zang zì nɛɛ jĩng ɓɛɛ kpang. Ruu shing jĩng ɓuru ka vuu ɓɔɔ zang zi nɛɛ jĩng kpang ɓɛɛ. Vuu ɓɔɔ zang zì nɛɛ jĩng, nwang ɓi sasak kpang, ɓi vuu ɓɔɔ zang zi nɛɛ jĩng kpang kɔ nwang dòndòng.

2 Koranti 5:7

Ka ruu ɓɔɔ, nwannang ɓuru ɓi vuu danggn shinnang, wu vuu ɓɔɔ zang zi nɛɛ jĩng kpang.

2 Koranti 9:15

Ruu zãa Laa ka ruu vuu ɓɔɔ wu a ruu ɓɛɛ, vuu ɓɔɔ zang ɓɔɔ zunung ɓɔɔ wu gãsɛ kpang ɓɛɛ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Afisa 3:19

Nɔ́ɔ ti zi zang kasɛnang kɔ ɓa naa ɓɔɔ zang zi dĩiri ɓiɓɛ katɔ ɓee. Tɔ̀ɔ, vuu piti wu nwang kaa bii manɛ nyaa kiiri.

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

Filipi 1:25

Nn, nɔngkɔ niizang, ka ruu nɔngkɔ, n nwang kaa nɛɛ nɔɔ ka koo keɓe. N nwang nɛɛ nɔɔ tɔ̀ɔ, ń yi nɔɔ naa kaa bii, nɔɔ shing danggn kaa gbãng gbãng. Nɔɔ ti tãa tĩnang kaa dɔɔli.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 4:4

Nɔɔ ɓɔɔ nɔɔ ɓakɛ yuu tɔ nɛɛ Kirisi ɓɛɛ, nɔɔ tãa tĩnang diki diki. N paasɛ nɔɔ kɔɔnang tɔkn, nɔɔ tãa tĩnang.

Yahudi 11:1

Danggn shinnang ɓi vuu ɓɔɔ ka yeti ɓuru ɓɔɔ tusu ruu nɛɛ ruu naa walɛ vuu ɓɔɔ ruu shing gn ɓiɓɛ katɔ. Wukɔ shingnɛ vuu ɓɔɔ ruu zi gn kãntang keɓe kpang, wu nwang naa ruu zi katɔ ɓɛɛ.

Yahudi 11:27

Danggn shinnang shing wu a yaa Masara, kaa vɔrɔ gnvɔ ɓɔɔ naa shàá kpanti kpang. Mã danggn daayi, naa zang ɓɔɔ zi Laa ɓɔɔ shɔnzang ri zi wu ɓarɛ kpang ɓɛɛ.

1 Bituru 1:6

Ka ruu nɔngkɔ, nɔɔ tãa tĩnang ta ka ruu rɛɛ vuu kɔ Laa palɛ ɓee. Kãntang keɓe, yeti manɛ lasɛ katɔ, ka ruu ɓɔɔ, zang gãsɛ nɔɔ nɛɛ vuu gãsɛnang ka zɔ̃ng zɔ̃ng ɓɛɛ. Nɔɔ ti zi tɔ, diki ɓɔɔ zang gãsɛ nɔɔ kagn keɓe bée kpang.

1 Bituru 2:7

Ɓɔɔ nɔɔ shing danggn tɔ, Yeesɔ kɔ ɓa vuu piti ka jĩng manɛ. Zang ɓɔɔ ri shing danggn ka bii ɓiɓɛ kpang ri naa zirɛ, “Tari ɓɔɔ zang ɓɔɔ ri mãa gãa ri bɛ̃ɛyi, wukɔ naa ràa tari ɓɔɔ yiti gãa kati.”

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.