1 Yɔhana 5:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

1 Yɔhana 5:10 交叉參考

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 3:18

Zang piti ɓɔɔ nɛɛ shing danggn ka bii Jaa, zang jɛ̃ɛ wu ruu ɓi kpang. Zang ɓɔɔ nɛɛ shing danggn ka bii Jaa kpang, zang dɔng wu ruu ɓi tɔ. Ka ruu ɓɔɔ shing danggn ka bii Jaa gbete Laa kpang ɓɛɛ.

Yɔhana 3:33

Zang ɓɔɔ nɛɛ ta rúu ɓiɓɛ, tusu zang tɔ, nɛɛ vuu ɓɔɔ Laa kɔɔ ɓɛɛ ɓi niizang.

Yɔhana 5:38

Ruu ɓiɓɛ ti kagn yeti manɛ kpang, ka ruu ɓɔɔ, nɔɔ shing danggn ka zang ɓɔɔ wu shong ɓɛɛ kpang ɓɛɛ.

Zang Shonang Yeesɔ 8:37

[Filibu kɔɔ wu tɔɔ, “Naa mɔɔ shing danggn ka bii Laa nɛɛ yeti ɓaaɓɛ nandon, n palɛ mɔɔ batizima katɔ.” Yɔɔ kasɛ wu nyaa tɔɔ, “N shing danggn tɔ, nɛɛ Yeesɔ Kirisi wukɔ Jaa Laa.”]

Rooma 8:16

Suru Laa ɓakɛ zɔɔ nɛɛ suru bii ɓuru ri kɔɔyi nɛɛ, ruu wujɛ Laa.

Galati 4:1

Vuu ɓɔɔ n tɔ́ɔ̀ n kɔɔ keɓe. Naa jaa ɓɔɔ naa shaa vuu vɔ diiɓɛ doo jaa tɔkɔlɔng, zang palɛ wu naa jaafoo. Naa doo ka wee zang zi tɔ nɛɛ vuu piti ɓi ɓɔ̀ɔ́ ɓiɓɛ kɔ ɓee.

Galati 4:6

Ka ruu ɓɔɔ, nɔɔ wujɛ ɓiɓɛ, Laa shong nyaa nɛɛ Suru Jaa ɓiɓɛ, nɛɛ wu nwang ka yeti manɛ. Suru ɓɔɔ kaarɛ nyaa nɛɛ, “Daa mɛɛ, Daa mɛɛ,” ɓɛɛ.

Kolosi 3:3

Ka ruu ɓɔɔ, nwàng ɓi naa ɓɔɔ nɔɔ vɔ tɔ, a suru bii manɛ ɓɔɔ kãntang zang waasɛ ka bii Kirisi ɓɔɔ wu ka bii Laa ɓɛɛ.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

2 Bituru 1:19

Ka ruu nɔngkɔ, ruu zi tɔ nɛɛ, rúu ɓɔɔ zang nyaa shonang Laa ri kɔ̀ɔrɔ̀, ɓi niizang kɔ nwani. Naa nɔɔ ɓaa shoo ka ruu keɓe waasɛ̃, wukɔ tɔ̃ɔ, ka ruu ɓɔɔ, ruu kaɓa nwàng naa waa zàáng sɔ̀ɔ ɓɔɔ yakɛ ka nɔng ɓɔɔ tɔ̀ɔ katɔ, nɔng gãntɛ nɛɛ mani ɓɛɛ. Ka diki keɓe, ɓɔɔ Kirisi ɓɔɔ wukɔ sang yuu gãndi naa arɛ, nɔɔ naa zi vuu piti kaa wukɔ gbayi gbayi.

1 Yɔhana 1:10

Naa ruu laa nyaa nɛɛ, ruu pálɛ̀ vuu ɓɔɔ shi kpang ɓuru gngn kpang, ruu ɓaa kaa Laa kɔ sèé jong. Rúu ɓiɓɛ kagn yeti ɓuru kpang.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

Vuu ɓɔɔ zang nwangsɛ Yɔhana 12:17

Ka ruu nɔngkɔ, gnvɔ shaa sɔkɔ bang nɛɛ jaa soro kaɓa dɔɔli. Daayi nɛɛ wu daa ta sĩiri nɛɛ rɛɛ zɔ̃ng jaa soro kaɓa, ɓɔɔ ri nandon ri palɛ ɓarɛ vuu ɓɔɔ Laa kasɛ ɓɛɛ, ɓɔɔ ri ti shing danggn tɔ, ka ruu ɓɔɔ, niizang ɓɔɔ Yeesɔ Kirisi tùsù ri ɓɛɛ.

Vuu ɓɔɔ zang nwangsɛ Yɔhana 2:17

Zang ɓɔɔ shoo ɓiɓɛ nɛɛ kagn, wu ɓaayi, wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ. Zang piti ɓɔɔ nɛɛ ɓa vuu gãsɛnang yuu, n á wu vuu shaanang ɓɔɔ zang ɓaa nɛɛ maanaa ɓɔɔ zang waasɛ katɔ ɓɛɛ. N ti á wu tari ɓɔɔ kagn puru nɛɛ nung shɔɔ ɓɔɔ zang bee ka yuu tari bìí. Zang ɓɔɔ zi nung bìí kpang ɓi zang ɓɔɔ tarɛ kɔ zi shɛ̃ɛning.”

Vuu ɓɔɔ zang nwangsɛ Yɔhana 2:28

N ti naa a zang ɓɔɔ ɓa vuu gãsɛnang yuu, sang ɓɔɔ yakɛ nɔng nɛɛ yuu gãndi ɓɛɛ.