Matiu 15:6 - Laulau na Vinalu mine Salemo

⁶ Io a bibi iodo ei ni ma damutaletale lei e tamana ue tinana. Me amutou vei ve ei kubaana. Moni na inigogona ieli amutou taupuipui a inade mine Salemo me amutou beilange a inigogona amutou guale maino ne tubutubune amutou.

Matiu 15:6 交叉參考

Matiu 15:5

Moni amutou adeade maido, ‘Mane a bibi tasa ei isa a vatu ue sei golu mina buloine tamana ue tinana, moni ei vei le sulu, eau vilealesi iede mina biliine Salemo.’

Matiu 15:7

Amutou a vanua na aualana. Profet e Aisaia ei veipale sele a inigogona mine amutou na ilala ei vei maido,

Malongolongona Kubaana mine Iesu Mak ei niage 7:13

Maido me amutou ogomuli a inigogona amutou guale maino ne sou selebuobuo, me amutou toebose a inade mine Salemo. Me amutou goli a matamatana inigogona makuba maido.”

Laulau Pol ei niage usino ne sou e Rom 3:31

Mane eitou vei ve a silimulina ei a munugana golu, nane eitou vei ve binea ei a golu sabubu, io? Boa vuso sele! Eitou goli a binea i muina sagali.

1 Timoti 5:16

Mane a tavine tasa, ei silimuli e Krais, me ei isa a buasasu sou ino na luma minei, de a tavine iodo ei ni iteale kube sou. Ei ni ma bilii ete a mavaana mina itealene sou usino na viepiluna kinaka. Maido me sou a viepiluna kinaka sou mapigogoi ne sou iteale a buasasu sou malu vululu moni.

1 Timoti 5:8

Mane a bibi tasa ei ma iteale ete sou a mautune ei me sou a abuna minei bilesi, io a bibi iedo ei lametasesi a silimulina minei. Vanunua sou ma isa oto a silimulina sou tamai ma goligoli ete a matana inigogona pagu maido.