Matiu 10:2 - Laulau na Vinalu mine Salemo

² Aisaisa ne sou a aposel savulu tasa timana lua ei maido, munugana e Saimon, ei isa a aisana tasa lou e Pita, me tasine ei e Andru. Me Iemus natune Sebedi, pilu e tasine ei e Ioanes.

Matiu 10:2 交叉參考

Matiu 17:1

Malada pantasa i pulosi, Iesu ei guale Pita me Iemus pilu e tasina e Ioanes, me sou moni asu usino na loena tasa i oata oto. Me sou moni muine sou.

Matiu 20:20

Mulimuli tinane natatune Sebedi pilu e natuna lua, sou asuale Iesu. Me ei totopatulu mei tagi e Iesu a golu tasa.

Matiu 26:37

Ei guale Pita pilu e natune Sebedi lua usino pilu e ei. Ma lilona i mavaa, mei somiale i gegeli sele.

Matiu 4:18

Na ilala Iesu ei asuasu na lili na nanu e Galili, ei ite tametasi lua, Saimon, sou tole e Pita, me tasina e Andru. Su langelange a vuo na pou na nanu. Pipigona ne sulu ei a nilangena vuo.

Matiu 4:21

Iesu ei asu sapa lou, mei ite tametasi lua lou, e Iemus, natune Sebedi pilu e tasina e Ioanes. Su ino na bot pilu e tamane sulu, e Sebedi me sou toekubekube a vuo mine sou i maututu. De Iesu ei toleale sulu.

Malongolongona Kubaana mine Iesu Mak ei niage 1:29

Iesu pilu e sou a disaipel sou asutase a luma na kinaka do me sou gali usala, me sou asu bilesi usino na luma mine Saimon me Andru. Me Iemus me Ioanes sulu tamai asu pilu.

Malongolongona Kubaana mine Iesu Mak ei niage 13:3

Iesu ei ugu mina loena e Oliv mei ite a luma mine Salemo ino nado. Me Pita me Iemus me Ioanes me Andru sou moni sou asu usino ne ei. Me sou tagi e ei maido,

Malongolongona Kubaana mine Iesu Mak ei niage 6:30

Sou a aposel sou veteliu me sou viepili pilu e Iesu. Me sou mapamuli a pipigona sou goli, me a inadenade vuso sou bilii e sou a vanunua ma tavivine.

Malongolongona Kubaana mine Iesu Luk ei niage 11:49

“Maido me a bilesina damutatalana mine Salemo i vei maido, ‘Eau na peltase sou a profet me sou a aposel usino ne sou, me sou a vanunua ne sou toegegeli sanii mine sou, me ne sou valipute sanii ne sou.’

Malongolongona Kubaana mine Iesu Luk ei niage 22:14

Ilala mina inani ei paleasi, me Iesu ei ugu, me sou a aposel sou pilu e ei.

Malongolongona Kubaana mine Iesu Luk ei niage 22:8

Maido me Iesu ei peltase Pita me Ioanes, me ei vei le sulu maido, “Amulu asu mu masusulu a gona inani mine eitou na malada buo.”

Malongolongona Kubaana mine Iesu Luk ei niage 5:10

Tamaine Saimon e Iemus pilu e Ioanes, natune Sebedi, sulu tamai su saga. Iesu ei vei le Saimon maido, “Oo ma laelae lou. Mulimuli oo no lapuale vanunua ma tavivine usinani minau.”

Malongolongona Kubaana mine Iesu Luk ei niage 9:10

Me sou a aposel sou veteliu, me sou vei le Iesu a golugolu vuso sou goli. Me Iesu i guale sou, me sou ilisi me sou moni sou asu usino ne Betsaida.

Ioanes 12:22

Io Pilip asu me ei vei le Andru. Me Andru pilu e Pilip sulu asu me su vei le Iesu.

Ioanes 13:23

Me a disaipel tasa Iesu ei kale mamai sele do, ei vaitole Iesu.

Ioanes 20:2

Maido me ei vele vauta usino ne Saimon Pita me a disaipel tasa Iesu ei kale mamai sele do, mei vei le sulu maido, “Sou taulelesi e Bibi Taula na muina minate, amiteu ma muada oto i, sei avena sou tau e ei.”

Ioanes 21:2

Saimon Pita me Tomas, aisana tasa e Didimus, me Nataniel mina aubu buobuo e Kana ne Galili, me natune Sebedi lua, ma disaipel lua mine Iesu, sou ino pilu.

Ioanes 21:20

Pita ei sauvule me ei ite a disaipel Iesu ei kale mamai sele do, ei ogomuli e sulu. A bibi iedo lisa na malada sou aaniani, ei tau a letena agavuale a madalone Iesu me ei tagi e ei maido, “Bibi Taula, sei ni tau e oo na limane sou a butu?”

Ioanes 21:24

Ede a disaipel iedo moni, ei ademuada a golugolu iedo mei niage a inade iedo. Me eitou muada, a inade ei veimuade i iodo ei patotona.

Ioanes 6:67

Maido me Iesu ei tagi e sou a disaipel savulu tasa timana lua maido, “Amutou tamai mu kale namutou ilisitase eau, io?”

Ioanes 6:70

Iesu ei adeliu ane sou maido, “Eau oto eau vileale amutou a disaipel savulu tasa timana lua. Moni tasa balivua ne amutou ei a bibi pagu tomane e Satan.”

Ioanes 6:71

Ei ade e Iudas, natune Saimon Iskariot. Ei tasa mine sou a disaipel savulu tasa timana lua, moni mulimuli ei bilii e Iesu usino na limane sou a vanunua sou kale ne so valipute ei.

Ioanes 6:8

Disaipel tasa minei, aisana Andru, tasine Saimon Pita, ei vei le Iesu maido,

Aposel 1:13

Sou asu ulilo na aubu buobuo do, me sou gali ulilo na vilo oata sou ugugu i. Aisa ne sou ie, Pita, Ioanes, Iemus, Andru, Pilip, Tomas, Batolomu, Matiu, Iemus natune Alpius, me Saimon ei a bibi mina abuna mine Selot, me Iudas ei e natune Iemus.

Aposel 1:26

Io me sou lange a vatu mina vilealena, ma vatu mine Matias i palea. Maidolo me sou guale ei ni pilu e sou a aposel savulu tasa timana tasa.

Aposel 12:2

Ei vei le sou ne sou valipute e Iemus a viso, ei e tuane Ioanes.

Aposel 3:1

Na malada tasa Pita pilu e Ioanes su asu usino na luma mine Salemo na matailala tolu na lavilavi, ei a matailala na kinaka.

1 Korin 15:7

Me mulimuli ei palea le Iemus, me mulimuli lou ei palea le sou a aposel vuso.

Epesus 4:11

Me Krais moni ei bilii a niabi vuso maido, mina vanua sanii ei bilii a pipigona aposel, me mina vanua sanii ei bilii a pipigona profet, me mine sanii ei bilii a pipigona mina veimuadena malongolongona kubaana, me mine sanii ei bilii a pipigona mina itealalena viepiluna kinaka, ma pipigona mina matetengina.

Hibru 3:1

Maolona Tamtamaigu, Salemo ei ino na langi i toleale amutou tamai muata na langi. Maido me namutou damutatala iiti e Iesu odo, ei a Aposel mine eitou ma Mapana Prist eitou silimulimuli e ei me eitou veipalele a aisane ei.

1 Pita 1:1

Eau e Pita, a aposel mine Iesu Krais, eau niage a laulau li usino ne amutou a vanunua ma tavivine Salemo i vileale, amutou malu maisabasaba mina avena ne Pontus, Galesia, Kapadosia, Esia me Bitinia tomane a mosimosi.

2 Pita 1:1

Eau e Saimon Pita, eau a bibi na pipigona ma aposel mine Iesu Krais, ei e Salemo mine eitou, me ei e Bibi na gualeliune eitou. Eau niage a inade ieli usino ne amutou a vanunua ma tavivine amutou guale a silimulina ei kubaana sele. Na inigogona bilesi mine Iesu Krais, silimulina mine amutou i palea tasa moni tomane a silimulina mine amiteu.

2 Ioanes 1:1

Eau a bibi buo mina viepiluna kinaka eau niage a laulau li usino ne oo a tavine pilu e natatumu. Salemo ei vileale oo minei oto, me eau kale ivu sele amutou. Eau moni boa, vanunua ma tavivine vuso sou muada a inade ivu sou tamai kale sele amutou.

3 Ioanes 1:1

Eau a bibi buo mina viepiluna kinaka eau niage a laulau li usino ne oo, Gaius, oo tamaigu ivu. Patotona eau kale sele oo.

Inade i Ovu 1:1

Iesu Krais ei veimuade a inade i ovu. Salemo ei maite a inade li usino ne Iesu ni maite e sou a vanua na pipigona minei a golugolu ei ni palea asi. Iesu peltase a bineanea minei ni bilii a inade li usino ne Ioanes a bibi na pipigona minei.

Inade i Ovu 1:9

Eau e Ioanes, tamaine amutou. Eau tamai eau guale a mavaana ma davutina tomane amutou, eau magitalitali a niitealalena mine Salemo. Eau malongo a inade mine Salemo, mea veimuade e Iesu. Vuna moni ieli, sou peltaselele eau me sou tau e eau na lolopatipati iedo sou tole e Patmos.

Inade i Ovu 18:20

Oo a langi pilu a vanunua ma tavivine mine Salemo, me amutou a aposel me amutou a profet, amutou vuso namutou mongemonge a golu seidei ei palea na aubu buobuo do. Salemo ei maliuosi a inigogona pagu vuso a aubu buobuo do ei goli le amutou.’”

Inade i Ovu 22:8

Eau e Ioanes, eau longe a inade do me eau ite a golugolu sou odo. Eau longesi mea itesi, io eau totopatulu agavuale a ubuna bineanea ei maite eau a golugolu odo, mea kale na totopatuliale ei.