Malongolongona Kubaana mine Iesu Luk ei niage 6:21 - Laulau na Vinalu mine Salemo

²¹ Amutou a abuna eili mu vitolo seidei, namutou mongemonge, vuna mulimuli namutou masu. Amutou a abuna seidei amutou tangitangi, namutou mongemonge, vuna mulimuli namutou polipoli.

Malongolongona Kubaana mine Iesu Luk ei niage 6:21 交叉參考

Matiu 5:4

Sou a vanunua ma tavivine sou tangitangi, ne sou mongemonge, vuna Salemo ni toekube a lilone sou.

Matiu 5:6

Sou a vanunua ma tavivine sou vitolo sele a ogomulina inigogona bilesi, ne sou mongemonge, vuna Salemo ni maaani e sou me sou masu sele.

Malongolongona Kubaana mine Iesu Luk ei niage 1:53

Ei bilii a golu doana papaina usino na vanunua sou vitolo ne sou masu sele. Moni a vanunua sou isa a golu papaina, ei taulele me sou asu sabubu.

Malongolongona Kubaana mine Iesu Luk ei niage 6:20

Me Iesu i gemuale sou a disaipel minei mei vei maido, “Amutou a kapelabena vanua, namutou mongemonge, vuna avena mina niitealalena mine Salemo ei mine amutou.

Malongolongona Kubaana mine Iesu Luk ei niage 6:22

Ne amutou mongemonge na ilala a vanunua ne sou ite amutou ogomuli e Natuna Bibi me ne sou lilogegelu sele ane amutou, me sou peltaselele amutou me sou lobe amutou, me sou damu ve amutou tomane a vanunua pagu.

Malongolongona Kubaana mine Iesu Luk ei niage 6:25

Amutou seidei amutou aani me amutou masu, mavaana buo ei ni palea le amutou. Mulimuli namutou vitolo. Amutou vanunua seidei amutou polipoli, mavaana buo ei ni palea le amutou. Mulimuli namutou lilomomolu me mu tangi.

Ioanes 11:35

Me Iesu ei tangi.

Ioanes 4:10

Io Iesu ei vei le tavine do maido, “Mane o muada a niabi mine Salemo, me mane o muada e sei bibi vei lio, ‘Sao agu a nanu, eau kale na inu,’ io o no kake ei me ei ni bilii o a nanu na maulina.”

Ioanes 6:35

Me Iesu ei vei le sou maido, “Eau oto eau a ulalu mina maulina. Bibi ei asuale eau ei ni ma vitolo oto. Ma bibi ei silimuli e eau ei ni ma malou oto.

1 Korin 4:11

Lisa otosi asuasu mapigogoi seidei, amiteu ugu a vitolona, ma loone amiteu i tagasa sele, me amiteu kai a kinainai ei masisinge sele. Sou tibi maisabesabe amiteu. Me amiteu ma isa oto a luma namiteu ugu kuba i.

2 Korin 11:27

Eau goli a matamatana pipigona i tivula sele. Mapapaina eau ma ngolo oto, me eau vitolo, me eau malou, mea ma aani oto. Malada papaina maigina i toegegeli e eau me eau ma isa oto a kinainai.

2 Korin 12:10

Maido ma ilala eau ma isa oto a sagalina, ma vanunua sou ma toekube ete eau, ma matamatana mavaana ma golu mamau i guale eau, ma vanunua sou toegegeligeli e eau, vuna e Krais moni, de lilogu ei kubaana moni. Vuna maido ilala eau ma isa oto a sagagalina, na ilala moni iodo eau silimuli sagali lou e Krais me eau isa a sagalina.

2 Korin 6:10

Amiteu tomane amiteu ugu lilomavaa sele, moni taliuliu amiteu mongemonge. Amiteu eili tomane a vanua sou kapelabe, moni amiteu goli a vanunua ma tavivine sou palea vuvuti. Amiteu tomane amiteu ma isa oto a golu tasa, moni amiteu isa a golugolu vuso.

Iemus 1:12

Bibi ei magili sagali mei tabule a mavaana mina tinovo vuso ei ni mongemonge. Vuna ilala ei veletase vuse a tinovo vuso, Salemo ni bilii e ei a kele mina maulina tomane a niabi minei. Iedo Salemo ei adegatunasi usino ne sou so kale sele ei.

Inade i Ovu 21:3

Me na niugugu a mapana eau longe a baligolu tasa ei tola sagali maido, “Longe. Seidei a luma mine Salemo ei muina pilu a vanunua ma tavivine. Salemo ei ino balivua ne sou, me ne sou muina a vanunua ma tavivine mine Salemo. E, Salemo oto ei ni pilu e sou, me ei ni muina e Salemo mine sou.

Inade i Ovu 7:16

‘Ne sou ma vitolo lou oto, ma loone sou ni ma tagasa lou oto. Oaso ei ni ma mapigogoi ete ni voe a vovone sou, ma golu tasa boa ei ni toe a vovone sou i tivula mamau sele.