Acts 25:3 - Bo-Ung NT

³ Enini Pestas tondulu munduku mawa teku kene niku mele: “Nu-ni oliu numanu samili liiku tapunjui. ‘Poll ya Jerusallem ka-lkuna pípili yandu liiku mundangi.’ ni.” niring. Enini Poll kupulanum-na nokuku molku toku kunjingíndu aku-siku niring.

Acts 25:3 交叉參考

John 16:3

Tata-kene olsu pilíí naa piliilimiláliinga yambuma-ni eni-kene aku-siku teku kis-singí.

Acts 9:2

mawa tepa walsurum kene yi-nuimele-ni pepá te topa sipa kene nimba mele: “Yi Soll ili kolea-auli Damaskas pupa, Juda-yambuma liiku máku toku Pulu Yili-nga ungele piliilimili lkumanga pupaliinga, Yesos-ni tirim akili mele piliiku molemele yambuma kanupa liipa ka sipa, Jerusallem yandu memba upili.” nirim.

Acts 9:24

akiliinga-pe yunu piliirim. Yunu toku kunjingíndu tanguli kepe sumbulsuli kepe polu-pakana nokunjuku muluring.

Romans 3:8

Yambu te-ni aku nilkanje ung kis ili mele nilkimelanje kapulanje: “‘Ulu-kaíma wendu upili.’ nimbu ulu-kísima teamili.” nambimuna manda naa nilkimelaye? Ung-kis ili mele yambu mare-ni gólu toku nandu “Aku nillu.” nilimele. Aku nilimeláliinga mindili nungí kene kapula.

2 Corinthians 11:26

lku tenga-lupa ena pulele naa pepu, kolea lupa-lupamanga pulele pelsiliipu mindi andurundu; [andurundu kene] ena marenga pondeanga na nona purunduko; wale marenga wa nuli yima-ni na toku mélema wa liingí tiringko; wale marenga nanga [Juda-]yambuma-ni na tungí tiring; wale marenga Juda-yambu naa molku talapena-ulsukundu yambuma-ni na tungí tiringko; wale marenga taon-manga na tungí tiring; wale marenga na kolea-wakana andurundu kene na pondeanga kolea-ni nombá tirim; wale marenga numú-kusana na no wangurunduko; wale marenga yi mare-ni gólu toku ‘Oliu Krais-nga yima molemulu.’ niku kene nanga kongunuma pipi sinjingí tiringko.